КОРРУПСИЯ ПАДИДАИ НОМАТЛУБИ ҶОМЕА

Имрӯз, 21 июли соли 2022 бо мақсади пешигирии амалҳои коррупсионӣ ва роҳ надодан ба ин амалҳои номатлуб дар толори хурди Мақомоти иҷроияи ҳокимияти давлатии шаҳри Гулистон бо иштироки Раиси шаҳр муҳратам Раъно Ҳошимзода ва муовини сардори Раёсати Агенти назорати давлати молиявӣ ва мубориза бо коррупсияи Ҷумҳурии Тоҷикистон дар вилояти Суғд Маҳмадраҷаб Асозода ҷаласа баргузор гардид.

Дар рафти ҷаласа қайд карда шуд, ки вазифаи асосии пешгирии коррупсия аз таъмини ҳифзи ҳуқуқ, озодӣ ва манфиатҳои қонуни инсон ва шаҳрванд, инчунин ҷамъият ва давлат аз коррупсия амалӣ сохтани асосҳои меъёри ҳуқуқии пешгирӣ , ошкор ва барҳам додани ҳуқуқвайронкуниҳои коррупсионӣ муносибсозии шакл, усул ва воситаҳои муқобилият бо коррупсия васеъ намудани татбиқи чораҳои пешгирикунанда дар мубориза бо коррупсия ҳамкорӣ бо сохторҳои ҷомеаи шаҳрвандӣ, фаъол гардонидани ҳамкориҳои байналмилалии Ҷумҳурии Тоҷикистон дар соҳаи мубориза бо коррупсия иборат мебошад.

Президенти Ҷумҳурии Тоҷикистон Эмомалӣ Раҳмон дар Вохӯрии чоруми машваратии сарони давлатҳои Осиёи Марказӣ иштирок намуданд

21 июл Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Чолпон-Отаи Ҷумҳурии Қирғизистон дар Вохӯрии чоруми машваратии сарони давлатҳои Осиёи Марказӣ иштирок ва суханронӣ намуданд.

Дар вохӯрӣ Президенти Ҷумҳурии Тоҷикистон Эмомалӣ Раҳмон, Президенти Ҷумҳурии Қазоқистон Қосим–Жомарт Токаев, Президенти Ҷумҳурии Қирғизистон Садир Жапаров, Президенти Ҷумҳурии Узбекистон Шавкат Мирзиёев ва Президенти Туркманистон Сердар Бердимуҳамедов иштирок карданд.

Сарони давлатҳо масъалаҳои мубрами таҳкими ҳамкории кишварҳои Осиёи Марказиро дар самти вокуниши муштарак ба хатару таҳдидҳо ба амнияти минтақа, дурнамои тавсеаи ҳамкории минтақавӣ барои таъмини рушди устувори иқтисодии кишварҳои минтақа, иқтидори муносибатҳои ҳусни ҳамҷаворӣ ва дӯстона дар раванди рушди минбаъдаи фазои фарҳангӣ ва гуманитарии минтақа баррасӣ намуданд.

Оғози сафари кории Президенти Ҷумҳурии Тоҷикистон Эмомалӣ Раҳмон ба Ҷумҳурии Қирғизистон

21 июл Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷоми сафари корӣ ба Ҷумҳурии Қирғизистон ташриф оварданд.

Дар Фурудгоҳи байналмилалии Иссиқкӯл меҳмони олиқадр — Президенти мамлакат муҳтарам Эмомалӣ Раҳмонро Раиси девони вазирони Ҷумҳурии Қирғизистон Акилбек Жапаров самимона истиқбол гирифтанд.

Боздид аз ҷараёни корҳои таъмиру таҷдиди муассисаҳои соҳаи маориф

Субҳи имрӯз, 19 июли соли 2022, Раиси шаҳри Гулистон Раъно Ҳошимзода бо мақсади шиносоӣ аз ҷараёни корҳои таъмиру барқарорсозии муассисаҳои соҳаи маориф ва тандурустӣ ба Ҷамоати шаҳраки Чоруқдарон сафари корӣ анҷом дод.

Нахуст роҳбари шаҳр ба раванди таъмиру барқарорсозии муассисаи таҳсилоти миёнаи умумии №2 ва кӯдакистони "Офтобак"-и Ҷамоати шаҳраки Чоруқдарон шинос гардид.

Зимни шиносоӣ аз ҷараёни корҳои таъмиру барқарорсозӣ, раиси шаҳр Раъно Ҳошимзода ба масъулин ҷиҳати  иҷрои босифати корҳо дастуру супоришҳои мушаххас дод.