Мулоқоту вохӯрӣ бо таълимгирандагони муассисаҳои таълимии Ҷамоати шаҳраки Адрасмон

Санаи 13.01.2022, гурӯҳи кории Мақомоти иҷроияи ҳокимияти давлатии шаҳри Гулистон дар ҳайати Наимҷон Шарифов, сармутахассиси бахши кор бо ҷавонон ва варзиши шаҳри Гулистон, Аҳлиддин Тоҷидинов иҷрокунандаи вазифаи мудири бахши дин, танзими анъана ва ҷашну маросим ва Матлуба Сатторова сармутахассиси комиссияи ҳифзи ҳуқуқи кӯдак  бо хонандагони муассисаҳои таълимии №4, №5, №7, №12 ва №13-и Ҷамоати шаҳраки Адрасмони шаҳри Гулистон ҷиҳати шарҳу тавзеҳи нуктаҳои Паёми Пешвои муаззами миллат ва пешгирии ҳодисаҳои номатлуб ба мсили ифротгароӣ, бегонапарастӣ, нашъамандӣ, коррупсия ва ҷинояткорӣ мулоқоту вохӯриҳо доир намуданд.

Дар мулоқоту вохӯриҳо хонандагони синфҳои болоӣ ва омӯзгорон иштирок намуданд.

Дар мулоқот нуктаҳои муҳими Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шарҳу тавзеҳ дода шуд.

ШАРҲУ ЭЗОҲИ НУКТАҲОИ ПАЁМ БО ТАРҒИБОТЧИЁНИ ШӮРОИ ҲАРАКАТИ ҶАМЪИЯТИИ ВАҲДАТИ МИЛЛӢ ВА ЭҲЁИ ТОҶИКИСТОН

Тибқи нақшаи тасдиқнамудаи Раиси Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон, Раиси вилояти Суғд муҳтарам Раҷаббой Аҳмадзода бо мақсади шарҳу эзоҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар шаҳри Гулистон санаҳои 13-14уми январи соли 2021 вохӯрии гурӯҳи тарғиботии вилоятӣ  бо иштироки Исломҷон Раҳимов номзади илмҳои филологӣ, дотсент, декани факултети забонҳои шарқи МДТ “Донишгоҳи давлатии Хуҷанд ба номи академик Бобоҷон Ғафуров” ва Нодир Турсунзода хабарнигори рӯзномаи “Ҳақиқати Суғд” ва тарғиботчиёни маҳаллӣ Илҳом Мадализода мудири шуъбаи рушди иҷтимоӣ ва робита бо ҷомеаи дастгоҳи Раиси  шаҳр ва Аҳлиддин Абдураҳмонов мудири бахши кор бо ҷавонон ва варзиши шаҳр бо кормандони соҳаҳои гуногуни хоҷагии халқи шаҳр ташкил ва гузаронида шуд.

Чунин вохӯрӣ дар толори мактаби санъати шаҳри Гулистон низ доир гардид.   Тағиботчиёни Шӯрои вилоятӣ ва шаҳрии Ҳаракати ҷамъиятии ваҳдати миллӣ ва эҳёи Тоҷикистон суханронӣ намуданд. Зикр гардид, ки Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» ба Маҷлиси Олии кишвар, ки санаи 21-уми декабри соли 2021 ироа гардид фарогири ҳамаи самтҳои хоҷагии халқи кишвар мебошад.

Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ, зиёд намудани маоши амалкунандаи вазифавии хизматчиёни давлатӣ, кормандони ташкилотҳои буҷетӣ, андозаи нафақа ва стипендия

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи тадбирҳои тақвият бахшидани сатҳи ҳифзи иҷтимоии
аҳолӣ, зиёд намудани маоши амалкунандаи вазифавии хизматчиёни
давлатӣ, кормандони ташкилотҳои буҷетӣ,
андозаи нафақа ва стипендия

Бо мақсади баланд бардоштани сатҳи некуаҳволӣ ва таъмини ҳифзи иҷтимоии аҳолӣ мутобиқи моддаҳои 143, 147 ва 149 Кодекси меҳнати Ҷумҳурии Тоҷикистон, моддаи 36 Қонуни Ҷумҳурии Тоҷикистон «Дар бораи хизмати давлатӣ» ва моддаи 51 Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» фармон медиҳам:

ҶАМЪБАСТИ ФАЪОЛИЯТИ СОЛОНАИ КУМИТАИ ИҶРОИЯИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ШАҲРИ ГУЛИСТОН

Имрӯз дар толори Мақомоти иҷроияи ҳокимияти давлатии шаҳри Гулистон маҷлиси ҷамъбастии фаъолияти солонаи Кумитаи иҷроияи ҲХДТ дар шаҳри Гулистон баргузор гардид. Ба кори он раисони ташкилотҳои ибтидоӣ, собиқадорони ҳизб, аъзоёни фаъоли Ташкилоти ҷамъиятии ҷавонон “Созандагони Ватан” ва аъзоёни фаъоли кумитаи иҷроияи шаҳрӣ даъват гардида буданд. Дар кори маҷлис Раиси шаҳри Гулистон муҳтарам Маҷидӣ Бахтиёр Саидаҳмадзода ва раиси Кумитаи иҷроияи Ҳизби Халқии Демократии Тоҷикистон дар вилояти Суғд муҳтарам Исмоилзода Зуфар Муртазохон иштирок доштанд.

Пас аз шунидани ҳисоботи Раиси Кумитаи иҷроияи ҲХДТ дар шаҳри Гулистон Ҷамолиён Муслимахон Ғайбуллозода оид ба фаъолияти кумитаи иҷроияи шаҳрӣ дар соли 2021 аъзоёнии фаъоли Ҳизби Халқии Демократии Тоҷикистон дар шаҳри Гулистон ба музокира баромада онро хуб арзёбӣ намуданд.