МО ҲОМИЁНИ ВАТАНЕМ!

Озмуни ҳарбӣ-варзишии "Ватанпарвар" як чорабинии муҳимми варзишӣ буда, бо мақсади баланд бардоштани ҳисси ифтихори миллӣ, таҳкими ғояҳои худшиносиву ватандӯстӣ ва омодагии ҷавонон ба хизмати ҳарбӣ ҳамасола дар сатҳи вилоят баргузор мегардад. Он ба хонандагон неруву тавон мебахшад ва ҷисму руҳи шогирдонро тақвият ва омодагии онҳоро ба хизмати ҳарбӣ беҳтар мекунад.

Дар асоси фармоиш ва Низомномаи Раёсати маорифи вилояти Суғд аз 27.01.2025 №21 бо мақсади тарғибу ташвиқи ҳисси ватандӯстиву ватанпарастӣ дар байни хонандагон, баланд бардоштани ҳуввияти миллӣ, ташаккули инсони комил ва ҳимоягари манфиатҳои Ватани хеш, аз худ намудани барномаи омодагии дифои ҳарбӣ дар синфҳои болоӣ, ташаббускорӣ ва худфаъолиятӣ, тарщибу ташвиқи хештаншиносиву бародарӣ мустаҳкам намудани дӯстиву рафоқат, ҷасорату зиракӣ, таҳкими дӯстӣ, ташвиқоти хизмат ба сафи Қувваҳои Мусаллаҳи Ҷумҳурии Тоҷикистон, инкишоф ва оммавияти мусобиқаи варзишӣ байни хонандагони муассисаҳои таҳсилоти умумӣ, муайян намудани ҳайати дастаи беҳтарин ва баланд бардоштани маҳорати варзишии онҳо ба истиқболи 23- юми феврал - Рӯзи таъсисёбии Қувваҳои Мусаллаҳи Ҷумҳурии Тоҷикистон даври шаҳрии озмуни ҳарбӣ-варзишии «Ватанпарвар» санаи 11.02.2025 дар толори варзишии шаҳр баргузор карда шуд, ки дар он шаш дастаи ғолиби даври муассисавӣ аз рӯйи 6 шарт дар сатҳи баланд ташкил ва баргузор гардид.

МУҚОВИМАТ БО ЭКСТРЕМИЗМ ВА ТЕРРОРИЗМ КОРИ ДАСТАҶАМЪИСТ - ИДОМАИ КУРСИ ОМӮЗИШИИ ПАЙРАВОНИ ПЕШВОИ МИЛЛАТ

Имрӯз, 13.02.2025 дар толори хурди мақомоти иҷроияи ҳокимияти давлатии шаҳр дарси навбатии курси омӯзишии "Пайравони Пешвои миллат", доир ба пешгирии падидаҳои номатлуб дар ҷомеа, аз қабили экстремизм ва терроризм бо иштироки шунавандагони курс баргузор гардид.

Дар дарси мазкур сардори шуъбаи дар шаҳри Гулистон будаи Раёсати Кумитаи давлатии аминияти миллии Ҷумҳурии Тоҷикистон дар вилояти Суғд Қаҳҳоров Комрон ва мудири бахши кор бо ҷавонон ва варзиши шаҳр Аҳлиддин Абдураҳмонов иштирок ва суханронӣ намуданд.

Зикр карда шуд, ки вазъи мураккаби геополитикии ҷаҳони муосир ва паҳншавии зуҳуроти номатлубу даҳшатовари терроризм ва экстремизм, ки барои ҷомеаи башарӣ, сулҳу субот, амнияти давлат ва рушди устувори давлатҳо таҳдиди бевосита менамояд, на танҳо Ҷумҳурии Тоҷикистон, балки сайёраро ба ташвиш овардааст.

КОРҲОИ ОБОДОНИВУ ХУРРАМГАРДОНӢ ДАР ШАҲР ТАҚВИЯТ МЕЁБАНД

Санаи 08.02.2025 иҷрокунандаи вазифаи Раиси шаҳри Гулистон Илҳом Пӯлотзода аз даромадгоҳи шаҳр, ҷамоати шаҳраки Сирдарё оғоз карда, то соҳили “Баҳри тоҷик” аз вазъи бинову иншоотии шафати роҳи асосӣ дидан намуд. Иҷрокунандаи вазифаи шаҳрро муовинон, роҳбари дастгоҳи Раиси шаҳр, мудирони шуъбаву бахшҳо, роҳбарони муассисаву ташкилотҳои дахдор ҳамроҳӣ намуданд.

Нахуст аз даромадгоҳи ғарбии шаҳр, ҳудуди ҷамоати шаҳраки Сирдарё дидан карда шуд. Ба масъулин ҷиҳати ободу хуррам гардонидани даромадгоҳ, ки дарвозаи шаҳри Гулистон маҳсуб меёбад, аз ҷумла иваз намудани чамани гулгашт, шинонидани гулҳои ороишии мавсимӣ ва таъмири чароғҳои равшанидиҳандаи таъимрталаб.

ТОЗАВУ ОЗОДА НИГОҲ ДОШТАНИ ШАҲР МАРОМИ МОСТ!

Санаи 08.02.2025 дар шаҳри Гулистон ҷиҳати тозаву озода намудани шаҳр ҳашари дастаҷамъии тозагӣ баргузор гардид.

Дар ҳашари тозагӣ ташкилоту корхона, муассисаҳои соҳаи маориф, фарҳанг, тандурустӣ ва дигар соҳаҳои хоҷагии халқи шаҳр фаъолона иштирок намуданд.

Ҳифз намудани табиат ва тозаю озода нигоҳ доштани гирду атроф ба инсонҳо вобастагии комил дошта, қарзи ҳамешагии шаҳрвандии мо мебошад. Бо ин мақсад ҳашарчиён гирду атрофи корхонаву муассисаҳо, мавзеъҳои истироҳатӣ, шафати роҳи асосӣ, гирду атрофи нуқтаҳои савдо ва кӯчаву хиёбонҳои шаҳрро аз ҳама гуна хасу хошок, баргҳои дарахтон ва партовҳо тоза намуданд.