РУШДИ ЗАБОНИ ДАВЛАТӢ – ОМИЛИ ҲАСТИИ МИЛЛАТ

Дар толори хурди Мақомоти иҷроияи ҳокимияти давлатии шаҳри Гулистон семинари дастурӣ-методӣ таҳти унвони “Рушди забони давлатӣ – омили ҳастии миллат”  баргузор гардид.

Дар семинар аъзои комиссияи шаҳрӣ оид ба татбиќи Ќонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», мудирони шуъбаву бахшҳо, роҳбарони муассисаҳои таҳсилоти миёнаи умумӣ ва муассисаҳои таълимии томактабӣ, коргузорони ҷамоати шаҳракҳо ва корхонаву ташкилотҳои ҳудуди шаҳр иштирок намуданд. Дар семинари мазкур Раҳим Зулфониён, сардори шуъбаи танзими истилоҳоти Кумитаи забон ва истилоҳоти назди Ҳукумати Ҷумҳурии Тоҷикистон ва Шаҳноза Буриева, сармутахассиси шуъбаи ташкилию ҳуқуқии Кумитаи забон ва истилоҳоти назди Ҳукумати Ҷумҳурии Тоҷикистон иштирок доштанд.

Семинарро муовини Раиси шаҳр Ғайрат Оқилзода ифтитоҳ намуда, зикр дошт, ки тибқи нақшаи тасдиқгардидаи Кумитаи забон ва истилоҳоти назди Ҳукумати Ҷумҳурии Тоҷикистон ҷиҳати таҳлили вазъи риояи муқаррароти Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” гурӯҳи кории Кумитаи забон ва истилоҳоти назди Ҳукумати Ҷумҳурии Тоҷикистон Мақомоти иҷроияи маҳаллии ҳокимияти давлатӣ, шуъбаи маориф, сабти асноди ҳолати шаҳрвандӣ ва ҶДММ осоишгоҳи “Баҳористон”-и шаҳри Гулистонро мавриди таҳлил қарор доданд.

“ТОҶИКИСТОН – ВАТАНИ АЗИЗИ МАН”

Дар толори Кохи фарҳангии “Истиқлол”-и шаҳри Гулистон даври шаҳрии озмуни ҷумҳуриявии “Тоҷикистон – Ватани азизи ман” бо мақсади сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон, дарёфти истеъдодҳои нав дар соҳаи санъати мусиқӣ, арҷ гузоштан ба анъанаҳои милливу мероси пурғановати ниёгон баргузор гардид. Дар озмун зиёда аз 40 нафар иштирокчиён аз маркази шаҳр ва ҷамоати шаҳракҳои Гулистон аз рӯи номинатсияҳои сарояндагӣ ва навозандагии жанрҳои академӣ, анъанавӣ ва эстрадӣ ширкат варзиданд.

Дар натиҷаи ниҳоӣ 25 нафар иштирокчиён ғолиби ҷойҳои ифтихорӣ гардида, бо диплом ва туҳфаҳо қадрдонӣ гардиданд. Аз ҷумла, - Муин Раҳматов, Зайнура Усмонова, Рустам Раҳмонов, Мирҷони Меҳрубон, Азамат Тиркашев, Паҳлавон Усмонов, Суҳроб Абдувоситов, Чеҳрон Кенҷаев, Муҳсинҷон Қаландаров, Шоҳраҷаб Эркаев, Ҷонибек Эркаев, Ҳусенҷон Муротов, Ҳалимҷон Олимов, Фарангис Толибова, Элвира Нурова, Ганҷина Бобоева, Ҷовидон Раҳматуллоев, Ҷасур Исмоилов, Фарида Намозова,  Дмитрий Шамахмадов, Ҳабиб Латифзода, Бахтиёр Нарзиев, Сайфулло Саидов, Абдураҳим Абдураҳимов ва Ҷамшед Юсупов.

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев суҳбати телефонӣ доир намуданд

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон муҳтарам Шавкат Мирзиёев суҳбати телефонӣ доир намуданд.

Дар ҷараёни суҳбат роҳбарони ду давлат муносибатҳои дӯстӣ, ҳусни ҳамҷаворӣ ва ҳамкориҳои гуногунҷанбаи Тоҷикистону Ӯзбекистонро мавриди муҳокима қарор дода, ҷараёни устувори рушди онҳоро дар сиғаи шарикии стратегӣ қайд карданд ва аз натиҷаҳои музокироти начандон пешинаи сатҳи олӣ, ки дар шаҳри Душанбе зимни сафари расмии Президенти Ҷумҳурии Ӯзбекистон ба Тоҷикистон доир гардиданд, изҳори қаноатмандии амиқ намуданд. Дар ин қарина ҷонибҳо аҳаммияти татбиқи ҳадафмандонаи мувофиқаҳои дар рафти ин сафар бадастомадаро, ки самтҳои калидии ҳамкориҳои ду кишварро фаро мегиранд, таъкид намуданд.

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қазоқистон Қосим-Жомарт Токаев суҳбати телефонӣ анҷом доданд

Дирӯз суҳбати телефонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Қазоқистон муҳтарам Қосим-Жомарт Токаев баргузор гардид.

Дар оғози суҳбат Роҳбарони ду давлат оид ба натиҷаҳои сафари расмии ба наздикӣ анҷомдодаи Президенти Ҷумҳурии Қазоқистон дар Тоҷикистон, мубодилаи афкор намуданд ва ба тавофуқоте, ки дар ҷараёни гуфтушунидҳои Душанбе дар сатҳи олӣ ба даст омаданд, баҳои баланд доданд. Дар ин қарина Пешвои миллат изҳори боварӣ намуданд, ки татбиқи пайгиронаи тавофуқоти мазкур ба рушди бемайлони шарикии стратегии ду кишвар мусоидат хоҳад кард.

Президентҳо инчунин вазъи имрӯзаи сиёсиву низомии Афғонистони ҳамсояро мавриди муҳокима қарор доданд. Муҳиммияти мусоидати ҳамаҷониба ба оғози амалии раванди музокироти байниафғонӣ қайд карда шуд.