“ТОҶИКИСТОН БА ПЕШ!”

Таҳти ин унвон дар толори бахши фарҳанги шаҳри Гулистон маҳфили илмӣ – адабӣ таҳти унвони «Тоҷикистон, ба пеш!» бо иштироки фаъолони Ҳаракати ваҳдати миллӣ ва эҳёи Тоҷикистон дар шаҳр баргузор гардид.

Дар ибтидо мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода номаи шодбошии Раиси шаҳри Гулистон Бахтиёр Саидаҳмадзодаро манзури иштирокдорони маҳфил намуд.

Сипас мудири бахши кор бо ҷавонон ва варзиши шаҳр Аҳлиддин Абдураҳмонов дар мавзӯи “Ҷавонон ва Истиқлолияти давлатӣ” суханронӣ намуд. Омӯзгори муассисаи таълимии №14 Бимфазилат Юсуфова, ғолиби озмуни шаҳрии “Фурӯғи субҳи доноӣ китоб аст” Зубайда Раҳмонова, муовини директори гимназия Фазилат Фаридунова ва директори китобхонаи марказии шаҳр Биомина Мирзоева доир ба мафҳум, моҳият ва арзишҳои истиқлолият суханронӣ намуданд.

ҒАЛАБАИ “ГУЛИСТОН” ДАР САФАР

Дар варзишгоҳи марказии шаҳри Бӯстон дар доираи даври 10-ум (марҳилаи дуюм)-и чемпионати Тоҷикистон байни дастаҳои Лигаи дуюм (минтақаи Суғд) оид ба футбол санаи 11-уми августи соли ҷорӣ вохӯрии дастаҳои “Суғдиён”-и шаҳри Бӯстон ва “Гулистон”-и шаҳри Гулистон баргузор гардид.

Бозии аввалини марҳилаи дуюм пас аз ҷамъбасти марҳилаи аввал ва   танаффуси якмоҳа бо қувваи тоза ва басе ҷолибу диданӣ сурат гирифт.  Дар қисми аввалӣ дидор бозигарони дастаи “Гулистон”-и шаҳри Гулистон имкониятҳои зиёди голзаниро ба вуҷуд оварданд, ки дар натиҷа ҳуҷумкори даста ба задани 2 тӯб ба дарвозаи ҳариф мушарраф гардид. Бозигарони дастаи Бӯстон низ дар пайи кӯшишҳои зиёд ба задани як тӯб даст ёфтанд. Ҳамин тавр бо ҳисоби 1 – 2 қисми аввали бозӣ ба охир расид.

Дар қисми дуюми бозӣ футболбозони дастаи “Суғдиён”-и шаҳри Бӯстон ташаббусро ба даст гирифта маротибаи дуюм хати дарвозаи меҳмононро рахна намуданд. Пас аз голи мизбонон бозӣ ҷолибтар гардид ва дар натиҷаи ҳуҷумҳои пайиҳам футболбозони гулистонӣ ба задани 2 туби дигар ба дарвозаи мизбонон муяссар гардиданд.

ВАРЗИШ – ВОСИТАИ БЕҲТАРИНИ САЛОМАТИИ ИНСОН

Дар толори хурди Мақомоти иҷроияи ҳокимияти давлатии шаҳр бахшида ба Рӯзи варзишгарон ҷамъомади ботантана доир гардид. Муовини Раиси шаҳри Гулистон Ғайрат Оқилзода табрикоти Раиси шаҳри Гулистон Бахтиёр Саидаҳмадзодаро ба ифтихори Рӯзи варзишгарон манзур намуд.

Тазаккур дода шуд, ки дар заминаи сиёсати иҷтимоии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон намудҳои гуногуни варзиш дар  кишвар рушд намуда, варзишгарони  тоҷик имкон пайдо намуданд, ки дар мусобиқаҳои гуногуни сатҳи байналмилалӣ ва ҷаҳонӣ иштирок ва қуввасанҷӣ намоянд.

Дар давоми солҳои соҳибистиқлолӣ дар ҳудуди шаҳри Гулистон ва ҷамоати шаҳракҳои тобеи он беш аз 100 иншооти варзишӣ қомат афрохта, дари худро барои дӯстдорони варзиш боз намудаанд. Ин ҳама шароитҳои мусоид барои таъмини оммавияти варзиш, ҷалби ҷавонону наврасон ба тарбияи ҷисмонию варзиш, омода намудани варзишгарони касбӣ ва дар маҷмуъ барои тарғиби тарзи ҳаёти солим, пешгирии ҳамагуна падидаҳои номатлуб дар байни ҷомеа нигаронида шудааст. Ин аст, ки варзишгарони шаҳр дар давоми нимсолаи аввали соли ҷорӣ дар 16 мусобиќаи дохилимактабї – бо гирифтани  449 медал, 12 мусобиќаи шањрї бо гирифтани 344 медал, 12 мусобиќаи вилоятї бо гирифтани 31 медал ва дар 5 мусобиќаи љумњуриявї бо гирифтани 24 медал мушарраф гардиданд, ки дар маҷмуъ 852 медалро ташкил медиҳад. Боиси ифтихор аст, ки футболбозони дастаи “Гулистон”-и шаҳр ғолиби Ҷоми вилояти Суғд - 2021 оид ба футбол гардиданд.

Табрикоти Раиси шаҳри Гулистон Бахтиёр Саидаҳмадзода ба муносибати Рӯзи варзишгарон

Варзишгарони арҷманди гулистонӣ!

Ҳамасола санаи 10 август, дар кишвари соҳибистиқлоламон Рӯзи варзишгарон бо як шукӯҳу шаҳомати хоса таҷлил мегардад. Ин санаи фархундаро ба кулли варзишгарон, собиқадорону мураббиён ва кормандони соҳаи варзиши шаҳр табрику таҳният гуфта, бароятон саодати рӯзгор, тансиҳативу хонаободӣ, муваффақият ва дастовардҳои калони варзиширо таманно дорам.

Варзиш қосиди сулҳу ваҳдат аст. Чуноне ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд менамоянд: «Варзиш омили тавоноӣ, таҳкими дӯстӣ ва ҳамкории халқияту давлатҳо мебошад».

Роиҷ ба зикр аст, ки ҳанӯз аз замонҳои қадим мардуми мо ба тарбияи ҷисмонӣ ва варзиш рағбати зиёд дошта, онро ҳамчун воситаи муҳими беҳдошти саломатӣ, ташаккули ҷисмониву маънавӣ ва мустаҳкам намудани дӯстӣ байни қавмҳо васеъ истифода менамудаанд.

Боиси ифтихор аст, ки нуфузи тарбияи ҷисмонию варзиш сол то сол боло рафта, таваҷҷуҳи давлату ҳукумат низ ба ин соҳа бештар ва дар ин замина дастовардҳои варзишгарон дар мусобиқаҳои сатҳи ҷаҳонӣ меафзояд. Қабул гардидани Барномаҳои давлатӣ, таъсис додани стипендияҳо, ҷоизаҳо, грантҳои президентӣ ва сохта ба истифода додани даҳҳо иншооти муҳташами варзишӣ аз таваҷҷуҳи хосаи давлату ҳукумати кишвар нисбати рушду такомули варзиш шаҳодати рушди бемайлони варзиш дар кишвар аст.