Бо дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои ободонию созандагӣ бунёди роҳу купрукҳо ва дигар иншоотҳои ҳаётан зарурӣ аз ҷониби корхонаҳои саноатию истеҳсолӣ, соҳибкорону саховатмандон дар сартосари кишвари азизамон авҷи тоза доранд.
Дар ҳамин радиф 28 августи соли 2021 бо маблағгузории Ширкати кӯҳӣ-саноатии Тоҷикистону Хитой аз тарафи ҶДММ МКМ “Сомонӣ” таъмири роҳи Бӯстон-Зарнисор оғоз шуд. Дар ифтитоҳи таъмири роҳи мазкур Раиси вилояти Суғд Раҷаббой Аҳмадзода иштирок ва суханронӣ намуд. Қайд карда шуд, ки чунин амалҳои хайр аз қабили бунёди роҳу купрукҳо, кофтани каналу ҷуйҳои об ва дигар корҳое, ки манфиати умумӣ доранд хайру савоби зиёд аст ва пешравии кор низ аз баракати он дучанд мегардад. Мавсуф оғози таъмири роҳи мазкурро аз иқдомҳои наҷиби Сарвари Давлат маънидод намуда, таъкид кард, ки Ширкати кӯҳӣ-саноатии Тоҷикистону Хитой аз рузҳои аввали таъсисёбиаш то имрӯз бисёр корҳои хайрро ба иҷро расонида дар рушди соҳаҳои гуногуни хоҷагии халқ ҳиссаи назаррас дорад.
Мақолаҳои боқимонда...
- Президенти мамлакат Эмомалӣ Раҳмон боғи фарҳангу фароғатии шаҳри Турсунзодаро ифтитоҳ намуданд
- Пешвои миллат Эмомалӣ Раҳмон Муассисаи давлатии таълимии «Литсей-интернати шаҳри Турсунзода»-ро мавриди баҳрабардорӣ қарор доданд
- Президенти мамлакат Эмомалӣ Раҳмон дар шаҳри Турсунзода корхонаи истеҳсоли профили алюминийи ҶДММ «Алюмин Проф»-ро ба истифода дода, аз намоиши маҳсулоти саноатӣ дидан намуданд