Табрикоти Раиси шаҳри Гулистон Илҳом Пӯлотзода бахшида ба Рӯзи забони давлатии Ҷумҳурии Тоҷикистон

Рӯзи Забони давлатии Ҷумҳурии Тоҷикистонро ба мардуми шарафманди шаҳри Гулистон сидқан таҳният мегӯям.

Боиси ифтихор аст, ки забони тоҷикӣ яке аз қадимтарин забонҳои дунё ба ҳисоб рафта, бо ин забон донишмандону бузургони илму адаб осори оламшумул офарида, дар ғановати ганҷинаи фарҳангу тамаддуни умумибашарӣ саҳми арзанда гузоштаанд. Дар ин бора, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: "Бо забони тоҷикӣ, ки аз ҷумлаи қадимтарин ва гуворотарин забонҳои дунё ба ҳисоб меравад, таърихи бостонӣ ва фарҳангу тамаддуни камназири миллате иншо гардидааст, ки ба ҷаҳони аз ҳикмати зиндагӣ ва ахлоқи ҳамидаи инсонӣ сабақҳои мондагору омӯзанда додааст ва ин рисолати хешро то имрӯз идома дода истодааст".

ТАҶЛИЛИ РӮЗИ ЗАБОНИ ДАВЛАТӢ ВА ИДИ КАСБИИ РӮЗИ ОМӮЗГОРОН

Имрӯз, 3-юми октябри соли 2025 бахшида ба Рӯзи забони давлатии Ҷумҳурии Тоҷикистон ва иди касбии Рӯзи омӯзгорон дар Кохи фарҳангии “Истиқлол”-и маркази шаҳри Гулистон ҷамъомади ботантана бо иштироки омӯзгорон, намояндагони ҷамоати шаҳракҳо, корхонаву муассиса ва ташкилотҳо баргузор гардид.

Бо садо додани Суруди миллӣ чорабинии ботантана оғоз гардид.

Раиси шаҳри Гулистон Илҳом Пӯлотзода ҳамагонро бо таҷлили Рӯзи забони давлатии Ҷумҳурии Тоҷикистон ва Рӯзи омӯзгорон табрик намуд. Намояндаи мақомоти иҷроияи ҳокимияти давлатии вилояти Суғд Фирӯза Абдувоҳидзода паёми табрикотии Раиси вилоятро ба самъи иштирокдорон расонид.

Паёми табрикотии Раиси шаҳри Гулистон Илҳом Пӯлотзода ба муносибати иди касбии Рӯзи омӯзгорон

Омӯзгорони арҷманд!

Касби омӯзгорӣ, фаъолияти ҳамарӯзаи муаллими ҳақиқӣ ва заҳматҳои пайвастааш дар роҳи таълиму тарбияи насли наврас, тайёр кардани мутахассисон ва маърифатноксозии мардум сазовори иззату эҳтиром мебошад.

Омӯзгор машъали фурӯзон аст, ки тинати мардумро нур мебахшад. Нақши омӯзгор, махсусан дар даврони соҳибистиқлоли кишварамон ба маротиб афзуд.

Дар замони Истиқлоли давлатӣ дар соҳаи маориф ҷиҳати бунёди муассисаҳои нави таълимӣ ва таҷдиду барқароркунии муассисаҳои таълимӣ дигаргуниҳои зиёде ба амал омад.

МУЛОҚОТ БО ИНТИХОБКУНАНДАГОН ДАР МАРКАЗИ ШАҲР

Санаи 02.10.2025 дар толори КВД КИ ҲХДТ дар шаҳр тибқи ҷадвали тасдиқгардидаи Раиси вилоят, Раиси Маҷлиси вакилони халқи вилояти Суғд Раҷаб Аҳмадзода аз 25-уми сентябри соли 2025 вохӯрии вакили Маҷлиси вакилони халқи вилояти Суғд аз ҳавзаи интихоботии Қайроққум №15 Илҳом Пӯлотзода бо интихобкунандагони маркази шаҳр баргузор карда шуд.

Илҳом Пӯлотзода Раиси шаҳр, вакили Маҷлиси вакилони халқи вилояти Суғд зимни суханронӣ таъкид намуд, ки давоми соли ҷорӣ дар натиҷаи фаъолияти дастаҷамъона ва иҷрои дастуру супоришҳои Асосгузори сулҳу ваҳдати милӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳамаи соҳаҳои хоҷагии халқи шаҳр ба дастовардҳои назаррас ноил гардида истодаем.