АВСЕАИ КОРҲОИ ФАҲМОНДАДИҲӢ БО ВОЛИДАЙН

Тибқи нақшаи тасдиқгардида аз ҷониби Мақомоти иҷроияи ҳокимияти давлатии шаҳри Гулистон имрӯз 01.02.2023 дар толори гимназияи №1-и маркази шаҳр бо волидайни хонандагони муассиса доир ба шарҳу тавзеҳи нуктаҳои Паёми Пешвои миллат, Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, пешгирии падидаҳои номатлуб, таълимоти ғайриқонунии динӣ ва ҳифзи манфиатҳои миллӣ вохӯрӣ баргузор карда шуд.

Дар вохӯрии мазкур Аҳлиддин Абдураҳмонов, мудири бахши кор бо ҷавонон ва варзиши шаҳр, Сатторова Матлуба и.в. мудири бахши кор бо занон ва оила, Дилрабо Каримӣ мудири шуъбаи маорифи шаҳр, намояндаи САҲШ-и шаҳр ва намояндаи Раёсати кор бо занон ва оилаи Мақомоти иҷроияи ҳокимияти давлатии вилояти Суғд иштирок ва суханронӣ намуданд.

ГУЛИСТОН: ОЗМУН БАРОИ ИШҒОЛИ МАНСАБҲОИ ХОЛИИ МАЪМУРИИ ХИЗМАТИ ДАВЛАТӢ БАРГУЗОР КАРДА ШУД

Дар мақомоти иҷроияи ҳокимияти давлатии шаҳри Гулистон санаи 01.02.2023 дар асоси қарори Раиси шаҳр озмун барои ишғоли мансабҳои холии  маъмурии хизмати давлатӣ баргузор карда шуд.

Дар озмуни мазкур довталабон барои ишғоли вазифаҳои мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, мудири шуъбаи иқтисод ва савдои мақомоти иҷроияи ҳокимияти давлатии шаҳр, сармутахассиси бахши умумии назорат ва муроҷиатҳои дастгоҳи Раиси шаҳр, мутахассиси шуъбаи иқтисод ва савдои мақомоти иҷроияи ҳокимияти давлатии шаҳр, мутахассиси бахши бойгонии мақомоти иҷроияи ҳокимияти давлатии шаҳр, мутахассии пешбари бахши фарҳанги шаҳр, сармутахассис сармуҳосиби ҷамоати шаҳраки Чоруқдарон иштирок намуданд.

Озмуни мазкур аз ҷониби ҳайати Комиссияи озмун ба таври шаффофу одилона баргузор гардида, довталабоне, ки ба вазифаҳои интихобкардаашон лоиқ дониста шуданд, ба ишғоли мансабҳо пешниҳод гардиданд.

ҶАЛАСАИ КОРИИ НАЗДИ РАИСИ ШАҲР БАРГУЗОР ГАРДИД

Имрӯз, 30.01.2023 дар толори хурди мақомоти иҷроияи ҳокимияти давлатии шаҳр ҷаласаи кории назди Раиси шаҳр баргузор карда шуд.

Дар кори ҷаласа муовин ва роҳбари дастгоҳи Раиси шаҳр, мудирони шуъбаву бахшҳо, раисони ҷамоати шаҳракҳо ва дигар шахсони дахлдор иштирок доранд.

Раиси шаҳр Раъно Ҳошимзода кори ҷаласаро оғоз намуда, таъкид намуд, ки ҷаласаи мазкур дар заминаи дастуру супоришҳое ки дар маҷлиси васеи Ҳукумати Ҷумҳурии Тоҷикистон аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр гардиданд баргузор гардида истодааст.

ҒОЛИБИ ОЗМУНИ “МУРАББИИ СОЛИ ТОҶИКИСТОН-2022” БО ШУКӮҲ ПАЗИРОӢ КАРДА ШУД

Дар назди бинои шуъбаи маорифи шаҳр бо иштироки намояндагони мақомоти иҷроияи ҳокимияти давлатии шаҳр, намояндагони Раёсати маорифи вилоят Суғд, аҳли зиё, омӯзгорону устодон бо шукӯҳу шаҳомати хоса ғолиби озмуни “Мураббии соли Тоҷикистон-2022” - Набизода Муҳаррам Сироҷидин-мураббияи муассисаи таҳсилоти томактабии №5-и шаҳр пазироӣ карда шуд.

Лозим ба зикр аст, ки санаҳои 23-25-уми январи соли равон дар шаҳри Душанбе даври ҷумҳуриявии озмуни “Мураббии соли Тоҷикистон-2022” баргузор гардид.

Иштирокчиён аз руйи шаш шарт: муаррифии фаъолияти педагогӣ, дониш ва маҳорати касбии мураббия, мизи мудаввар, машғулияти таълимӣ, тасвир намудан ва сохтани манзара бо дархости ҳайати доварон ва таҳлили ҳолатҳои равонӣ ҳунару маҳорати худро нишон доданд.