Санаи 12-уми феврали соли 2024 бо мақсади тарғибу ташвиқи ҳисси ватандӯстӣ дар байни хонандагон, таҳкими дӯстӣ, ташвиқоти хизмат дар сафи Қувваҳои Мусаллаҳи Ҷумҳурии Тоҷикистон, бахшида ба Рӯзи таъсисёбии Артиши миллии Ҷумҳурии Тоҷикистон дар шаҳри Гулистон даври шаҳрии озмуни ҳарбӣ - варзишии "Ватанпарвар" байни дастаҳои муассисаҳои таҳсилоти миёнаи умумии 1, 2, 12, 13 бо иштироки директори МД "Маркази таҳсилоти иловагии шаҳри Гулистон", мушовири ҳарбӣ-варзишии шуъбаи маориф ва сармутахассиси ТҶММ вилояти Суғд ботантана ташкил ва гузаронида шуд.
Озмун тибқи Низомнома аз рӯи 5 шарт гузаронида шуд:
- машқҳои сафороӣ;
- тарбияи ҷисмонӣ;
- омодагии дифои ҳарбӣ;
- мудофиаи гражданӣ ва тайёрии тиббию санитарӣ;
- пешниҳод намудани варақаи ҳарбӣ;
Муфассал Шарҳ додан
Дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми навбатиашон ба Маҷлиси Олӣ баён доштанд, дар шаҳри Гулистон маъракаи ниҳолшинонӣ бомаром ҷараён дорад.
Бо мақсади ҳифз ва нигаҳдории иншоотҳои маишиву хизматӣ ва тозаву озода намудани ҷуйборҳо аз ҳаргуна партовҳо санаи 10 феврали соли 2024, дар маркази шаҳр аксияи тозагии маҳал ташкил ва гузаронида шуд.
Санаи 10.02.2024 дар шаҳри Гулистон ҷиҳати бо нархҳои дастрас пешниҳод намудани маҳсулоти ниёзи аввалия ба сокинон ярмарка ташкил гардид.
Санаи 08.02.2024 дар асоси нақшаи тасдиқгардидаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон ва бо ташаббуси Мақомоти иҷроияи ҳокимияти давлатии шаҳри Гулистон ба муносибати Рӯзи таъсисёбии Қувваҳои Мусаллаҳи Ҷумҳурии Тоҷикистон дар қисми ҳарбии 45025 – и Кумитаи ҳолатҳои фавқулодаи назди Ҳукумати Ҷумҳурии Тоҷикистон таҳти унвони “Тоҷикистон – кишвари ваҳдатофару ваҳдатсаро” бо иштироки ҳайати таблиғоти Шӯрои вилоятиву шаҳрии Ҳаракат бо сарбозон вохӯрӣ баргузор карда шуд.
