НАТИҶАҲОИ РУШДИ ИҶТИМОИЮ ИҚТИСОДИИ ШАҲР ДАР ДАВОМИ СЕМОҲАИ АВВАЛЛИ СОЛИ 2023 ҶАМЪБАСТ ГАРДИД

Имрӯз 13 апрели соли 2023, дар толори хурди Мақомоти иҷроияи ҳокимияти давлатии шаҳри Гулистон маҷлиси фаъолони шаҳр доир гардид, ки дар он натиҷаҳои фаъолияти соҳаҳои хоҷагии халқи шаҳр дар се моҳи соли 2023 мавриди таҳлилу баррасӣ қарор дода шуд.

Дар маҷлиси фаъолон муовинон ва роҳбари дастгоҳи  раиси шаҳр, мудирони шуъбаву бахшҳо ва роҳбарони сохторҳои мақомоти иҷроияи ҳокимияти давлатии шаҳр, роҳбарони мақомотҳои ҳифзи ҳуқуқ, расиони ҷамоати шаҳракҳо, роҳбарони корхонаҳои саноатӣ ва намояндаи Мақомоти иҷроияи ҳокимияти давлатии вилояти Суғд, сардори шуъбаи назорати давлатӣ оид ба фоъолияти тиббии Сарраёсати хадамоти давлатии тандурустӣ ва ҳифзи аҳолии Ҷумҳурии Тоҷикистон дар вилояти Суғд Пӯлодзода Илҳом иштирок намуданд.

Раиси шаҳри Гулистон Раъно Ҳошимзода кори маҷлисро оғоз намуд. Муовини якуми Раиси шаҳр Даврон Муҳаммадзода доир ба натиҷаҳои фаъолияти соҳаҳои хоҷагии халқи шаҳри Гулистон дар се моҳи соли 2023 маърӯза намуд.

Мулоқоти Раиси шаҳри Гулистон Раъно Ҳошимзода бо донишҷӯёни гулистонии шуъбаҳои рӯзонаи муассисаҳои таҳсилоти олӣ ва миёнаи касбии маркази вилоят

7 апрели соли 2023 тибқи нақшаи тасдиқгардида аз ҷониби Раиси вилояти Суғд муҳтарам Раҷаббой Аҳмадзода мулоқоти Раиси шаҳри Гулистон бо донишҷӯёни шуъбаҳои рӯзонаи муассисаҳои таҳсилоти олӣ ва миёнаи касбии маркази вилоят дар муассисаи давлатии "Қасри ҷавонони ба номи Лоиқ Шералӣ" баргузор гардид.

Нахуст, мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонзода вохӯриро оғоз бахшида, ҳадафи онро ба донишҷӯён тавзеҳ дод.

Раиси шаҳри Гулистон Раъно Ҳошимзода зимни суханронӣ таъкид намуд, ки дар партави сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон  дар Ҷумҳурии Тоҷикистон ҷиҳати дастгирии сиёсати давлатии ҷавонон - қишри созандаи ҷомеа таваҷҷуҳи хоса зоҳир гардида, дар ин самт як қатр корҳои назаррас ба сомон расонида шуда барои ташаккули ҳамаҷонибаи онҳо ҳамаи шароити заруриро фароҳам оварда шудааст. Ҷавонон, неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастанд.

ТАРБИЯИ ВАТАНДӮСТИИ ҶАВОНОН-ОМИЛИ МУТТАҲИДИИ МИЛЛАТ

Санаи, 05.04.2023 тибқи нақшаи кории мақомоти иҷроияи ҳокимияти давлатии шаҳр дар  Ҷамоати шаҳраки Адрасмони шаҳр вохӯрии судманд доир ба интихоби касб ва бахшида ба қабул гардидани Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” таҳти унвони “Тарбияи ватандӯстии шаҳрвандон-омили муттаҳидии миллат” бо иштироки ҷавонони муассисаҳои таълимии №5, №7, №13  баргузор карда шуд.

Дар вохурии  мазкур сардори шуъбаи дар шаҳри Гулистон будаи Кумитаи давлатии амнияти милии Ҷумҳурии Тоҷикистон дар вилояти Суғд Иззатов Лутфуло Бобоевич ва мудири бахши кор бо ҷавонон ва варзиши шаҳр Аҳлиддин Абдураҳмонов   иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ҷиҳати тарбияи шаҳрвандон дар роҳи хизмати софдилонаву фидокорона ба Ватан, ифтихор аз ниёгон, арҷгузорӣ ба муқаддасоти миллӣ ва ҷаҳду талошҳо дар роҳи фардои озоду ободи кишвар равона шудааст.

Шиносоӣ бо ҷараёни корҳои сохтмонӣ ва азнавсозии муассисаҳои соҳаи тандурустии шаҳраки Адрасмон

Санаи 05.04.2023 Раиси шаҳри Гулистон Раъно Ҳошимзода аз Ҷамотаи шаҳраки Адрасмон дидан намуд. Зимни боздид бо ҷараёни корҳои сохтмонии муассиси кумаки аввалияи тиббию санитарии шаҳрак шинос гардид.

Иттилоъ дода шуд, ки сохтмони муассисаи мазкур тибқи нақшаи иншооти ҷашнӣ ба истиқболи ҷашни 35-солагии Истиқлоли давлатии Ҷумҳурии Тоҷикистон бунёд гардида истодааст.

Раиси шаҳр Раъно Ҳошимзода ба масъулин ҷиҳати дар муҳлати муайянгардида ва бо сатҳу сифати балан ба анҷом расонидани корҳои сохтмонӣ ба масъулин супоришҳои махсус дод.