Паёми табрикотии Раиси шаҳри Гулистон Илҳом Пӯлотзода ба ифтихори Рӯзи шаҳри Гулистон

Ҳамшаҳриёни гиромӣ!

Аз соли 2016 инҷониб ҳамасола рӯзи 15-уми сентябр - Рӯзи шаҳри Гулистон ҷашн гирифта мешавад.

Пас аз таҷлили бошукӯҳи иди бузурги миллӣ ва давлатиамон - Рӯзи Истиқлоли давлатии Ҷумҳурии Тоҷикистон таҷлили рӯзи шаҳрамон, ки дар даврони соҳибистиқлолӣ ба дастовардҳои бузург ноил гардидааст, идомаи мантиқии шукӯҳу ҷалол ва шаҳомати Истиқлоли давлатӣ мебошад.

Дар ин рӯзҳои фараҳбахши фасли тирамоҳи заррин, ки дар партави сиёсати ояндасозу хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон халқи шарифи кишвар қадамҳои устувори хешро дар эъмори давлати соҳибихтиёру соҳибмақом дар арсаи ҷаҳон мегузорад, мардуми шарифи шаҳри Гулистон бо рӯҳияи баланди ватандорӣ, хештаншиносӣ ва ифтихори миллӣ ба корҳои бунёдкорӣ ва созандагӣ камари ҳиммат маҳкам бастаанд.

ШИНОСОӢ БО ВАЗЪИ КОРҲОИ БУНЁДКОРИВУ АЗНАВБАРҚАРОРСОЗӢ ДАР ШАҲРАКИ АДРАСМОН

Санаи 12-уми сентябри соли 2025 зимни сафари корӣ ба Ҷамоати шаҳраки Адрасмон Раиси шаҳри Гулистон Илҳом Пӯлотзода аз ҷараёни корҳои созандагиву бунёдкорӣ ва азнавбарқарорсозӣ дидан намуд.

Нахуст аз рафти сохтмони майдончаи варзишӣ дидан карда шуд. Иттилоъ дода шуд, ки майдончаи варзишии замонавӣ бо тарҳи муосир бо шароити зарурӣ барои ба варзиш машғул шудани сокинон дар доираи нақшаи чорабиниҳои Ҷашни 35-солагии Истиқлоли давлатии Ҷумҳурии Тоҷикистон аз ҷониби соҳибкори маҳаллӣ бунёд гардида истодааст.

Сипас, аз ҷараёни сохтмони ҳаммоми муосир дар шаҳрак дидан карда шуд. Иттилоъ дода шуд, ки корҳои сохтмонии бинои мазкур тибқи нақша идома дошта, дар муҳлати муайянгардида ба истифода дода мешавад.

ДАР ДЕҲАИ ЗАРЧАШМА МАРКАЗИ САВДОИ "ХУШБАХТ" ИФТИТОҲ ГАРДИД

Санаи 12-уми сентябри соли 2025 дар доираи сафари кории Раиси шаҳр Илҳом Пӯлотзода ба Ҷамоати шаҳраки Адрасмон дар деҳаи Зарчашмаи шаҳрак маркази савдои "Хушбахт" ифтитоҳ гардид.

Маркази савдои "Хушбахт" дар доираи нақшаи корҳои ободонию созандагӣ ба истиқболи Ҷашни 35-солагии Истиқлоли давлатии Ҷумҳурии Тоҷикистон аз ҷониби соҳибкори маҳаллӣ Абдусалом Холмуродов бунёд карда шудааст. Дар Ҷамоати шаҳраки Адрасмон ба истиқболи 35-солагии Истиқлоли давлатии Ҷумҳурии Тоҷикистон 41 иншооти ҷашнӣ ба нақша гирифта шуда, то имрӯз 38 адади он ба истифода дода шудааст.

Раиси шаҳр Илҳом Пӯлотзода пас аз ифтитоҳи марказ бо сокинони деҳаи Зарчашма ҳамсуҳбат гардида, ба сокинон барои ба роҳ мондани корҳои ободонӣ ба таври дастаҷамъона изҳори сипос намуд ва изҳори итминон кард, ки минбаъд низ сокинони ин анъанаи накӯро идома медиҳанд ва деҳаву маҳалли худро боз ҳам ободтару зеботар мекунанд.

БИНОИ ШУЪБАИ БАЧАГОНАИ БЕМОРХОНАИ ШАҲРАКИ АДРАСМОН БА ИСТИФОДА ДОДА ШУД

Имрӯз, 12-уми сентябри соли 2025 дар доираи сафаи кории Раиси шаҳри Гулистон Илҳом Пӯлотзода ба Ҷамоати шаҳраки Адрасмон бинои шуъбаи бачагонаи беморхонаи шаҳрак мавриди истифода қарор дода шуд.

Бинои мазкур бо дастгирии мақомоти иҷроияи ҳокимияти давлатии шаҳр дар доираи нақшаи корҳои ободониву созандагӣ ба истиқболи Ҷашни 35-солагии Истиқлоли давлатии Ҷумҳурии Тоҷикистон бунёд карда шуд.

Бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон шуъбаи бачагонаи беморхона бо таҷҳизоти зарурии муосир, мизу курсӣ, ҷевон ва дигар лавозимот таҷҳизонида шудааст.