Машқҳои муштарак

Дар асоси дастури Сарфармондеҳи Қувваҳои Мусаллаҳи ҶТ, Президенти мамлакат Эмомалӣ Раҳмон ва фармони Вазири мудофиаи кишвар Шералӣ Мирзо 4 рӯз машқҳои муштараки «ҲИФЗ -2015» бо иштироки намояндагони 18 шаҳру ноҳия дар қаламрави вилоят гузаронида шуд.

Дар анҷоми чорабинӣ барои фаъолнокӣ ва чусту чолокӣ дар иҷрои машқҳо беҳтаринҳо бо медал, Ифтихорномаю раҳматнома аз ҷониби Раиси вилояти Суғд Абдураҳмон Қодирӣ ва вазири мудофиаи ҶТ, генерал-лейтенант Шерали Мирзо сарфароз гардиданд.

«Меҳри модар»-армуғони идона

Бо ҳадафи истиқболи сазовори ҷашнҳои 24-солагии Истиқлолияти давлатии Ҷумҳурии Тоҷикистон, 21-умин солгарди Сарқонуни мамлакат татбиқи сиёсати бунёдкорона, ки аз самтҳои Президенти мамлакат ба Маҷлиси Олии Ҷумҳурии Тоҷикистон бармеояд ва ҳамовозӣ ба иқдоми Раиси вилояти Суғд доири «500 рӯзи меҳнати зарбдор бахшида ба истиқболи 25-солагии Истиқлолияти давлатии Ҷумҳурии Тоҷикистон» дар шаҳри Қайроққум корҳои ободкориву созандагӣ вусъат меёбад.

Мақомоти иҷроияи ҳокимимяти давлатии шаҳри Қайроққум дар Соли рушди фарҳанг баҳри бунёд ва тармиму таҷдиди иншоотҳои фарҳангӣ – маърифатӣ таваҷҷӯҳ зоҳир менамояд. Фаъолияти босамари муассисаҳои фарҳангию варзишӣ баҳри густариши мубодилаи афкори солим, рушди ҳунар, сайқали илму дониш, дӯстию рафоқат ва тарбияи ҷавонон заминаи боэътимод аст. Мактабҳои мусиқии бачагонаи шаҳракҳои Консой ва Адрасмон пурра аз таъмири асосӣ баромад. Болои боми Хонаи фарҳанги Адрасмон, ки солиёни зиёд таъмирталаб буд таъмир карда шуд. Ҳавзи шиноварӣ низ дар маркази шаҳр ҳоло мавриди таъмиру таҷдид қарор дорад.

Истиқлолият неъмати бебаҳо

Бисту чор сол аст, ки Суруди миллии мо дар саросари Тоҷикистон ва берун аз хоки он дар маросиму чорабиниҳои сатҳи олӣ ва дигар маъракаҳои муҳим баланд садо дода, Тоҷикистони соҳибистиқлолро бо ҷаҳониён муаррифӣ менамояд.

Ҳарчанд, ки истиқлоли мо ҷавон аст, вале решаҳои он ба умқи таърихи пурифтихори халқамон мерасанд. Баромади сармутахассиси шӯъбаи рушди иҷтимоӣ ва робита бо ҷомеаи МИҲД-и вилоят Ният Ҳаёт санаи 20 августи соли ҷорӣ дар Рӯзи ягонаи ахбори сиёсӣ, ки назди кормандони соҳаи тибби Маркази саломатии шаҳр бо чунин андешаҳои болоӣ оғоз ёфт.

Таъйиноти кадрӣ

Бо қарори Раиси шаҳр таҳти № 194, аз 17 августи соли 2015  Каримов Абдуаҳад Қурбонбоевич аз санаи 17 августи соли 2015 роҳбари дастгоҳи Раиси шаҳри Қайроққум таъйин шуд.

Каримов Абдуаҳад Қурбонбоевич 13 июли соли 1989 дар Ҷамоати деҳоти Унҷии ноҳияи Б.Ғафуров дида бар олами ҳастӣ бикшодааст. Таҳсилро дар мактаби миёнаи № 14 оғоз карда, баъдан аз соли 2000 дар «Мактаби хусусии ба номи П.Пӯлодов»  идома медиҳад.

Соли 2007 ба донишгоҳи аграрии Тоҷикистон факултаи агрономӣ дохил шуда, онро соли 2012 хатм кардааст.

Фаъолияти меҳнатии Абдуаҳад Каримов ба ҳайси мутахассиси шӯъбаи нозироти савдо дар Агентии тоҷикстандарт дар вилояти Суғд оғоз ёфтааст. 2 апрели соли 2015 мудири бахши ҳифзи муҳити зисти шаҳри Кайроққум таъйин мегардад. Узви ҲХДТ. Оиладор, соҳиби 2 фарзанд.