ПАЁМ-РАҲНАМО БАРОИ ФАРДОИ ДУРАХШОНИ КИШВАР!

Имрӯз, 03.01.2025 дар толори Кохи фарҳангии “Истиқлол”-и маркази шаҳр тибқи нақшаи кории мақомоти иҷроияи ҳокимияти давлатии шаҳр ҷиҳати шаҳру тавзеҳи нуктаҳои муҳими Паёми Президенти Ҷумҳурии Тоҷикистон  ба Маҷлиси Олии кишвар  таҳти унвони “Паём-раҳнамо барои фардои дурахшони кишвар” конференся баргузор гардид.

Конференсияи бо садо додани Суруди миллии Ҷумҳурии Тоҷикистон оғоз гардид. Дар кори конференсия Раиси шаҳри Гулистон Раъно Ҳошимзода, мудири кафедраи ҳуқуқшиносии МД ДДХ ба номи академик Бобоҷон Ғафуров Киромиддин Мухторзода  ва мудири бахши кор бо ҷавонон ва варзиши шаҳр Аҳлиддин Абдураҳмонов иштирок ва суханронӣ намуданд.

ПАЁМ - АРЗЁБӢ ВА ДУРНАМОИ СОҲАҲОИ ИҶТИМОӢ

Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» ба Маҷлиси Олии кишвар, ки санаи 28-уми декабри соли 2024 ироа гардид фарогири ҳамаи самтҳои хоҷагии халқи кишвар мебошад. Дар он бурду бохти ҳамаи самтҳо ва дурнамои рушди ояндаи онҳо тавзеҳ ва баррасӣ гардид. Тавре ки дар бахши вурудии Паём Пешвои миллат муҳтарам Эмомалӣ Раҳмон зикр намуданд: “Ҳоло кишвари мо дар марҳалаи нави тараққиёти худ қарор дошта, бо амалӣ намудани стратегияву барномаҳои иқтисодиву иҷтимоӣ ба дастовардҳои назаррас ноил гардида истодааст.

Дар баробари ин, нооромиву низоъҳо дар минтақаҳои гуногуни олам, шиддат гирифтани мухолифатҳои сиёсӣ ва таҳримҳо миёни кишварҳои абарқудрат, мусаллаҳшавии бошитоб, «ҷанги сард», тағйирёбии иқлим, инчунин, канда шудани занҷираҳои таҳвили молу маҳсулот ва дигар омилҳои берунӣ моро водор месозанд, ки барои пешгирӣ кардани таъсири манфии онҳо ба иқтисодиёти кишвар тадбирҳои саривақтӣ андешем.

Дар ин ҷода моро зарур аст, ки дар заминаи амалисозии ҳадафҳои миллиамон, пеш аз ҳама, амнияти миллӣ ва рушди устувори иқтисодиро таъмин намоем ва сатҳу сифати зиндагии мардумро боз ҳам баланд бардорем.

Зеро мардуми мо мисли халқҳои дигар мамолики мутамаддин ҳуқуқи маънавии зиндагии шоистаро доранд”.

АЁДАТИ САРБОЗОНИ ДИДБОНГОҲИ САРҲАДИИ ШАҲРАКИ АДРАСМОН БАХШИДА БА СОЛИ НАВИ МЕЛОДИИ 2025

Имрӯз, 31.12.2024 дар қисми ҳарбии 0216-и  дидбонгоҳи сарҳадии КДАМ Ҷумҳурии Тоҷикистон дар шаҳраки Адрасмон чорабинии  идона бахшида ба Соли нави мелодии 2025 баргузор карда шуд.

Дар чорабинии мазкур раиси Ҷамоати шаҳраки Адрасмон Баротзода Сарҳад Барот суханронӣ намуда,  афсарону сарбозони шуҷои Ватан ва тамоми ҳозиринро аз номи Раиси шаҳри Гулистон Раъно Ҳошимзода бахшида ба Соли нави мелодӣ шодбош намуд.

Баъд аз фарҷоми чорабинӣ ба афсарону сарбозон дастархони идона ташкил карда шуд.

ТАҚДИМИ ТУҲФА БА ЯТИМОН ДАР АРАФАИ СОЛИ НАВ

Санаи 31 декабри соли 2024 Раиси шаҳри Гулистон Раъно Ҳошимзода ба беш аз 30 нафар ятимони кул туҳфаҳои солинавӣ тақдим намуд.

Зимни суханронии худ Раиси шаҳр иброз дошт, ки ғамхорӣ нисбат ба кӯдакони ятиму бепарастор дар меҳвари сиёсати иҷтимоии Ҳукумати Ҷумҳурии Тоҷикистон ҷойгоҳи махсус дошта, барои беҳтар намудани шароити мусоиди зиндагӣ ва таҳсили онҳо пайваста тадбирҳои зарурӣ ва самарабахш андешида шуда, зери таваҷҷуҳ ва ғамхории Пешвои муаззами миллат муҳтарам Эмомалӣ Раҳмон қарор доранд. Чун анъана таҳти сиёсати ғамхоронаи Пешвои муаззами миллат муҳтарам Эмомалӣ Раҳмон дар ҳар иду ҷашнвораҳо кӯдакони ятим ва аз оилаҳои камбизоат ба ғамхорӣ фаро гирифта мешаванд.