Иҷлосияи даҳуми Маҷлиси вакилони халқи шаҳри Гулистон, даъвати шашум доир гардид

Иҷлосияи даҳуми Маҷлиси вакилони халқи шаҳри Гулистон, даъвати шашум доир гардидИмрӯз, 13 июни соли 2022 дар толори Мақомоти иҷроияи ҳокимияти давлатии шаҳри Гулистон Иҷлосияи даҳуми Маҷлиси вакилони халқи шаҳр, даъвати шашум доир гардид.

Кори Иҷлосия бо садо додани Суруди миллии Ҷумҳурии Тоҷикистон, интихоби ҳайати котибот ва тасдиқи рӯзнома оғоз гардид.

Дар кори иҷлосия вакилони Маҷлиси вакилони халқи шаҳр, роҳбари дастгоҳи раиси шаҳр, мудирони шуъбаю бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, роҳбарони ташкилотҳои шаҳрӣ, раисони ҷамоати шаҳракҳо иштирок намуданд.

Дар рӯзномаи иҷлосия ҳафт масъала мавриди баррасӣ қарор гирифт. Иҷлосия таҳти роҳбарии муовини раиси шаҳр Ғайрат Оқилзода ва Раиси шаҳр Раъно Ҳошимзода баргузор шуд.

ПАЙКИ ВАҲДАТ

Дар асоси қарори раиси шаҳри Гулистон баҳри истиқболи сазовори ҷашни 25-солагии Ваҳдати миллӣ ва 30-солагии Иҷлосияи 16-уми Шурои Олии Ҷумҳурии Тоҷикистон силсила чорабиниҳои фарҳангӣ бо мақсади болидахотирии сокинони шаҳр барпо шуда истодааст. Имруз 11 июни соли 2022 санъаткорон ва ҳунармандони хонаи маданияти шаҳраки Чоруқдаррон дар боғи 24-солагии Истиқлолияти давлатии Ҷумҳурии Тоҷикистон барномаи консертии худро пешкаши тамошобинон намуданд.

Чорабини рангину хотирмон доир карда шуда, писанди тамошобинон гардид. Сокинони сарбаланди шаҳри Гулистон бо шукргузори аз сулҳу ороми ва Ваҳдати миллӣ аз ташкили чунин чорабиниҳо изҳорӣ қаноатмандӣ намуданд.

ИШТИРОКИ РАИСИ ШАҲРИ ГУЛИСТОН РАЪНО ҲОШИМЗОДА ДАР ФОРУМИ «ЗАНОН ВА ОБ» - 2022 ТАҲТИ УНВОНИ «БАРОБАРИИ БОАДОЛАТОНА ВА ФАРОГИР: ОБ МОРО МУТТАҲИД МЕСОЗАД»

6 июни соли 2022 дар кохи «Ваҳдат»-и шаҳри Душанбе Форуми «Занон ва об» - 2022 дар доираи Конференсияи дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018 - 2028 (Раванди оби Душанбе) бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон, Дафтари минтақавии СММ «Занон» дар Аврупо ва Осиёи Марказӣ, Бунёди байналмилалии Шоҳигарии Академияи илмҳо (RASIT) дар якҷоягӣ бо Дафтари ҳамоҳангсози фаъолиятҳои иқтисодӣ ва экологии САҲА баргузор гардид.

Форум бо иштироки намояндагони баландпоя, намояндагони Муколамаи занони Осиёи Миёна аз ҷумҳуриҳои Қазоқистон, Қирғизистон, Туркманистон, Ӯзбекистон, намояндаи махсуси Президенти Ҷумҳурии Тоҷикистон дар назди пешвоёни Эътилофи об ва иқлим муҳтарам Султон Раҳимзода доир гардид.

Дар кори Форум намояндагони 49 давлати дунё, сиёсатмадорон, кормандони соҳаи илм: академикҳо, олимон, таҷрибаомӯзон, намояндагони ҷомеаи шаҳрвандӣ, шарикони рушд, сармоягузорон ва дигар ҷонибҳои манфиатдор, ки амалу фаъолияти онҳо ба ҷанбаъҳо ва равандҳои гендерӣ равона гардидааст, ширкат варзиданд.

5 медали тилло ва 3 медали нуқра дастоварди гулистониён дар даври ниҳоии Ҷоми Раиси вилояти Суғд бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон

Дар даври ниҳоии мусобиқаҳои кушоди варзишӣ аз рӯйи намуди дастхобонӣ ва гуштини юнонӣ-румӣ барои дарёфти Ҷоми Раиси вилояти Суғд бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон варзишгарони Гулистоншаҳр фаъолияти арзанда нишон дода, соҳиби 5 медали тилло ва 2 медали нуқра аз рӯйи намуди мусобиқаи дастхобонӣ ва 1 медали нуқра  аз рӯйи намуди гуштини юнонӣ-румӣ гардида, бо медал, диплом ва туҳфаҳои хотиравӣ сарфароз гардиданд.

Мусобиқаҳои варзишӣ аз рӯйи дигар намудҳои варзишӣ барои дарёфти Ҷоми Раиси вилояти Суғд бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон идома дорад.