Табрикоти Раиси шаҳри Гулистон Раъно Ҳошимзода ба муносибати Рӯзи Парчами давлатии Ҷумҳурии Тоҷикистон

Ҳамшаҳриёни гиромӣ!

Парчами миллӣ нахустин нишони муқаддаси ҳар миллат, рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад. Ҳусни ин симо, наҷобати ин симо, мазмуну мароми ин симоро нишон медиҳад.

Сӣ сол аст, ки дар тамоми гўшаи дунё Тоҷикистони соҳибистиқлолро оламиён аз парафшонии Парчами давлатиаш мешиносанд.

Парчам аз замонҳои қадим нишона ва рамзи муқаддаси ҳар миллату давлат будааст ва ба хотири ҳифзи он фарзандони бузурги миллат ҷонсупориҳо кардаанд.

Хушбахтона, ба шарофати истиқлолияти давлатӣ тоҷикон соҳиби Парчами миллӣ, яъне таҷассумгари гузаштаи шоён ва ояндаи дурахшон гардиданд.

Курси кутоҳмуддати "Зан сарвар" оғоз гардид

Бо дастгирии Мақомоти иҷроияи ҳокимияти давлатии шаҳри Гулистон ҷиҳати амалигардонии "Барномаи давлатии  тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2017-2022" аз рӯи нақшаи чорабинии барномаи мазкур курси кутоҳмуддати "Зан сарвар" санаи 21.11.2022 дар МД Маркази таҳсилоти иловагии шаҳри Гулистон оғоз гардид.

Дар курси кутоҳмуддати мазкур 40 нафар бонувони фаъол ба таҳсил ҷалб карда шуданд.

Ба таҳсилгирандагон дар рӯзи аввал Шуҷоат Ҳасановна намояндаи Шӯрои машваратчии ташкилотҳои ҷамъиятии вилояти Суғд оид ба "Баланд бардоштани мақом ва  нақши зан дар ҷомеа" дарс гуфт.

Ҳамоиши илмӣ-адабӣ бахшида ба Рӯзи Президенти Ҷумҳурии Тоҷикистон ва 30-солагии Иҷлосияи 16-уми Шӯрои Олии Ҷумҳурии Тоҷикистон

Дар қасри фарҳанги Ҷамоати шаҳарки Адрасмони шаҳри Гулистон Ҳамоиши илмӣ-адабӣ бахшида ба Рӯзи Президенти Ҷумҳурии Тоҷикистон ва 30-солагии Иҷлосияи 16-уми Шӯрои Олии Ҷумҳурии Тоҷикистон бо иштироки сокинон ва кормандони касбу кори гуногун ва ҷавонон баргузор гардид.

Ҳамоиш бо садо додани Суруди миллӣ ифтитоҳ гардид.

Дар кори ҳамоиш мудири бахши окр бо ҷавонон ва варзиши шаҳр Аҳлиддин Абдураҳмонов, сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, раиси ҷамоати шаҳрак Сарҳат Баротзода ва собиқадори меҳнат Туйчиқул Усмонов иштирок ва суханронӣ намуданд.

Қабули сайёри муроҷиатҳои шаҳрвандон аз ҷониби прокуратураи шаҳр

Имрӯз, 19 ноябри соли 2022 аз тарафи прокурори шаҳри Гулистон мушовири адлияи дараҷаи 1 муҳтарам Вазирзода Вазир Зокир дар Ҷамоати шаҳраки Зарнисори шаҳри Гулистон, ки аз маркази шаҳр дар фосилаи 130 км ҷойгир шудааст бо истиқоматкунандагони шаҳрак қабули сайёри шаҳрвандон гузаронида шуд.

Аз тарафи прокурори шаҳр муроҷиатҳо вобаста таъмири хонаҳои истиқоматии баландошёна, тоза намудани қубурҳои обу ташноби биноҳои истиқоматӣ,  таъмири кулуби фарҳанг, сохтани варзишгоҳ, иваз намудани хати интиқоли барқ ва таъмин намудан бо ҷойи кор қабул карда шуда, доир ба моҳияти онҳо тибқи қонунгузориҳо дар соҳаи тандурустӣ, сиёсати давлатии ҷавонон ва энергетика тавзеҳот дода шуд.

Ҳамчунин, муроҷиати хаттии 7 нафар истиқоматкунандагони шаҳраки мазкур қабул карда шуда, барои баррасии онҳо чораҳои таъхирнопазир андешида шуда, ҳама муроҷиатҳо дар ҷойи худ ҳаллу фасл гардиданд.