Тантанаҳои Иди байналмилалии Наврӯз дар коллеҷи тиббии шаҳри Гулистон

Имрӯз, 18.03.2023 дар муассисаи ғайридавлатии коллеҷи тибии шаҳри Гулистон чорабинии идона бахшида ба Иди байналмилалии Наврӯз баргузор карда шуд.

Дар чорабинии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, муассиси коллеҷи мазкур Комилҷон Комилов, раиси КИ ҲХДТ дар шаҳр Муслимахон Ҷамолиён ва директори коллеҷи тиббӣ Юнусова Шаҳодат иштирок ва суханронӣ намуданд.

Зикр карда шуд, ки Сездаҳ сол муқаддам дар ҷаласаи 64-уми Маҷмааи Умумии Созмони Миллали Муттаҳид оид ба «Рӯзи байналхалқии Наврӯз» эълон намудани 21–уми март зимни ташаббуси як силсила давлатҳо, аз ҷумла Тоҷикистони соҳибистиқлол, ки меросгири ҷашн аст бо ҳамовозии якдилона қатънома пазируфта шуд. Барҳақ, Наврӯзи байналмилалї рамзи ҳувияти миллї ва истиқлолияти давлати мо гардидааст.

Саҳми Пешвои муаззами миллат, дар тарғиб ва ҷаҳонишавии ҷашни Наврӯз

Имрӯз 16.03.2023 дар коллеҷи тиббии шаҳри Гулистон дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, нақшаи тасдиқгардидаи бахши кор бо ҷавонон ва варзиши шаҳр дар якҷоягӣ бо филиали Иттифоқи ҷавонони Тоҷикистон дар вилояти Суғд маҳфили илмӣ-амалӣ ташкил ва баргузор карда шуд.

Дар маҳфили илмӣ-амалӣ Фирдавс Фахридинзода муовини раиси филиали Иттифоқи ҷавонони Тоҷикистон дар вилояти Суғд ва Аҳлиддин Абдураҳмонов мудири бахши кор бо ҷавонон ва варзиши  шаҳри Гулистон иштирок ва суханронӣ намуданд. Зикр карда шуд, ки Наврӯз бо таърихи беш аз шашҳазорсолаи худ бузургтарин ҷашни миллии тоҷикон ва соли нави аҷдодии мо буда, ниёкони некноми мо онро аз замонҳои хеле қадим таҷлил мекарданд, омадани баҳор ва эҳёи табиатро бо шодиву хурсандӣ ва бо иштироки хурду бузурги диёр истиқбол мегирифтанд.

Кадбону аз шаҳри Гулистон ғолиби озмуни вилоятӣ гардид

14 март дар тарабхонаи "Яккасарой"-и шаҳри Хуҷанд даври вилоятии озмуни ҷумҳуриявии "Кадбонуи беҳтарин" баргузор гардид. Озмуни мазкур бо мақсади таъмини иҷрои Амри Президенти Ҷумҳурии Тоҷикистон аз 3 январи соли 2023, №АП-318, дастуру супоришҳои Роҳбари Дастгоҳи иҷроияи Президенти Ҷумҳурии Тоҷикистон аз 4 январи соли 2023, №24/10-8 ва қарори Раиси  вилояти  Суғд  аз 24 феврали соли  2023, № 58 «Дар бораи ташкил ва баргузор кардани Озмуни вилоятии «Кадбонуи беҳтарин» доир гардид.

Ҳадафи озмуни мазкур тарғиб, эҳё ва ҳифзу нигоҳдошти беҳтарин суннатҳои миллии ниёгон дар самти омода намудани таомҳои миллӣ, хуришҳои болаззат, баланд бардоштани завқи кадбонугӣ  ва ҳунари дастархонороӣ, омода намудани духтарон ба ҳаёти мустақилона маҳсуб меёбад.

Боиси хушнудист, ки кадбонуи беҳтарини шаҳри Гулистон Наргиза Бердиева аз рӯйи номминатсияи "Тайёр намудани хӯришҳои беҳтарин " мақоми аввалро ишғол намуда бо дипломи дараҷаи 1 қадрдонӣ гардид.

Номаи табрикотии Раиси шаҳри Гулистон Раъно Ҳошимзода бахшида ба Рӯзи кормандони мақомоти Прокуратура

Муҳтарам кормандони мақомоти Прокуратураи шаҳр!

Бо камоли эҳтиром Шуморо бо ҷашни касбиатон - Рӯзи кормандони мақомоти Прокуратура муборакбод гуфта, ба Шумо тансиҳатӣ, хотирҷамъӣ, рӯзгори осуда ва дар иҷрои  рисолати пуршарафатон барору комёбӣ таманно менамоям.

Мақомоти прокуратура яке аз ниҳодҳои муҳимми давлатдорӣ мебошад, ки фаъолияти он ба ҳифзи арзишҳои ҷомеаи демократӣ, қонуният, тартиботи ҷамъиятӣ, ҳуқуқу озодиҳои инсон ва шаҳрванд, манфиатҳои давлат ва ҷомеа, ошкору пешгирӣ намудани ҳуқуқвайронкуниҳо ва мубориза бо ҷинояткорӣ равона гардидааст.

Аз ин рӯ, таъмини қонунияту адолат, амният, сулҳу субот ва ризоият дар ҷомеа аз фаъолияти самараноки мақомоти прокуратура вобаста мебошад.