Муқовимат ба экстремизм ва терроризм кори дастаҷамъист

Санаи 27.01.2025 дар Ҷамоати шаҳраки Чоруқдаррони шаҳри Гулистон тибқи нақшаи шуъбаи дар шаҳри Гулистон будаи КДАМ Ҷумҳурии Тоҷикистон дар вилояти Суғд ҷиҳати иҷрои нақшаи чорабиниҳои Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 бо иштироки сокинон вохӯрӣ баргузор карда шуд.

Дар вохӯрии мазкур корманди шуъбаи дар шаҳри Гулистон будаи КДАМ Ҷумҳурии Тоҷикистон дар вилояти Суғд Сафаров Раҷабалӣ ва раиси ҷамоати Чоруқдаррон Бердиева Наргиса иштирок ва суханронӣ намуданд.

Зикр карда шуд, ки ҷиҳати пешгирии падидаҳои номатлуби экстремизм ва терроризм Фармони Президенти Ҷумҳурии Тоҷикистон “Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” аз 1 июни соли 2021, №187 ба тасвиб расида, дар ин замина қарори Раиси вилояти Суғд аз 17 октябри соли 2021, №485 ва қарори Раиси шаҳри Гулистон аз 18 ноябри соли 2021, №287 ба тасвиб расидааст.

ПАЁМ, ҶАВОНОН ВА ҲИФЗИ МАНФИАТҲОИ МИЛЛӢ

Имрӯз, 28.01.2025 тибқи нақшаи кории мақомоти иҷроияи ҳокимияти давлатии шаҳр ва бахши кор бо ҷавонон ва варзиши шаҳр дар коллеҷи тиббӣ доир ба шарҳу тавзеҳи Паёми Пешвои муаззами миллат хониши сиёсӣ таҳти унвони "Паём, ҷавонон ва ҳифзи манфиатҳои миллӣ" баргузор гардид.

Дар хониши сиёсии мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва муовини тарбиявии коллеҷи тиббӣ Раҳмонов Умедҷон иштирок ва суханрони намуданд. таъкид карда шуд, ки Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 28.12.2024 ба Маҷлиси Олии кишвар доир ба тамоми самтҳои рушди иқтисодиву иҷтимоӣ, сиёсати дохилӣ ва хориҷии кишвавр ироа гардид, дар воқеъ чун санади раҳнамои миллӣ барои сокинон бахусус ҷавонони кишвар хидмат мекунад.

ВОХӮРӢ ДОИР БА ПЕШГИРИИ ЭКСТРЕМИЗМ ВА ТЕРРОРИЗМ

Имрӯз, 27.01.2025 дар толори Ҷамоати шаҳраки Сирдарёи шаҳри Гулистон вохӯрӣ доир ба пешгирии падидаҳои номатлуб дар ҷомеа аз қабили пешгирии экстремизм ва терроризм, ҷинояткорӣ, тақлид ба фарҳанги бегона ва шарҳу тавзеҳи мафҳумҳои асосии “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” бо иштироки сокинон ва кормандони соҳаҳои гуногун баргузор карда шуд.

Дар вохӯрии мазкур муовини Раиси шаҳри Гулистон Шарифҷони Саидраҳмон, сардори шуъбаи дар шаҳри Гулситон будаи Раёсати Кумитаи давлатии амнияти миллии Ҷумҳурии Тоҷикистон дар вилояти Суғд Қаҳҳоров Комрон ва мудири бахши кор бо ҷавонон ва варзиши шаҳр Аҳлиддин Абдураҳмонов иштирок ва суханронӣ намуданд.

ҚАБУЛИ ШАҲРВАНДОН ДОИР ГАРДИД

Санаи 25.01.2025 ҷиҳати амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи талаботи Қонуни Ҷумҳурии Тоҷикистон "Дар бораи муроҷиати шахсони воқеӣ ва ҳуқуқӣ" аз ҷониби иҷрокунандаи вазифаи Раиси шаҳри Гулистон Илҳом Пӯлотзода дар толори хурди мақомоти иҷроияи ҳокимияти давлатии шаҳр қабули шаҳрвандон доир гардид.

Сокинон доир ба масъалаҳои гуногун муроҷиат намуданд.

Илҳом Ппӯлотзода иҷрокунандаи вазифаи раиси шаҳр ба масъулин доир ба баррасӣ намудани муроҷиатҳо дастур дод.

Ҳамчунин, ба масъулин доир ба масъалаҳои ҷорӣ ва тақвияти корҳои ободониву созандагӣ супоришҳои мушаххас дода шуд.