ТАҶЛИЛИ РӮЗИ ИСТИҚЛОЛИ ДАВЛАТӢ ДАР ҚИСМИ ҲАРБӢ

Имрӯз, 9-уми сентябри соли 2025 дар қисми ҳарбии 07746-и Маркази таълимии Вазорати мудофиаи Ҷумҳурии Тоҷикистон дар вилояти Суғд ба муносибати 34-солагии Истиқлоли давлатии Ҷумҳурии Тоҷикистон чорабинии идона баргузор гардид.

Дар чорабинии мазкур муовини Раиси шаҳри Гулистон Шарифҷони Саидраҳмон, раиси КИ ҲХДТ дар шаҳри Гулистон Бахтиёр Каримов ва намояндаи МИҲД вилояти Суғд иштирок намуда, сарбозону афсаронро ба ин муносибат муборакбод намуданд.

Муовини Раиси шаҳр Шарифҷони Саидраҳмон паёми шодбошии Раиси шаҳрро ба муносибати 34-умин солгарди Истиқлоли давлатии Ҷумҳурии Тоҷикистон ба самъи иштирокдорон расонид. Зикр карда шуд, ки бо шарофати Истиқлоли давлатӣ ва бо сарварии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки нерумандтарин муҳофизи истиқлоли кишвар мебошанд, мардуми Тоҷикистон озодона, дар фазои сулҳу ваҳдат бо сари баланд зиндагӣ ва меҳнат мекунанд.

Табрикоти Раиси шаҳри Гулистон Илҳом Пӯлотзода ба ифтихори 34-солагии Истиқлоли давлатии Ҷумҳурии Тоҷикистон

Ҳамшаҳриёни гиромӣ!

Ватани маҳбуби мо – Тоҷикистони соҳибистиқлол 34 сол аст, ки чун узви комилҳуқуқи ҷомеаи ҷаҳонӣ арзи ҳастӣ дорад. Фарорасии санаи фархундаи 34-умин солгарди Истиқлоли давлатии Ҷумҳурии Тоҷикистонро ба кулли ҳамшаҳриён самимона муборак бод гуфта, бароятон тандурустӣ, рӯзгори хушу осуда, иқболи баланд, дар кору пайкоратон муваффақият ва ба Тоҷикистони азизамон осмони мусаффо ва сулҳу амонии ҷовидонаро таманно менамоям.

Бо шарофати Истиқлоли давлатӣ ва бо сарварии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки нерумандтарин муҳофизи истиқлоли кишвар мебошанд, мардуми Тоҷикистон озодона, дар фазои сулҳу ваҳдат бо сари баланд зиндагӣ ва меҳнат мекунанд.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми табрикотии худ зикр намуданд, ки: “Истиқлолу озодӣ барои мардуми Тоҷикистон гаронтарин неъмат ва пурқиматтарин сарвати зиндагӣ мебошад. Зеро ин падидаи нодири таърихӣ ба мо барои бунёди давлати мустақил, ҷомеаи озод ва мутамаддину пешрафта, эҳёи воқеии забон, таърих, фарҳанг ва дигар суннату арзишҳои чандинҳазорсолаи миллӣ имконият фароҳам овард”.

Дар воқеъ Истиқлол ба мо имконияти таърихие фароҳам овард, ки Ватани худро соҳибӣ кунем, давлатдории миллии худро барпо намоем, суннату арзишҳои миллиамонро эҳё созем, ормонҳои деринаи халқамонро амалӣ гардонем ва зиндагии озодонаи мардумамонро ба роҳ монем.

Итминони комил дорам, ки сокинони сарбаланди шаҳри Гулистон муроҷиати Пешвои муаззами миллат муҳтарам Эмомалӣ Раҳмонро сармашқи кори худ қарор дода, бо заҳмати аҳлона дар пешрафти ҳамаи соҳаҳои хоҷагии халқи кишвар саҳми арзандаи худро мегузоранд.

БАРГУЗОРИИ ҲАШАРИ ДАСТАҶАМЪОНАИ ТОЗАКОРӢ ДАР ШАҲРИ ГУЛИСТОН

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва вазифагузориҳои Раиси вилояти Суғд Раҷаб Аҳмадзода бахшида ба сазовор истиқбол намудани Ҷашни 34-солагии Истиқлоли давлатӣ дар шаҳр ҳашари дастаҷамъонаи тозакорӣ дар шаҳр баргузор гардид.

Дар ҳашари тозагӣ кормандони ҳамаи соҳаҳои хоҷагии халқи шаҳр аз ҷумла маориф, тандурустӣ, фарҳанг ва дигар соҳаҳо фаъолона иштирок намуданд.

Ҳифзи табиат ва тозаву озода нигоҳ доштани он, вазифаи шаҳрвандии ҳар сокини шаҳр аст ва чун шаҳри Гулистон дар кишвар ҳамчун шаҳри сайёҳиву саноатӣ шинохта мешавад ба масъалаи тозагӣ аҳамияти хоса дода шуда, ҳамаи гӯшаҳои шаҳр мунтазам тозаву озода карда мешаванд.

ТАҶЛИЛИ СОЛГАРДИ ИСТИҚЛОЛИ ДАВЛАТӢ ДАР ШВКД ҶУМҲУРИИ ТОҶИКИСТОН ДАР ШАҲРИ ГУЛИСТОН

Санам 6-уми сентябри соли 2025 дар толори шуъбаи Вазорати корҳои дохилии Ҷумҳурии Тоҷикистон дар шаҳри Гулистон ба муносибати 34-солагии Истиқлоли давлатӣ чорабинии идона баргузор гардид.

Чорабинӣ бо садо додани Суруди миллӣ оғоз гардид.

Дар чорабинии мазкур Раиси шаҳри Гулистон Илҳом Пӯлотзода, сардори ШВКД Ҷумҳурии Тоҷикистон дар шаҳр Мирзоватан Раҳимзода ва собиқадорони соҳа ҳайати шахсиро бо 34-солагии Истиқлоли давлатӣ шодбош гуфтанд.

Зикр карда шуд, ки Ватани маҳбуби мо – Тоҷикистони соҳибистиқлол 34 сол аст, ки чун узви комилҳуқуқи ҷомеаи ҷаҳонӣ арзи ҳастӣ дорад. Бо шарофати Истиқлоли давлатӣ ва бо сарварии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки нерумандтарин муҳофизи истиқлоли кишвар мебошанд, мардуми Тоҷикистон озодона, дар фазои сулҳу ваҳдат бо сари баланд зиндагӣ ва меҳнат мекунанд.