Қадамҳои умедбахши ҶСК “КФНЛ”

Ҷамъияти саҳҳомии кушодаи «Комбинати Фулузоти Нодири Ленинобод»-и шаҳраки Чорруқдаррон-и шаҳри Гулистон ба қатори корхонаҳои шаҳрсози Ҷумҳурии Тоҷикистон шомил буда, ҳанӯз дар замони салтанати шӯроҳо арзи вуҷуд карда буд. Корхона ба истеҳсоли металлҳои камназир машғул буд ва пас аз пош хурдани Иттиҳоди Шӯравӣ ва канда шудани робитаҳои иқтисодӣ ба мушкилиҳо рӯбарӯ гардид.

Бо ташаббуси роҳбарияти кишвар нақшаи азнавбарқароркунии корхона тарҳрезӣ шуд. Дар шароите, ки пояҳои давлатдорӣ аз нав барқарор мешуданд, имкони дастгирии молиявии корхона вуҷуд надошт ва аз ин рӯ барои дарёфти манбаҳои гардон зарурияти барқароркунии ҳамкориҳо бо сармоягузорони хориҷӣ пеш омад. Ҳанӯз двр миёнаи солҳои 90-уми асри гузашта бо яке аз ширкатҳои калони Ҳиндустон шартномаи тарафайн баста шуд ва корхона бо усули наву камхарҷ ба кор дароварда шуда, як қатор техникаю таҷҳизоти он иваз ва ба шароити замон мутобиқ гардонида шуданд.

Пешвои миллат Эмомалӣ Раҳмон мамнӯъгоҳи ҳайвоноту парандаҳои нодирро дар шаҳри Ҳисор ифтитоҳ намуданд

7 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ҳисор мамнӯъгоҳи ҳайвоноту парандаҳоро, ки аз ҷониби Ҷамъияти саҳомии «Қуллаҳои Тоҷик» таъсис дода шудааст, ифтитоҳ карданд.

Ба Сарвари давлат муҳтарам Эмомалӣ Раҳмон иттилоъ дода шуд, ки бо мақсади ҳифзи муҳити зист, аз ҷумла олами набототу ҳайвонот, беҳдошти вазъи экологии минтақа, хусусан пойтахти мамлакат – шаҳри Душанбе ҳолати майдони хеле зиёди заминҳои партов ва аз кишт берунмонда беҳтар карда шуд.

Дар маҳалле, ки мамнӯъгоҳ бунёд гардидааст, садҳо гектар замин бекор хобидаву аз ҳосил монда буд.

Дар ин ҷо ҷангалзор нобуд шуда, ҳайвоноти нодир ва парандаҳо тамоман вуҷуд надоштанд.

Президенти Ҷумҳурии Тоҷикистон Эмомалӣ Раҳмон Мудири кулли Бунёди Кувайт оид ба рушди иқтисоди кишварҳои араб Марван Абдуллоҳ-ал Ғонимро ба ҳузур пазируфтанд

7 декабр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Мудири кулли Бунёди Кувайт оид ба рушди иқтисоди кишварҳои араб Марван Абдуллоҳ-ал Ғонимро ба ҳузур пазируфтанд.

Дар мулоқот вазъи имрӯзаи муносибатҳои дӯстию ҳамкории Тоҷикистон бо Давлати Кувайт мавриди баррасӣ қарор дода шуд.

Президенти Ҷумҳурии Тоҷикистон муҳтарам Эмомалӣ Раҳмон таъкид намуданд, ки кишвари мо ҷонибдори тавсеа ва густариши минбаъдаи ҳамкории гуногунҷанба бо кишвари дӯсту бародари Кувайт ва манфиатдори рушди ҳамкорӣ бо муассисаи муҳими молиявии он — Бунёди Кувайт оид ба рушди иқтисоди кишварҳои араб мебошад.

Табрикоти Раиси шаҳри Гулистон Бахтиёр Саидаҳмадзода ба муносибати Рӯзи кормандони мақомоти молия

Муҳтарам кормандони мақомоти молияи шаҳр!

Ҳамасола санаи 7-уми декабр Рӯзи кормандони мақомоти молия дар кишварамон таҷлил мегардад. Шумо кормандони Раёсати молияи шаҳрро бо иди касбиатон табрику таҳният намуда, бароятон солимӣ, саодати рӯзгор ва дар фаъолияти пурмасъулатон комёбиҳои тоза ба тоза таманно дорам.

Ҳанӯз дар даврони Сомониён низоми молиявӣ ташкил ва рушд ёфта, дар даврони сулолаи ориёӣ низоми ташаккули идоракунии захираҳои молиявӣ ва усулҳои пешқадами муомилоти пулӣ амал мекарданд, ки вобаста ба замон аз нигоҳи ҳуқуқӣ ва иқтисодӣ такмил ёфтанд. Дар даврони шӯравӣ дар Ҷумҳурии Тоҷикистон низоми молиявӣ ба сохти дигар ташкил ёфта, тӯли беш аз 70 сол рушд карда, мавриди истифода қарор гирифт.