БИНОИ ШУЪБАИ БАЧАГОНАИ БЕМОРХОНАИ ШАҲРАКИ АДРАСМОН БА ИСТИФОДА ДОДА ШУД

Имрӯз, 12-уми сентябри соли 2025 дар доираи сафаи кории Раиси шаҳри Гулистон Илҳом Пӯлотзода ба Ҷамоати шаҳраки Адрасмон бинои шуъбаи бачагонаи беморхонаи шаҳрак мавриди истифода қарор дода шуд.

Бинои мазкур бо дастгирии мақомоти иҷроияи ҳокимияти давлатии шаҳр дар доираи нақшаи корҳои ободониву созандагӣ ба истиқболи Ҷашни 35-солагии Истиқлоли давлатии Ҷумҳурии Тоҷикистон бунёд карда шуд.

Бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон шуъбаи бачагонаи беморхона бо таҷҳизоти зарурии муосир, мизу курсӣ, ҷевон ва дигар лавозимот таҷҳизонида шудааст.

ҲИФЗИ АРЗИШҲОИ МИЛЛӢ—СУЛҲУ СУБОТИ КИШВАР, МУҲИМТАРИН ВАЗИФАИ ҶАВОНОН

Санаи 12.09.2025 дар қисми ҳарбии 0201-и дидбонгоҳи сарҳадии КДАМ Ҷумҳурии Тоҷикистон дар Ҷамоати шаҳраки Зарнисори шаҳри Гулистон тибқи нақшаи муштараки сохторҳои МИҲД шаҳр хониши сиёсӣ таҳти унвони “Ҳифзи арзишҳои миллӣ-сулҳу суботи кишвар, муҳимтарин вазифаи ҷавонон” баҳри баланд бардоштани ҳувияти миллӣ, хештаншиносӣ, ватандӯстӣ ва меҳанпарастии ҷавонон бо сарбозони дидбонгоҳи мазкур хониши сиёсӣ баргузор гардид.

Дар кори хониши сиёсӣ муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши ҷавонони КИ ҲХДТ дар шаҳри Гулистон Абдуллоев Фаридуншоҳ ва котиби шаҳраки Зарнисор Ғозибой Яҳёев иштирок ва суханронӣ намуданд.

МАКТАБ БА МАКТАБ: ДАЪВАТИ СОКИНОН БА ПЕШГИРИИ ОМИЛҲОИ НОМАТЛУБ ВА ВУСЪАТИ КОРҲОИ ОБОДОНӢ! - баргузории мулоқот бо омӯзгорон, хонандагон ва волидайни онҳо

Бо мақсади амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар асоси нақшаи чорабиниҳои Мақомоти иҷроияи ҳокимияти давлатии шаҳри Гулистон 12 сентябри соли 2025 дар толори МТМУ №10 Ҷамоати шаҳраки Зарнисор бо омӯзгорон, хонандагони синфҳои болоӣ ва волидони онҳо мулоқот доир гардид.

Дар кори мулоқот муовини раиси шаҳри Гулистон - Шарифҷони Саидраҳмон, мудири бахши кор бо ҷавонон ва варзиши шаҳр - Аҳлиддин Абдураҳмонов, мудири бахши ҷавонони КИ ҲХДТ дар шаҳри Гулистон Абдуллоев Фаридуншоҳ ва раиси шаҳраки Зарнисор Мавлонов Хуршед ширкат намуданд.

Аёдати собиқадорони меҳнат ба муносибати Рӯзи Истиқлоли давлатӣ

Имрӯз, 11.09.2025 Раиси шаҳри Гулистон Илҳом Пӯлотзода собиқадорони меҳнат - Бароат Осимова табиби бачагона, ки то ҳол дар беморхонаи марказии шаҳр фаъолият дорад ва Латофат Қодирова собиқадори соҳаи фарҳанги шаҳрро, ки солҳои тулонӣ дар соҳаи фарҳанг фаъолият намуда, баҳри рушди соҳа саҳми арзишманд гузоштааст аёдат намуда, Ҷашни Истиқлоли давлатиро муборакбод гуфта, кумакҳои молиявии Раиси вилояти Суғд Раҷаб Аҳмадзодаро ба онҳо тақдим намуд.

Собиқадорон бо шукргузорӣ аз сиёсати хирадмандонаи Пешвои муаззами миллат муҳтарам Эмомалӣ Раҳмон ва фазои сулҳу суботи кишвар баҳри боз ҳам гул-гулшукуфоии кишвари азизамон ва пойдору устувор мондани Истиқлоли давлатӣ дасти дуо бардоштанд.