БАРРАСИИ МУРОҶИАТИ ШАҲРВАНДОН

2-юми майи соли 2026 дар Мақомоти иҷроияи ҳокимияти давлатии шаҳр қабули навбатии шаҳрвандон аз ҷониби Раиси шаҳр Илҳом Пӯлотзода баргузор гардид.

Зимни қабул шаҳрвандон бо масъалаҳои гуногуни иҷтимоӣ ба шаҳрдор муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

Раиси шаҳр ҳар як муроҷиатро мавриди омӯзиш қарор дода, ба нафарони масъул ҷиҳати баррасии ҳамаҷониба ва андешидани чораҳои мушаххас супоришҳо дод. Таъкид гардид, ки ҳалли саривақтии масъалаҳои шаҳрвандон ва расонидани кумаки амалӣ ба онҳо яке аз самтҳои афзалиятноки фаъолияти мақомоти маҳаллӣ ба шумор меравад.

МО, ҶАВОНОНИ ВАТАН, СОЗАНДАЕМ! - баргузории барномаи фарҳангӣ - фароғатии шоми ҷавонӣ ба ифтихори 35 - солагии Истиқлоли давлатии Ҷумҳурии Тоҷикистон

Бегоҳии 1-уми майи соли 2026, дар майдони Парчами давлатии Ҷумҳурии Тоҷикистон дар шаҳри Гулистон бахшида ба истиқболи сазовори моҳвораи Рӯзи ҷавонони Тоҷикистон ва ҷашни 35 - солагии Истиқлоли давлатӣ чорабинии фарҳангӣ-фароғатии шоми ҷавонӣ таҳти унвони "Мо, ҷавонони Ватан созандаем" бо иштироки ҷавонони касбу кори гуногун доир гардид.

Дар чорабинии мазкур муовини раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва намояндаи шуъбаи маориф Ҳайдаров Алишер иштирок намуданд.

Зимни оғози барномаи мазкур номаи табрикотии раиси шаҳри Гулистон Илҳом Пӯлотзода аз ҷониби муовини раиси шаҳр Шарифҷони Саидраҳмон манзури тамошобинон гардонида шуд.

ФАКУЛТЕТ БА ФАКУЛТЕТ: ХУДШИНОСИВУ ХУДОГОҲИИ МИЛЛӢ ВА МАЪРИФАТИ БАЛАНД — ҶАҲЛУ ХУРОФОТРО АЗ БАЙН МЕБАРАД!

Санаи 30 апрели соли 2026, дар толори муассисаи ғайридавлатии коллеҷи тиббии шаҳри Гулистон бо ҷавонон мулоқот баргузор гардид.

Дар кори мулоқот мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, мудири бахши ҷавонони КИ ҲХДТ дар шаҳри Гулистон Фаридуншоҳ Абдуллоев ва Атабоев Рустам мудири ҷавонони муассисаи мазкур иштирок ва суханрони намуданд.

Нахуст мудири бахши кор бо ҷавонон ва варзиши шаҳр Аҳлиддин Абдураҳмонов дар мавзуи "Худшиносии миллӣ - омили пойдории давлат ва бақои миллат" суханрони намуда, таъкид дошт, ки дар шароити ҷаҳонишавӣ баланд бардоштани сатҳи маърифати ҷомеа, таҳкими худшиносии миллӣ ва рушди ҷаҳонбинии илмӣ аз муҳимтарин омилҳои пешгирии ҷаҳолат ва хурофот ба ҳисоб мераванд. Зикр шуд, ки сиёсати давлат дар самти ҷавонон, маориф, фарҳанг ва тарбияи насли наврасу ҷавон ба ташаккули шахсияти солим ва муқовимат ба ҳар гуна андешаҳои ифротӣ равона гардидааст.

ҶАЛАСАИ КОРИИ НАЗДИ РАИСИ ШАҲР

30 апрели соли 2026 дар толори хурди Мақомоти иҷроияи ҳокимияти давлатии шаҳри Гулистон ҷаласаи кории назди Раиси шаҳри Гулистон баргузор гардид.

Дар ҷаласаи корӣ муовини якум, муовинони Раиси шаҳр, роҳбари дастгоҳи Раиси шаҳр, роҳбарони воҳидҳои сохторӣ, мудирони шуъбаву бахшҳо, раисони ҷамоати шаҳракҳо ва дигар шахсони масъул иштирок намуданд.

Раиси шаҳри Гулистон Илҳом Пӯлотзода кори ҷаласаро оғоз намуда, доир ба вазъи рушди иҷтимоиву иқтисодии шаҳр, раванди корҳои ободониву созандагӣ, дар сатҳи баланди ташкилӣ баргузор намудани Рӯзи Ғалаба дар Ҷанги Бузурши Ватанӣ, моҳвораи ҷавонон, Рӯзи ҷаҳони футбол, инчунин омодагиҳо ба таҷлили сазовори Ҷашни 35-солагии Истиқлоли давлатӣ, иҷрои нақшаҳои истеҳсолии корхонаҳои саноатӣ, иҷрои андозу буҷет, таъмири роҳҳо, баланд бардоштани сатҳи хизматрасонии сайёҳӣ ва ба даст овардани дастовардҳои назаррас дар озмунҳои ҷумҳуриявӣ ва дигар масъалаҳои ҷорӣ таъкид намуд.