ИСТИҚЛОЛИЯТ – ДАСТОВАРДИ БУЗУРГТАРИНИ МИЛЛӢ

Имрӯз, 26.08.2022 дар асоси нақшаи чорабиниҳои Ҳаракати ҷамъияти ваҳдати миллӣ ва эҳёи Тоҷикистон дар вилояти Суғд дар толори ҷамоати шаҳраки Консойи шаҳри Гулистон маҳфили илмӣ-адабӣ  ва хониши сиёсӣ таҳти унвони “Истиқлолият – дастоварди бузургтарини миллӣ” бо иштироки фаъолои ҷамоати шаҳрак баргузор карда шуд.

Дар чорабинӣ мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Акрамзода Р.Р., мудири бахши кор бо ҷавонон ва варзиши шаҳр Абдураҳмонов А.А. ва намояндаи Ҳаракати ҷамъияти ваҳдати миллӣ ва эҳёи Тоҷикистон дар вилояти Суғд, мудири кафедраи муносибатҳои байналмилалии ДДҲСТ Олимов Б.Ҳ. иштирок ва суханронӣ намуданд.

Семинари омӯзишӣ доир ба "Пешгирии зӯроварӣ дар оила"

Санаи 25.08.2022 дар толори Муассисаи давлатии Маркази таҳсилоти иловагии шаҳри Гулистон семинари омӯзишӣ аз ҷониби Раёсати кор бо занон ва оилаи вилояти Суғд дар якҷоягӣ бо бахши кор бо занон ва оилаи шаҳри Гулистон оид ба барномаи давлати "Пешгирии зуроварӣ дар оила" бо фаъолзанон баргузор гардид.

Дар семинар намояндаҳо аз Раёсати кор бо занон ва оилаи вилояти Суғд Расулова Истамой ва аз Раёсати Вазорати корҳои дохилии вилояти  Суғд  Имомов Исмоил, раиси собиқадорони шаҳр Каромат Қосимова иштирок ва суханронӣ намуданд.

Имрӯз Пешвои миллат Эмомалӣ Раҳмон ба истиқболи ҷашни 31-солагии Истиқлолияти давлатӣ ба намояндагони касбу кори гуногун мукофот ва унвону ҷоизаҳои давлатиро супориданд

25 август дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истиқболи ҷашни 31-солагии Истиқлолияти давлатӣ ба намояндагони касбу кори гуногун, ки дар фаъолияти корӣ натиҷаҳои назаррас доранд, мукофот ва унвону ҷоизаҳои давлатии Ҷумҳурии Тоҷикистонро супориданд.

Қабл аз оғози маросими супоридани мукофотҳои давлатӣ Президенти Ҷумҳурии Тоҷикистон муҳтарам Эмомалӣ Раҳмон ҳозиринро ба муносибати ҷашни миллӣ — 31-солагии Истиқлолияти давлатӣ таҳният гуфта, таъкид намуданд, ки дар арафаи ҷашни солгард бо мукофотҳои давлатӣ сарфароз гардонидани намояндагони касбу кори гуногун, аз ҷумла аҳли зиё, хизматчиёни давлатӣ ва кормандони дигар соҳаҳо нишонаи қадршиносии Ҳукумат дар давлатдории миллии мо мебошад.

Бояд гуфт, ки аз оғози даврони соҳибистиқлолӣ то имрӯз аз ҷониби Ҳукумати мамлакат барои пешрафти соҳаҳои саноату кишоварзӣ, нақлиёту энергетика, сохтмон, илму маориф, тандурустӣ, фарҳанг, ҳифзи иҷтимоии аҳолӣ, татбиқи сиёсати ҷавонон, занон ва оила, рушди сайёҳӣ, варзиш ва идома додани татбиқи сиёсати хориҷии сулҳҷӯёнаву созанда корҳои зиёде ба анҷом расонида шудаанд.

Баргузории хониши сиёсӣ бо аҳли кормандони ҶСК "Қолинҳои Қайроққум"

Имрӯз, 25.08.2022 дар доираи ҷадвали баргузории хонишҳои сиёсӣ миёни кормандони  ташкилоту муассисаҳо дар ҶСК "Қолинҳои Қайроқум" бахшида ба  таҷлили сазовори 30-солагии Иҷлосияи 16-уми Шӯрои Олии Ҷумҳурии Тоҷикистон, 31-солагии Истиқлолияти давлатии Ҷумҳурии Тоҷикистон, пешгирии падидаҳои номатлуб, иҷрои Қонуни Ҷумҳурии Тоҷикистон дар бораи "Масъулияти падару модар дар таълиму тарбияи фарзанд" ва захираи маводи ғизоӣ барои давраи тирмоҳу зимистонгузаронӣ, бо иштироки масъулини филиали Иттифоқи ҷавонони Тоҷикистон дар шаҳри Гулистон , бо  иштироки васеи сокинони касбу кори гуногун  доир гардид.

Зимнан, аз ҷониби масъулини филиали Иттифоқи ҷавонони Тоҷикистон дар шаҳри Гулистон вобаста ба расонидани нуқтаҳои асосии Паём, масъалаҳои самти ҷавонон вобаста ба  вазъияти мураккаби сиёсии ҷаҳон, пешгирии ҷинояту ҷинояткорӣ миёни ҷавонон, баланд бардоштани ҳисси ватандӯстӣ, эҳсоси худшиносӣ, Ваҳдати миллӣ ба самъи ҳозирин расонида шуд.