ВОХӮРИИ РАИСИ ФЕДЕРАТСИЯИ ФУТБОЛИ ШАҲР, РАИСИ ШАҲР ИЛҲОМ ПӮЛОТЗОДА БО ҲАЙАТИ ДАСТАИ "ГУЛИСТОН"-И ШАҲР

Санаи 5-уми майи соли 2026 раиси Федератсияи футболи шаҳри Гулистон, раиси шаҳр Илҳом Пӯлотзода бо ҳайати футболбозони дастаи "Гулистон"-и шаҳри Гулистон вохӯрӣ анҷом дод. Дар вохӯрии мазкур муовини раиси шаҳр Шарифҷони Саидраҳмон, сарпарасти соҳа, мудири бахши кор бо ҷавонон ва варзиши шаҳр Аҳлиддин Абдураҳмонов, сармураббии даста Фаррух Ниёзов ва сармоягузорон, роҳбарони корхонаҳои саноатӣ бозигарони даста иштирок доштанд.

Илҳом Пӯлотзода нахуст ҳайати дастаи “Гулистон”-и шаҳри Гулистонро барои ба даст овардани Суперҷоми вилояти Суғд ва оғози мавсими нави Лигаи дуюми Чемпионати Тоҷикистон оид ба футбол муборак бод гуфта, барояшон дар ҳимояи шарафи дастаи футболи “Гулистон”-и шаҳри Гулистон барору комёбӣ таманно намуд.

ХУДШИНОСИВУ ХУДОГОҲИИ МИЛЛӢ ВА МАЪРИФАТИ БАЛАНД — ҶАҲЛУ ХУРОФОТРО АЗ БАЙН МЕБАРАД!

4-уми майи соли 2026 дар толори хурди МИҲД-и шаҳри Гулистон дарси навбатии курси омӯзишии "Пайравони Пешвои миллат" баргузор гардид.

Дар дарси мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов иштирок ва суханрони намуд.

Нахуст мудири бахши кор бо ҷавонон ва варзиши шаҳр Аҳлиддин Абдураҳмонов дар мавзуи "Худшиносии миллӣ - омили пойдории давлат ва бақои миллат" суханрони намуда, таъкид дошт, ки дар шароити ҷаҳонишавӣ баланд бардоштани сатҳи маърифати ҷомеа, таҳкими худшиносии миллӣ ва рушди ҷаҳонбинии илмӣ аз муҳимтарин омилҳои пешгирии ҷаҳолат ва хурофот ба ҳисоб мераванд. Зикр шуд, ки сиёсати давлат дар самти ҷавонон, маориф, фарҳанг ва тарбияи насли наврасу ҷавон ба ташаккули шахсияти солим ва муқовимат ба ҳар гуна андешаҳои ифротӣ равона гардидааст.

БАРГУЗОРИИ ОЗМУНИ ШАҲРИИ "ОИЛАИ НАМУНАВӢ"

Санаи 03 майи соли 2026 дар тарабхонаи ҶДММ Осоишгоҳи “Баҳористон”-и маркази шаҳр озмуни шаҳрии "Оилаи намунавӣ" баргузор гардид. Муовини Раиси шаҳр Муслимахон Ҷамолиён зимни ифтитоҳи чорабинӣ таъкид намуд, ки оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки: "Масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила аз ҷумлаи проблемаҳое мебошанд, ки диққати доимии тамоми мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад".

Дар чорабинии мазкур оилаҳои намунавии шаҳри Гулистон аз 20 то 55 сола даъват гардида буданд.

Дар чорабинӣ барои иштирокчиён дастархони идона ороста шуд. Оилаҳои намунавӣ доир ба паҳлуҳои гуногуни оиладорӣ сухан намуда таъкид намуданд, ки дар зиндагӣ сабру таҳаммул ва ҳамдигарфаҳмӣ оиларо ба хушбахтӣ мерасонад.

ҚАДРДОНИИ КОРМАНДОНИ НОЗИРОТИ АНДОЗИ ШАҲР

Имрӯз, 5 майи соли 2025 дар толори Нозироти андози шаҳр Раиси шаҳр Илҳом Пӯлотзода ба муносибати Рӯзи кормандони мақомоти андоз кормандони нозироти андози шаҳрро аз номи мақомоти иҷроияи ҳокимияти давлатии шаҳр таҳният намуд.

Таъкид карда шуд, ки мутобиқи Қонуни Ҷумҳурии Тоҷикистон дар бораи рӯзҳои ид ҳамасолаи 4 - уми май дар қаламрави кишвар ҳамчун Рӯзи кормандони мақомоти андоз таҷлил карда мешавад.

Кумитаи андози назди Ҳукумати Ҷумҳурии Тоҷикистон мақомоти марказии ҳокимияти давлатӣ дар соҳаи таъмини назорати давлатӣ аз болои пардохти саривақтӣ ва андозҳо мебошад, ки дар таъмини рушди иҷтимоиву иқтисодии кишвар саҳми босазо дорад.