Тақвияти корҳои ободонӣ ба истиқболи ҷашнҳои бузурги миллӣ

Имрӯзҳо дар ҷамоати шаҳраки Чоруқдаррони шаҳри Гулистон ҷиҳати ободу зебо гардонидани шаҳрак корҳои ободонӣ бо маром ҷараён доранд.

Кормандони КДК Хоҷагии бисёрсоҳавии манзилию коммуналии шаҳрак дар асоси нақшаи чорабиниҳо бахшида ба ҷашнҳои дар пеш истода 31- умин солгарди Истиклолияти давлатии Ҷумҳурии Тоҷикистон ва 30-юмин солгарди Иҷлосияи 16-уми Шӯрои Олии Ҷумҳурии Тоҷикистон корҳои тозагию ободкориро дар шахрак роҳандозӣ намуда, кӯчаю хиёбонҳоро аз хору хас, алафҳои бегона тоза намуда, шиору овезаҳоро вобаста ба ҷашнҳои мазкур нав намуда кӯшиш доранд, ки ҷашнҳои миллиро бо дастовардҳои назаррас пешвоз гиранд.

ИСТИҚЛОЛ РАМЗИ СОҲИБДАВЛАТӢ ВА ВАТАНДОРИСТ!

Таҳти ин унвон имрӯз, 30.08.2022 дар ҷамоати шаҳраки Сирдарёи шаҳри Гулистон дар асоси нақшаи чорабиниҳои Мақомоти иҷроияи ҳокимияти давлатии вилояти Суғд бо сокинони ҷамоати шаҳрак вохӯриву мулоқот доир гардид.

Дар вохӯрӣ намояндаи Мақомоти иҷроияи ҳокимияти давлатии вилояти Суғд, мудири бахши кор бо занон ва оилаи Мақомоти иҷроияи ҳокимияти давлатии шаҳри Гулистон иштирок ва суханронӣ намуданд.

Нахуст паёми табрикии Раиси вилояти Суғд оид ба 31-солагии Истиқлоли давлатии Ҷумҳурии Тоҷикистон манзури иштирокчиён гардонида шуд.

Баргузории хониши сиёсӣ бо аҳли кормандони КВ “Экспедитсияи комплекси геологии Қайроққум"

Имрӯз, 30.08.2022 дар доираи ҷадвали баргузории хонишҳои сиёсӣ миёни кормандони  ташкилоту муассисаҳо дар КВ  “Экспедитсияи комплекси геологии Қайроққум" бахшида ба  таҷлили сазовори 30-солагии Иҷлосияи 16-уми Шӯрои Олии Ҷумҳурии Тоҷикистон, 31-солагии Истиқлолияти давлатии Ҷумҳурии Тоҷикистон, пешгирии падидаҳои номатлуб, иҷрои Қонуни Ҷумҳурии Тоҷикистон дар бораи "Масъулияти падару модар дар таълиму тарбияи фарзанд" ва захираи маводи ғизоӣ барои давраи тирмоҳу зимистонгузаронӣ, бо иштироки масъулини филиали Иттифоқи ҷавонони Тоҷикистон дар шаҳри Гулистон , бо  иштироки васеи кормандон  доир гардид.

Зимнан, аз ҷониби масъулини филиали Иттифоқи ҷавонони Тоҷикистон дар шаҳри Гулистон вобаста ба расонидани нуқтаҳои асосии Паём, масъалаҳои самти ҷавонон вобаста ба  вазъияти мураккаби сиёсии ҷаҳон, пешгирии ҷинояту ҷинояткорӣ миёни ҷавонон, баланд бардоштани ҳисси ватандӯстӣ, эҳсоси худшиносӣ, Ваҳдати миллӣ ба самъи ҳозирин расонида шуд.

Машварати кории назди Раиси шаҳр баргузор гардид

Имрӯз, 29 августи соли 2022 дар толори хурди Мақомоти иҷроиияи ҳокимияти давлатии шаҳри Гулистон машварати кории назди Раиси шаҳр оид ба рафти иҷрои қарори Раиси шаҳр аз 17 июни соли 2022, №147 “Дар бораи гузаронидани омӯзиши пеш аз даъватӣ ва омода намудани шаҳрвандони солҳои таваллудашон 1995-2004 ба хизмати ҳарбӣ” баргузор гардид.

Дар кори машварат муовин ва роҳбари дастгоҳи Раиси шаҳр, роҳбарони мақомотҳои ҳифзи ҳуқуқи шаҳр, мудирони шуъбаву бахшҳо, роҳбарони воҳидҳои сохтории мақомоти иҷроияи ҳокимияти давлатии шаҳр, расиони ҷамоати шаҳракҳо ва маҳаллаҳо иштирок доштанд.

Раъно Ҳошимзода Раиси шаҳр кори машваратро оғоз намуд. Вобаста ба мавзуи якуми рӯзнома комиссари њарбии шањр Хайрулло Сатторзода оид ба рафти иҷрои қарори Раиси шаҳр аз 17 июни соли 2022, №147 “Дар бораи гузаронидани омӯзиши пеш аз даъватӣ ва омода намудани шаҳрвандони солҳои таваллудашон 1995-2004 ба хизмати ҳарбӣ гузориш дод.