ТАҶЛИЛИ БОШУКӮҲИ РӮЗИ ДОНИШ ВА ДАРСИ СУЛҲ

Субҳи имрӯз, 01.09.2024 дар муассисаи таҳсилоти миёнаи уммумии №14-и маркази шаҳзр Рӯзи дониш бо шукӯҳ таҷлил карда шуд.

Чорабинии тантанавӣ ба садо додани Суруди миллӣ оғоз гардид.

Намояндаи Мақомоти иҷроияи ҳокимияти давлатии вилояти Суғд, сардори Раёсати Агентии назорат дар соҳаи маориф дар вилояти Суғд Ҷаҳонгир Салимзода номаи табрикотии Раиси вилоят Раҷаббой Аҳмадзодаро ба муносибати Рӯзи дониш ба самъи иштирокдорон расонид.

Раиси шаҳри Гулистон Раъно Ҳошимзода  зимни суханронии худ хонандагону омӯзгронро бо фарорасии Рӯзи дониш муборакбод намуд.

Тозаву озода намудани муҳити зист - мароми мост!

Санаи 31.08.2024  дар маркази шаҳр ва ҷамоати шаҳракҳо ба муносибати оғози соли нави хониш ва истиқболи сазовори 33-солагии Истиқлоли давлатӣ шанбегии умумишаҳрӣ баргузор гардид.

Дар шанбегии умумишаҳрӣ аз ҷониби  кормандони ташкилоту муассисаҳо корҳои ободонӣ аз қабили тоза намудани гирду атрофи корхонаву муассисаҳо, шафати роҳҳо ва гирду атрофи онҳо аз алафҳои хушк ба роҳ монда шуд.

Масъулини шаҳрдорӣ ҷиҳати тозаву озода нигоҳ доштани муҳити зист мунтазам тадбирҳои зарурӣ меандешанд.

НОМАИ ТАБРИКОТИИ РАИСИ ШАҲРИ ГУЛИСТОН РАЪНО ҲОШИМЗОДА БА МУНОСИБАТИ РӮЗИ ДОНИШ

Муҳтарам омӯзгорон!

Хонандагони азиз!

Боиси ифтихор аст, ки мардуми шарифи Тоҷикистон дар остонаи   бузургтарин ҷашни миллӣ - 33-юмин солгарди Истиқлоли давлатии Ҷумҳурии Тоҷикистон қарор доранд. Имрӯз аз файзу баракати Истиқлол ва суботу амнияти кишвари азизамон тамоми муассисаҳои таълимӣ чун анъана дарҳои худро ба рӯи хонандагон боз намуда, онҳоро боз ба оғӯши маърифату маънавият фаро мегиранд.

Ба муносибати Рӯзи дониш кулли устодону донишҷӯёнро самимона муборакбод гуфта, бароято дар соли нави таҳсил муваффақияту комёбиҳои беназирро таманно менамоям.

Давлати соҳибистиқлоли мо дар партави сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ба инкишофи  илму маърифат, такомули раванди таълиму тарбия ва баланд бардоштани сатҳи маънавиёти ҷавонон ғамхорӣ зоҳир менамояд.

ҶАМЪБАСТӢ МУСОБИҚАИ КУШОДИ ШАҲРӢ ОИД БА НАМУДИ ГУШТИНИ ТАРЗИ ОЗОД ДАР ҶАМОАТИ ШАҲРАКИ КОНСОЙИ ШАҲРИ ГУЛИСТОН БАХШИДА БА 33-ЮМИН СОЛГАРДИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст. Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулин Бахши кор бо ҷавонон ва варзиш ва мураббиён дар ҳамкорӣ бо дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаи 29.08.2024, дар толори варзишии Ҷамоати шаҳраки Консойи шаҳри Гулистон, бахшида ба 33-юмин солгарди Истиқлолияти давлатии Ҷумҳурии Тоҷикистон мусобиқаи кушоди шаҳрии гуштини тарзи озод аз руйи 13 вазн баргузор гардид. Қобили қайд аст, ки дар мусобиқаи мазкур зиёда аз 100 нафар наврасону ҷавонони шаҳри  Гулистон, шаҳри Хуҷанд, шаҳри Исфара, шаҳри Истиқлол ва ноҳияи Ашт фаъолона иштирок намуда байни ҳам рақобат ва қувваозмоӣ намуда ғолибон бо диплом ва медалҳои Бахши кор бо ҷавонон ва варзиши шаҳри Гулистон қадрдони гардиданд.