"ГУЛИСТОН" ҒОЛИБИ СУПЕРҶОМИ ВИЛОЯТ-2026

Санаи 22 апрели соли 2026 дар варзишгоҳи 20-солагии Истиқлолият дар шаҳри Хуҷанд дастаҳои "Гулистон" ва "Спитамен" барои ба даст овардани Суперҷоми вилоят-2026 рақобат намуданд. Вақти асосии бозӣ бо ҳисоби мусовӣ ба охир расида, дар силсилаи зарбаҳои ёздаҳметра дастаи "Гулистон"-и шаҳри Гулистон ғолиб омада, Суперҷоми вилоят-2026-ро соҳиб шуд.

Оғози бобарори мавсим ба дастаи "Гулистон"-и шаҳри Гулистон муборак бод!

БАРГУЗОРИИ ДАВРИ ВИЛОЯТИИ ФЕСТИВАЛ–ОЗМУНИ «ЯК МАТОВУ САД РАНГ» ВА ФУРӮШИ МАҲСУЛОТИ ЧАКАН ВА НАҚШДӮЗИВУ ЗАРДӮЗӢ

Дар шаҳри Хуҷанд даври вилоятии Фестивал–озмуни ҷумҳуриявии «Як матову сад ранг» ва фурӯши маҳсулоти чакан ва нақшдӯзиву зардӯзӣ дар сатҳи баланд баргузор гардид.

Масъулин зимни суханрониҳо таъкид намуданд, ки ҳадафи асосии баргузории чунин фестивалҳо ҳифз ва рушди фарҳанги миллӣ, эҳёи анъанаҳои неки ниёгон, тарғиби либоси миллӣ ва баланд бардоштани ҳисси зебоишиносӣ миёни ҷавонон мебошад. Қайд карда шуд, ки бо дастгирии сиёсати фарҳангпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин иқдомҳо дар тамоми гӯшаву канори кишвар ба таври васеъ роҳандозӣ гардида, барои муаррифии арзишҳои миллӣ заминаи мусоид фароҳам меоранд.

ИСТИҚБОЛИ ТАНТАНАВИИ 3 НАФАР САРБОЗОНИ ШУҶОИ ВАТАН, ДАР ШАҲРАКИ СИРДАРЁ

Имрӯз, 18-уми апрели соли 2026 дар Ҷамоати шаҳраки Сирдарёи шаҳри Гулистон ҷавонмардони асил Абидов Абдуҷамил, Миркамолов Шаҳзод ва Ғаниев Мусофир, ки қарзи шаҳрвандии худ, хизмат дар сафи Қувваҳои Мусаллаҳи Ҷумҳурии Тоҷикистонро ба анҷом расонида сарбаландона ба назди волидон баргаштанд, бо суруру шодмонӣ истиқбол гирифта шуданд.

Мудири бахши кор бо ҷавонон ва варзиши шаҳр Аҳлиддин Абдураҳмонов ва раиси ҷамоати шаҳраки Сирдарё Мушаррафа Охунова сарбозонро барои иҷрои қарзи шаҳрвандӣ самимона таҳният гуфта, ба номбурдагон ва волидони онҳо сипоснома ва туҳфаҳои хотиравӣ тақдим намуданд.

БАРРАСИИ МУРОҶИАТИ ШАҲРВАНДОН

18-уми апрели соли 2026 дар Мақомоти иҷроияи ҳокимияти давлатии шаҳр қабули навбатии шаҳрвандон аз ҷониби Раиси шаҳр Илҳом Пӯлотзода баргузор гардид.

Зимни қабул шаҳрвандон бо масъалаҳои гуногуни иҷтимоӣ ба шаҳрдор муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

Раиси шаҳр ҳар як муроҷиатро мавриди омӯзиш қарор дода, ба нафарони масъул ҷиҳати баррасии ҳамаҷониба ва андешидани чораҳои мушаххас супоришҳо дод. Таъкид гардид, ки ҳалли саривақтии масъалаҳои шаҳрвандон ва расонидани кумаки амалӣ ба онҳо яке аз самтҳои афзалиятноки фаъолияти мақомоти маҳаллӣ ба шумор меравад.