Мубориза бар зидди коррупсия – кори умум

Дар Муассисаи ғайридавлатии коллеҷи тиббии шаҳри Қайроққум бо иштироки  раиси Кумитаи иҷроияи шаҳрии ҲХДТ Каромат Қосимова, мудири шӯъбаи кор бо бонувони КИ ҲХДТ Саёҳат Бадалова ва мудири шӯъбаи кор бо занон ва оилаи МИҲД-и  шаҳр Муслимахон Исоқова вохӯрӣ бо омӯзгорону донишҷӯён доир гардид.

Дар мавзӯи «Мубориза бар зидди коррупсия қарзи шаҳрвандии мост» Каромат Қосимова баромад намуда зикр дошт, ки дар кишвари мо Қонуни ҶТ «Дар бораи мубориза ба зидди коррупсия» қабул гардидааст ва Фармони Президенти мамлакат  аз 30 августи соли 2013, таҳти №1504   «Дар бораи Стратегияи муқовимат бо коррупсия дар ҶТ барои солҳои 2013 -2020» ба тасвиб расида буд, ки барои амалӣ гардонидани он тамоми аҳли ҷомеа вазифадоранд.

Набзи Қайроққум дар расонаҳои ватанӣ

Ҳар ки раҳ паймуд, ба манзил мерасад…

«Сухани халқ» 30.09. соли 2015, №36.

Маводи Илҳом Мадализода дар бораи марҳум, собиқ раиси Кумитаи иҷроияи шаҳрии ҲХДТ Содиқ Ҳомидови зиндаёд дарҷ гардидааст.

Саҳми «Апрелевка» дар ободсозии роҳҳо

«Ҳақиқати Суғд» 3.10. соли 2015, №119.

Саҳмгузории ҶМ ТКММ «Апрелевка» оид ба таъмири пул ва роҳ фарогири хабари номбурда мебошад.

Маҳфили мусиқии халқӣ

Дар толори хонаи маданияти «Дӯстӣ»-и шаҳраки Адрасмон ба муносибати 65-солагии ҳунармарманди шинохта, танбӯрнавози варзидаи адрасмонӣ Турғунбой Тиркашев маҳфили адабӣ-мусиқӣ баргузор гардид.

Дар маҳфил ҳунармандони варзидаи вилоят Абдураҳмон Ашӯров, Мамадҷон Ҳаитов, Даврон Абдуллоев, Ҷамшед Ғаффоров, Дилфуза Фозилова, Усмоналӣ Рустамов, Абдуворис Абдуҷабборов ва дигарон аз шаҳру навоҳии Спитамен, Истаравшан, Бобоҷон Ғафуров, Ашту Қайроққум ширкат варзида, бо суруду мусиқиҳои ҷаззоби классикӣ ва бо санъати баланди навозандагӣ дар асбобҳои мусиқии танбӯру рубоб, ғиҷҷаку дутор табъи иштирокчиёни маҳфилро болида гардониданд.

Аёдати адибаи адрасмонӣ

Гурӯҳи эҷодкорон бо адибаи адрасмонӣ Қумрӣ Юлдошева, ки тайи чанд сол дар бистари беморӣ мебошад, мулоқот намуданд. Ба бемории худ нигоҳ накарда ин бонуи зиндадил ба эҷоди шеър машғул буда, ашъораш дар саҳифаҳои рӯзномаҳои  шаҳрӣ ва вилоятӣ мунтазам нашр мешаванд.

Дидорбинии адиба бо роҳбари адибони узбекзабони Иттифоқи нависандагони Тоҷикистон Урунбой Усмонов, адиби қайроққумӣ Илҳом Раҳим ва намояндаи Ҷамоати Адрасмон Абдулмаҷид Сиддиқов хеле самимӣ ва хотирмон ба вуқӯъ пайваст. Урунбой Усмонов роҷеъ ба маҷмӯаи шеърҳои ба чоп омода намудаи адиба сухан ронда, оид ба завқи баланд ва муҳтавои ашъораш ибрози ақида кард. Дар навбати худ адиба ба доир ба нақшаҳои эҷодиаш ҳарф зада, нисбати ҳусни таваҷҷуҳ ва дастгириҳои мақомоти маҳаллӣ изҳори миннатдорӣ баён намуд.