ҶАЛАСАИ КОРИИ ИҶРОКУНАНДАИ ВАЗИФАИ РАИСИ ШАҲР БО МАОРИФЧИЁН

Санаи 18-уми феврали соли 2022 иҷрокунандаи вазифаи Раиси шаҳри Гулистон Раъно Ҳошимзода дар толори Муассисаи давлати “Маркази таҳсилоти иловагии шаҳри Гулистон” бо намояндагони соҳаи маорифи шаҳр кормандони шуъбаи маориф, директорони муассисаҳои таълимӣ ва муассисаҳои таълимии томактабӣ ҷаласаи корӣ доир намуд.

Иҷрокунандаи вазифаи Раиси шаҳр Раъно Ҳошимзода дар аснои суҳбат бо омӯзгорон таъкид намуд, ки Асосгузори сулҳу ваҳдати милллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи маориф таваҷҷуҳи хоса доранд ва дар Паёми навбатии худ ба Маҷлиси Олии кишвар баён доштанд, ки: “Дар даврони соҳибистиқлолӣ мо бунёди маорифи миллӣ ва ворид гардидан ба фазои таҳсилоти байналмилалиро ҳадафи муҳимтарин ва самти афзалиятноки сиёсати иҷтимоии давлат ва Ҳукумати мамлакат қарор додем. Зеро мо чунин мешуморем, ки бунёди миллат аз маориф оғоз меёбад ва ғамхорӣ нисбат ба маориф – сармоягузорӣ барои рушди нерӯи инсонӣ ва ояндаи ободи давлат ва Ватан мебошад”.

Боздиди Ҳошимзода Раъно Ҳошим-иҷрокунандаи вазифаи раиси шаҳри Гулистон аз шаҳраки Чоруқдаррон

Шаҳраки Чоруқдаррон дар масофаи 33км дуртар аз маркази шаҳри Гулистон ҷойгир шуда, дорои аҳамият ва манфиатҳои бузурги саноатӣ мебошад. Аз давраи таъсисёбии шаҳрак ҶСК “Комбинати фулузоти нодири Ленинобод ” пойгоҳи асосиаш ба ҳисоб мерафт. Ҳудуди шаҳрак 145га заминро дар бар гирифта, қисмати зиёди онро иншоотҳои ба корхонаи болозикр таалуқдошта дар бар мегирад.

18 феврали соли 2022 Ҳошимзода Раъно Ҳошим-иҷрокунандаи вазифаи раиси шаҳри Гулистон барои шиносои ба вазъӣ иқтисодӣ, иҷтимоӣ ва фарҳангӣ, инчуни бохабар шудан аз шароити зисти аҳолии маҳал ба шаҳраки Чоруқдаррон ташриф овард.

РӮЗИ ДАРҲОИ КУШОД ДАР ҚИСМИ ҲАРБӢ

Санаи 18.02.2022 тибқи нақшаи тасдиқгардидаи Мақомоти иҷроияи ҳокимияти давлатии шаҳри Гулистон бахшида ба 29-умин солгарди Рӯзи Қувваҳои мусаллаҳи Ҷумҳурии Тоҷикистон дар қисми низомии 45025 рӯзи дарҳои кушод баргузор гардид.

Дар чорабинии мазкур мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши кор бо занон ва оила Ойинисо Раҳматова, намояндагони шуъбаи маориф Эмомалӣ Бобоев ва Фирӯз Ғаниев, намояндагони Ҷамоати шаҳраки Сирдарё, комиссариати ҳарбии шаҳр ва намояндагони ҲХДТ дар шаҳри Гулистон иштирок ва суханронӣ намуданд.

ПЕШГИРИИ ПАДИДАҲОИ НОМАТЛУБ

Дар Коллеҷи тиббии шаҳри Гулистон бо донишҷӯёни бахши аввал  доир ба мавзуъҳои пешгирии терроризму экстремизм, шомилшавӣ ба ҳизбу ҳарактҳои гуногун, тақлид ба фарҳанги бегона, таълимоти ғайриқонунии динӣ, ҷинояткорӣ ва дигар падидаҳои номатлуб вохӯрӣ доир гардид.

Дар вохӯрӣ Аҳлиддин Абдураҳмонов мудири бахши кор бо ҷавонон ва варзиши шаҳр, Ойинисо Раҳматова мудири базши кор бо занон ва оила, Аҳлиддин Тоҷиддинов иҷрокунандаи вазифаи мудири бахши дин, танзими анъана ва ҷашну маросим ва намояндагони шуъбаи Вазорати корҳои дохилӣ дар шаҳри Гулистон иштирок ва суханронӣ намуданд.

Зикр гардид, ки ҳаёт ба сар бурдан дар раванди босуръати ҷаҳонишавӣ ва ҳаводиси ҷаҳони муосир аз шахс масъулияти бузургро талаб менамояд, зеро рушди бемайлони илму технология метавонад инсонҳоро бо ҳам наздиктар намуда, дар миёни онҳо афкори гуногунро ба вуҷуд орад, ки на ҳамаи унсурҳои он барои ҷомеаи мо манфиатовар аст. Тоҷикистони соҳибистиқлоли мо, ки ҷузъи ҷудонашавандаи ҷомеаи ҷаҳонӣ мебошад, албатта наметавонад аз ин гуна бархурдҳо ва тазодҳои печидаи ҷаҳони муосир дар канор монда, нисбати онҳо бетараф бошад. Бо назардошти ин, масъалаҳои таълиму тарбияи насли наврасу ҷавони кишвар, омӯзиши ҳамаҷонибаи таърихи халқи тоҷик, санаҳои муҳими таърихии даврони соҳибистиқлолӣ, ҳифзи арзишҳои миллию давлатӣ, арҷ гузоштан ба муқаддасоти давлатӣ ва дастовардҳои замони истиқлол, доштани ҳисси баланди ифтихори миллӣ, гирифтани пеши роҳи таассубу ихтилоф ва пойдор нигоҳ доштани сулҳу ваҳдати миллӣ аз муҳимтарин арзишҳои худшиносӣ мебошанд, ки беш аз пештар дар ҷомеаи шаҳрвандӣ аҳамият пайдо намудаанд.