БАРГУЗОРИИ ҚАБУЛИ ШАҲРВАНДОН

Имрӯз, 16 апрел дар толори хурди Мақомоти иҷроияи ҳокимияти давлатии шаҳри Гулистон аз ҷониби иҷрокунандаи вазифаи раиси шаҳр Раъно Ҳошимзода қабули шаҳрвандон сурат гирифт.

Дар ин рӯз сокинон аз роҳбари шаҳр оид ба расонидани кумакҳои моддӣ, ҳаллу фасли масъалаҳои иҷтимоӣ ва дигар масоил мусоидат пурсиданд.

Раъно Ҳошимзода ба масъулин ҷиҳати ҳаллу фасли саривақтии муроҷиатҳои шаҳрвандон дастуру супоришҳои мушаххас дод.

Гуфта шуд, ки Ҳукумати Ҷумҳурии Тоҷикистон зери роҳбарии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаҳои баррасӣ ва ҳаллу фасли муроҷиатҳои шахсони воқеӣ ва ҳуқуқӣ тадбирҳои судмандро андешида, аз имкониятҳои васеъ истифода бурда истодааст.

БАРГУЗОРИИ КОНФРЕНСИЯИ ИЛМӢ-АДАБӢ БАХШИДА БА РӮЗИ ПОЙТАХТ ТАҲТИ УНВОНИ “ДУШАНБЕ, ТАХТИ БАХТИ ТОҶИКОНУ ТОҶИКИСТОНӢ”

Дар толори Мактаби санъати шаҳри Гулистон ба муносибати Рӯзи пойтахти Ҷумҳурии Тоҷикистон - шаҳри Душанбе конфронсия илмӣ-адабӣ таҳти унвони “Душанбе, тахти бахти тоҷикону Тоҷикистонӣ” бо иштироки хонандагону омӯзгорони муассисаҳои таълимии шаҳр ва донишҷӯёни коллеҷи тиббӣ баргузор карда шуд.

Дар конфренсия Аҳлиддин Абдураҳмонов мудири бахши кор бо ҷавонон ва варзиш, Ойинисо Раҳматова мудири бахши кор бо занон ва оилаи шаҳр ва Фаридуншоҳ Абдуллоев мутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр иштирок ва суханронӣ намуданд.

Зикр карда шуд, ки тибқи Қонуни Ҷумҳурии Тоҷикистон "Дар бораи рӯзҳои ид" ҳамасола шанбеи сеюми моҳи апрел ҳамчун Рӯзи пойтахти Ҷумҳурии Тоҷикистон - шаҳри Душанбе дар саросари кишвар таҷлил карда мешавад.

Суханронии Сарвари давлат Эмомалӣ Раҳмон дар мулоқот бо роҳбарон ва фаъолони ноҳияи Ашт

16.04.2022, ноҳияи Ашт

Ҳамдиёрони азиз!

Муҳтарам намояндагони мардуми сарбаланди ноҳияи Ашт!

Аз субҳи имрӯз мо дар ноҳияи шумо қарор дорем ва хуб мушоҳида кардем, ки сокинони ноҳияи Ашт солҳои охир ва хусусан, соли гузашта барои бо дастовардҳои арзанда истиқбол намудани ҷашни муқаддасу мубораки 30-юмин солгарди истиқлоли давлатии Тоҷикистон аҳлона заҳмат кашида, корҳои зиёди ободониву созандагиро ба анҷом расонидаанд.

Дар давоми се соли бунёдкориву ободонӣ дар ноҳия 426 иншоот ба маблағи умумии зиёда аз 160 миллион сомонӣ ва бо таъсиси 1200 ҷойи корӣ сохта, ба истифода дода шудааст.

Имрӯз мо дар маросими ифтитоҳи якчанд иншооти иҷтимоиву иқтисодӣ, аз ҷумла беморхонаи навбунёд, кӯдакистон, коргоҳи дӯзандагӣ, маркази хизматрасонӣ ва иншооти дигар иштирок кардем, ки ҳамаи онҳо натиҷаи заҳмати ватандӯстонаи сокинону соҳибкорони бонангу номуси ноҳия мебошанд.

Пешвои миллат Эмомалӣ Раҳмон бо роҳбарон ва фаъолони ноҳияи Ашт мулоқот намуданд

16 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи як қатор иншооти таъиноти гуногун дар саҳни ҳавлии мактаби нави рақами 65 бо роҳбарону фаъолони ноҳияи Ашт мулоқоти самимӣ доир карданд.

Сарвари давлат муҳтарам Эмомалӣ Раҳмон аз саҳми арзандаи сокинони ноҳия ҷиҳати истиқболи сазовори ҷашни 30-солагии истиқлоли давлатӣ ёдовар шуда, таъкид доштанд, ки дар давоми се соли бунёдкориву ободонӣ дар ноҳия 426 иншоот ба маблағи умумии зиёда аз 160 миллион сомонӣ ва бо таъсиси 1200 ҷойи корӣ сохта, ба истифода дода шудааст.