Чорабинии идона ба муносибати 37-умин солгарди баровардани нерӯҳои низомии собиқ Иттифоқи Шӯравӣ аз хоки Афғонистон

Санаи 13 феврали соли 2026 ба муносибати 37-умин солгарди Рӯзи баровардани нерӯҳои низомии собиқ Иттифоқи Шӯравӣ аз хоки Афғонистон бо иштироки ҷанговарони байналмилал дар тарабхонаи "Манижа" чорабинӣ доир гардид. Муовини якуми Раиси шаҳри Гулистон Даврон Муҳаммадзода дар чорабинии мазкур иштирок намуда, иштирокчиёнро ба ин муносибат муборакбод гуфт.

Таъкид шуд, ки дар муҳорибаи шадиди ин давлат 14500 нафар аскару афсари шӯравӣ қурбон шуд, зиёда аз 50000 нафар маҷрӯҳ гардида, беш аз 300 нафар бе ному нишон гашт. Аз вилояти Суғд низ 3100 нафар қарзи интернатсионалистии худро иҷро кардааст. Шумори қурбониёну маҷрӯҳгаштагон зиёд буда, аксари ҷанговарону иштирокдорони тоҷик дар он солҳо барои шуҷоатмандиашон бо ордену медалҳо қадрдонӣ карда шудаанд.

САРСАБЗИИ ВАТАН МАРОМИ МОСТ - ИДОМАИ МАЪРАКАИ НИҲОЛШИНОНӢ ДАР ШАҲРИ ГУЛИСТОН

Дар доираи Ҳаракати ҷумҳуриявии ниҳолшинонӣ дар шаҳри Гулистон маъракаи ниҳолшинонӣ идома ёфта, дар даромадгоҳи ғарбии шаҳр ва гардиши ба сӯйи осоишгоҳи "Баҳористон" беш аз 1200 бех санавбари элдорӣ ва 15000 бех ниҳоли гули садбарг шинонида шуд.

Дар маъракаи ниҳолшинонӣ Раиси шаҳри Гулистон Илҳом Пӯлотзода иштирок намуда, зикр кард, ки бо истифода аз боду ҳавои мусоид нақшаи ниҳолшинонӣ дар шаҳр бояд вусъат дода шавад.

Ин тадбири муҳими экологӣ дар шаҳр асосан бо ташкили ҳашарҳои дастҷамъона вусъат ёфта, дар назар аст, ки соли ҷорӣ дар кӯчаю хиёбонҳо ва мавзеъҳои алоҳидаи шаҳр беш аз 8 ҳазор бех ниҳоли дарахтони ҳамешасабзу ороишӣ шинонида мешавад.

Баргузории конференсияи илмӣ -амалӣ оид ба 12 феврал "Рӯзи байналмилалии пешгирии экстремизми хушунатомез, ки замина барои терроризм мешавад”

Санаи 06.02.2026 бо мақсади баланд бардоштани маърифати ҳуқуқӣ, сиёсӣ ва иҷтимоии ҷавонон, инчунин пешгирии паҳншавии андешаҳои ифротгароӣ ва хушунатомез, тибқи дастури Роҳбари Дастгоҳи иҷроияи Президенти Ҷумҳурии Тоҷикистон ва нақша чорабиниҳои муштараки Бахши кор бо ҷавонон ва варзиши шаҳри Гулистон ва қисми ҳарбии 45025-и КҲФ МГ назди Ҳукумати Ҷумҳурии Тоҷикистон дар вилояти Суғд оид ба ташкил ва баргузории чорабиниҳо бахшида ба 12 феврал “Рӯзи байналмилалии пешгирии экстремизми хушунатомез, ки замина барои терроризм мешавад” дар қисми ҳарбии мазкур конференсияи илмӣ - амалӣ бо сарбозон ва афсарон баргузор гардид.

Дар чорабинӣ мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва муовин оид ба корҳои сиёсиву тарбиявии қисми ҳарбии 45025 Абуалӣ Абдуворисзода иштирок ва суханронӣ намуданд.

ВОХӮРИИ СУДМАНД БО СОКИНОНИ ШАҲРАКИ СИРДАРЁ

Санаи 06.02.2026 дар шаҳраки Сирдарёи шаҳри Гулистон бо иштироки муовини Раиси шаҳр Муслимахон Ҷамолиён, мутахассиси шуъбаи дини МИҲД-и вилояти Суғд Нафиса Нурматова, Бобоева Маъбуда корманди Раёсати кор бо занон ва оилаи МИҲД-и вилояти Суғд, мудири бахши кор бо занон ва оилаи МИҲД-и шаҳр Матлуба Сатторова ва раиси ҷамоати шаҳрак Мушаррафа Охунова иштирок намуданд.

Вохӯрӣ доир ба пешгирии зӯроварӣ дар оила ва риояи муқаррароти Қонуни Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон" баргузор гардид.

Зикр карда шуд, ки зӯроварӣ дар оила мушкилии дар тамоми ҷаҳон паҳнгардида буда, барои ҷабрдидагон аз ҷиҳати ҷисмонӣ, эҳсосотӣ-рӯҳӣ, молиявӣ ва иҷтимоӣ оқибатҳои ҷиддӣ дошта, на танҳо ба оила, балки ба тамоми ҷомеа низ таъсиргузор мебошад. Зӯроварӣ дар оила зуҳуроти хатарноки ҷамъиятӣ мебошад, чунки он дар навбати аввал ҳуқуқи конститутсионӣ ва озодиҳои занон, кӯдакон ва шахсони солхӯрдаро поймол менамояд.