30-СОЛИ ҲАМБАСТАГИИ ҶАВОНОН БО ПЕШВОИ МИЛЛАТ

Дар толори мактаби санъати шаҳри Гулистон санаи 09.10.2021 дар асоси барқиянмаи фаврии Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва нақшаи кории филиали Иттифоқи ҷавонони Тоҷикистон дар шаҳри Гулистон конфренсияи илмӣ-назариявӣ таҳти унвони “30-соли ҳамбастагии ҷавонон бо Пешвои миллат” ба ифтихори таҷлили 30-солагии таъсисёбии ташкилоти ҷамъиятии Иттифоқи ҷавонони Тоҷикистон баргузор гардид.

Дар конфренсия Аҳлиддин Абдураҳмонов, раиси филиали Иттифоқи ҷавонони Тоҷикистон дар шаҳри Гулистон, Фаридуншоҳ Абдуллоев, мутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр, аъзои фаъоли Иттифоқи ҷавонони Тоҷикистон дар шаҳр,  Исмоил Саидов, сармутахассиси бахши камолшиносии Маркази илмии Камоли Хуҷандӣ, докторанти МДТ “Донишгоҳи давлатии Хуҷанд ба номи академик Бобоҷон Ғафуров”, аъзои фаъоли Иттифоқи ҷавонони Тоҷикистон дар шаҳр, аъзои фаъоли Иттифоқи ҷавонони Тоҷикистон дар шаҳр, ҷавонони коллеҷи тиббӣ ва таълимгирандагони муассисаҳои таълимии шаҳр иштирок намуданд.

Пешвои миллат Эмомалӣ Раҳмон корхонаи истеҳсоли маҳсулоти ширии ҶДММ «Шири Спитамен»-ро ифтитоҳ намуданд

8 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Спитамени вилояти Суғд ташриф оварданд.

Нахуст, Сарвари давлат дар деҳоти ба номи Турсун Улҷабоеви ноҳия корхонаи истеҳсоли маҳсулоти ширии Ҷамъияти дорои масъулияти маҳдуди “Шири Спитамен”-ро ифтитоҳ карданд.

Иншоотро соҳибкори ватанӣ-муассиси Ҷамъияти саҳоми пӯшидаи “Комбинати шири Душанбе” Наврӯз Комилов ба муносибати ҷашни 30-солагии Истиқлолияти давлатии Ҷумҳурии Тоҷикистон дар масоҳати 60 садяк бунёд намудааст, ки аз ду хати истеҳсолӣ иборат мебошад.

Барои бунёди корхона ва таъмин намудани он бо таҷҳизоти замонавӣ 15,5 млн. сомонӣ сарф гардидааст.

Пешвои миллат Эмомалӣ Раҳмон дар чорабинии бошукуҳи фарҳангӣ дар шаҳри Хуҷанд иштирок намуданд

7 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар варзишгоҳи марказии шаҳри Хуҷанд дар барномаи бошукуҳи идона ба ифтихори 30-солагии Истиқлолияти давлатӣ иштирок ва суханронӣ карданд.

Нахуст Пешвои миллат муҳтарам Эмомалӣ Раҳмон тамоми сокинони заҳматқарини шаҳру ноҳияҳои вилояти Суғдро ба муносибати сиюмин солгарди истиқлолу озодии Тоҷикистони маҳбубамон самимона табрик гуфтанд.

Сарвари давлат муҳтарам Эмомалӣ Раҳмон бо изҳори қаноатмандӣ аз дастовардҳои даврони соҳибистиқлолӣ таъкид доштанд, ки дар вилоят давоми се соли охир корҳои бузурги созандагӣ вусъат гирифта, дар ин давра зиёда аз 8000 иншооти иҷтимоиву истеҳсолӣ ва инфрасохторӣ сохта, ба истифода супорида шудааст.

Сарвари давлат Эмомалӣ Раҳмон дар маросими оғози корҳои мумфаршкунии роҳ дар деҳоти Хистеварзи ноҳияи Бобоҷон Ғафуров иштирок намуданд

Бо иштироки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Саъдии деҳоти Хистеварзи ноҳияи Бобоҷон Ғафуров корҳои мумфаршкунии роҳи дарозиаш 10,4 километр ва паҳноии 5 метр оғоз гардид.

Маврид ба зикр аст, ки бо эълон гардидани Солҳои рушди деҳот, сайёҳӣ ва ҳунарҳои мардумӣ то имрӯз дар деҳоти Хистеварз 10,6 километр роҳҳои мошингарди дохили маҳаллаҳо мумфашр гардидааст.

Дар баробари корҳои ободонӣ дар деҳоти мазкур бо дастуру супоришҳои Пешвои муаззами миллат муҳтарам Эмомалӣ Раҳмон муассисаҳои тандурустӣ, маориф, марказҳои касбу ҳунаромӯзӣ ва дигар хизматрасониҳои хоҷагии халқ мавриди истифода карор гирифтаанд.

Сокинони деҳоти Хистеварзи ноҳияи Бобоҷон Ғафуров ба мисли дигар шаҳрвандони ватандӯсти кишвар аз пайи ободонию созандагии махаллу дехоти худ мебошанд.