НОМАИ ТАБРИКОТИИ РАИСИ ШАҲРИ ГУЛИСТОН ИЛҲОМ ПӮЛОТЗОДА БА МУНОСИБАТИ РӮЗИ КОРМАНДОНИ МАҚОМОТИ ПРОКУРОТУРА

Мақомоти иҷроияи ҳокимияти давлатии шаҳри Гулистон ҳайати кормандони прокуротураи шаҳрро бо ҷашни касбӣ - Рӯзи кормандони мақомоти прокуратура муборакбод гуфта, ба Шумо тансиҳатӣ, хотирҷамъӣ, рӯзгори осуда ва дар иҷрои  рисолати пуршарафатон барору комёбӣ таманно менамояд.
Мақомоти прокуратура яке аз ниҳодҳои муҳимми давлатдорӣ мебошад, ки фаъолияти он ба ҳифзи арзишҳои ҷомеаи демократӣ, қонуният, тартиботи ҷамъиятӣ, ҳуқуқу озодиҳои инсон ва шаҳрванд, манфиатҳои давлат ва ҷомеа, ошкору пешгирӣ намудани ҳуқуқвайронкуниҳо ва мубориза бо ҷинояткорӣ равона гардидааст. Таъмини қонунияту адолат, амният, сулҳу субот ва ризоият дар ҷомеа аз фаъолияти самараноки мақомоти прокуратура вобаста мебошад.

НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛ ВА ВАҲДАТИ МИЛЛӢ - ИДОМАИ КУРСИ ОМӮЗИШИИ ПАЙРАВОНИ ПЕШВОИ МИЛЛАТ

13 марти соли 2026 дар толори хурди мақомоти иҷроияи ҳокимияти давлатии шаҳр ба шунавандагони курси омӯзишии пайравони Пешвои миллат дарси навбатӣ дар мавзуи “Нақши Пешвои миллат дар таҳкими Истиқлол ва Ваҳдати миллӣ” баргузор карда шуд.
Дар дарси мазкур муовини Раиси шаҳри Гулистон Ҷамолиён Муслимахон ва  мудири бахши кор бо ҷавонон ва варзиши шаҳр Аҳлиддин Абдураҳмонов  иштирок ва суханронӣ намуданд.

ТАҶЛИЛИ РӮЗИ МАТБУОТ

Дар толори хурди Мақомоти иҷроияи ҳокимияти давлатии шаҳри Гулистон Рӯзи матбуоти тоҷик 11-уми март таҷлил гардид. Дар он Раиси шаҳр Илҳом Пӯлотзода, фаъолон, собиқадорон, намояндагони васоити ахбори оммаи ҷумҳурию вилоят ва аҳли эҷодӣ нашрияи “Соҳил” иштирок доштанд.

Илҳом Пӯлотзода ҳини шодбошӣ нақши матбуотро дар инъикоси ҳаводиси замон, рӯйдодҳои муҳими ҷомеа ва расондани иттилооти солиму таҳлилшуда муассир арзёбӣ кард.

- Дар таърихи беш аз садсолаи мавҷудияташ матбуоти тоҷик рисолати худро содиқона ба ҷо оварда, имрӯз ҳам мавқеи устувор ва ҷойгоҳи хос дорад. Мақому мавқеи матбуот, пеш аз ҳама, аз таҷрибаи пешқадаму бойи он сарчашма мегирад, -таъкид дошт, Раиси шаҳри Гулистон Илҳом Пӯлотзода.

ИҶЛОСИЯИ ПАНҶУМИ МАҶЛИСИ ВАКИЛОНИ ХАЛҚИ ШАҲР

Таҳти раёсати Раиси Маҷлиси вакилони халқи шаҳри Гулистон Илҳом Пӯлотзода иҷлосияи панҷуми Маҷлиси вакилони халқи шаҳри Гулистон, даъвати ҳафтум бо садо додани Суруди миллӣ оғоз гардид.

Иҷлосияи 5-уми Маҷлиси вакилони халқи шаҳри Гулистон, даъвати ҳафтум 8 масъаларо мавриди баррасӣ қарор дод.

Нахуст вакилон ваколатҳои вакилони Маҷлиси вакилони халқи шаҳри Гулистон ба ҷойи вакилони хориҷшуда, ки дар ҳавзаҳои интихоботии “Мирзо Турсунзода” №18 Бахтиёр Каримов ва “Навобод” №24 Ҷасурҷон Бобоев, ки санаи 22 феврали соли 2026 интихоб гардидаанд, тасдиқ намуданд. Вакилони навинтихобшуда савганд ёд карданд.

Аз рӯи масъалаи дуюм ҷиҳати Барномаи пешгирӣ ва назорати бемориҳои саратонӣ дар Ҷумҳурии Тоҷикистон барои солҳои 2025-2029”, вакил аз ҳавзаи интихоботии “Сарбанд” №6 Муслимахон Ҷамолиён баромад намуд. Вакил аз ҳавзаи интихоботии “Наврӯз” №22 Тутинисо Нишонова ба музокира баромад.