11 июл Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар деҳаи Сангистони ноҳияи Айнӣ бинои нави Муассисаи таҳсилоти томактабии №6-и Гулистонро, ки дар заминаи Муассисаи таҳсилоти миёнаи умумии №19 фаъолият дошт, ба истифода доданд.
Ба Сарвари давлат муҳтарам Эмомалӣ Раҳмон иттилоъ дода шуд, ки иншооти соҳаи маориф бо назардошти зиёд гардидани талабот ба зинаи аввали таҳсилот сохта шуда, барои 120 кӯдак дар 4 гуруҳ пешбинӣ шудааст. Ҳоло дар он 80 нафар ба таълим фаро гирифта шудаанд.
Дар ин ҷо 18 мураббӣ ба кор ҷалб шуда, ҳамаи онҳо соҳибтаҷриба мебошанд.
Корҳои бунёдӣ дар кӯдакистон соли 2025 оғоз гардида, он дар муҳлати муайяншуда, аз ҷониби коргарони ҶДММ Сайҳуни Хуҷанд бо сифати баланди меъморӣ мавриди истифода қарор гирифт.
11 июл сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Айнӣ бо ифтитоҳи гулгашт ва муҷассамаи Шоири халқии Тоҷикистон Гулназар Келдӣ оғоз ёфт.
11 июл Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади шиносоӣ бо вазъи зиндагии мардум, ифтитоҳи як қатор иншооти таъйиноти гуногун ба истиқболи ҷашни бузурги миллӣ — 35-солагии Истиқлоли давлатӣ ба вилояти Суғд ташриф оварданд.
Санаи 09.07. 2025 дар варзишгоҳи маркази шаҳр даври ниҳоии мусобиқаи шаҳрии футбол байни кормандони ташкилоту муассисаҳо ва ҷамоати шаҳракҳо барои дарёфти Ҷоми Раиси шаҳри Гулистон бахшида ба Рӯзи умумиҷаҳонии футбол, баргузор гардид. Дар даври ниҳоии мусобиқаи мазкур кормандони шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд, ҶДММ "Соҳил", қисми ҳарбии 45025-и КҲФ МГ назди Ҳукумати Ҷумҳурии Тоҷикистон дар вилояти Суғд ва ҶСК "Тоҷикгидроэлектромантаж" байни ҳам рақобат намуданд.
Санаи 08.07.2025 Клуби футболи "Гулистон"-и шаҳри Гулистон дар доираи даври ёздаҳуми Лигаи дуюми Чемпионати Тоҷикистон оид ба футбол дар минтақаи Суғд бо КФ "Хистеварз"-и ноҳияи Бобоҷон Ғафуров дар сафар майдондорӣ намуда бо ҳисоби бузурги 0-5 пирӯзӣ ба даст овард.
