ГУЛИСТОН: Таҷлили бошукӯҳи Рӯзи ҷавонони Тоҷикистон

Шоми 21-уми майи соли 2025 дар майдони Парчами давлатии Ҷумҳурии Тоҷикистон дар шаҳр чорабинии идона ба муносибати Рӯзи ҷавонони Тоҷикистон бо иштироки Раиси шаҳри Гулистон Илҳом Пӯлотзода, роҳбарони мақомотҳои ҳифзи ҳуқуқ, кормандони мақомоти иҷроияи ҳокимияти давлатии шаҳр, гирандагони Стипендияи Президентӣ, гирандагони Стипендияи Раиси шаҳр, ҷавонони касбу кори гуногун, донишҷӯёни коллеҷи тиббӣ ва дигар сокинону меҳмонони шаҳр баргузор карда шуд.

Раиси шаҳри Гулистон Илҳом Пӯлотзода ба ифтихори Рўзи ҷавонони Тоҷикистон, кулли ҷавонони саодатманди шаҳрро табрику таҳният гуфта, барояшон бахту иқболи нек ва саодати рӯзгорро таманно намуд.

Зикр карда шуд, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Ҳанўз соли 1992 бо дарназардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки иқдоми зикршуда нишонаи возеҳи таваҷҷуҳи хоссаи Пешвои муаззами миллат ва Ҳукумати кишвар ба табақаи фаъоли ҷомеа, яъне наврасону ҷавонон мебошад.

ҶАВОНОН ПАЙРАВОНИ ПЕШВОИ МИЛЛАТ! - Баргузории роҳпаймоии идона ба муносибати Рӯзи ҷавонони Тоҷикистон

Санаи 21.05.2025 дар шаҳри Гулистон ба муносибати Рӯзи ҷавонони Тоҷикистон таҳти унвони "Ҷавонон пайравони Пешвои миллат” роҳпаймоӣ доир гардид.

Дар роҳпаймоӣ беш аз 3500 нафар ҷавонони коллеҷи тиббӣ, муассисаҳои таълимии маркази шаҳр, ҷамоати шаҳракҳои шаҳри Гулистон бо Парчам ва шиору овезаҳои "Мо ҷавонон пайравони Пешвои миллатем", "Мо ҷавонон қалби бедори Ватан", “Тоҷикистон ба пеш!", “Пешвои миллат ифтихори халқи тоҷик”, “Мо пайравони Пешвои миллатем”, “Поянда бод Тоҷикистон”, бо рӯҳияи болида иштирок намуданд.

Сипас, роҳпаймочиён дар чорабинии идона, ки дар майдони Парчами давлатии Ҷумҳурии Тоҷикистон дар шаҳри Гулистон баргузор гардид иштирок намуданд.

БУНЁДИ КОРХОНАВУ КОРГОҲҲОИ САНОАТӢ БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ БО МАРОМ ҶАРАЁН ДОРАНД

Раиси шаҳри Гулистон Илҳом Пӯлотзода аз ҷараёни корҳои бунёдкорӣ, сохтмони иншоти саноатӣ, аз қабили бунёди корхонаҳои навбунёди саноатӣ дар минтақаи саноатии шаҳр дидан намуд.

Дар ҷараёни боздид аз рафти бунёди корхонаҳои саноатӣ Илҳом Пӯлотзода аз корхонаҳои ҶДММ "Парандаи заррин", коргоҳи сардхона дар заминаи ҶДММ "Товус" ва коргоҳи аз ҷониби соҳибкори инфиродӣ бунёд шудаистода шинос шуда, доир ба тақвияти корҳои созандагӣ ва дар муҳлати муайяншуда ба итмом расонидани корҳо супоришҳо дод.

Лозим ба зикр аст, ки тибқи нақшаи бунёду азнавсозии иншооти ҷашнӣ бахшида ба 35-солагии Истиқлоли давлатии Ҷумҳурии Тоҷикистон дар шаҳр 280 иншоот ба нақша гирифта шуда, то имрӯз 184 иншоот мавриди баҳрабардорӣ қарор дода шудааст.

Даври шаҳрии озмуни ҷумҳуриявии "Илм - фурӯғи маърифат" баргузор гардид

Санаи 20.05.2025 дар толори Кохи фарҳангии "Истиқлол"-и маркази шаҳр даври шаҳрии озмуни ҷумҳурияви "Илм - фурӯғи маърифат" оғоз гардид. Дар марҳилаи кушодашавии даври шаҳрии озмун Муслимахон Ҷамолиён муовини Раиси шаҳр, раиси комиссияи озмун иштирок ва суханронӣ намуд.

Таъкид карда шуд, ки тибқи амри Президенти Ҷумҳурии Тоҷикистон аз 2 январи соли 2025, №АП-710 дар кишвар озмуни ҷумҳуриявии озмуни ҷумҳуриявии «Илм-фурӯғи маърифат» баргузор карда мешавад.

Бо мақсади таъмини иҷрои Амри Президенти Ҷумҳурии Тоҷикистон аз 2 феврали соли 2025, №АП-710, қарори Раиси вилояти Суғд аз 31.01.2025, №32, қарори Раиси шаҳри Гулистон аз 17.03.2025, №61 ба тасвиб расидааст.