Президенти Тоҷикистон Эмомалӣ Раҳмон бо роҳбарони ҳайатҳои ҷаласаи Шӯрои роҳбарони мақомоти амният ва хадамоти махсуси давлатҳои иштирокдори ИДМ мулоқот намуданд

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар расми ифтитоҳи ҷаласаи 46-уми Шӯрои роҳбарони мақомоти амниятӣ ва хадамотҳои махсуси давлатҳои аъзои Иттиҳоди Давлатҳои Мустақил иштирок ва суханронӣ намуданд.

Сарвари давлат муҳтарам Эмомалӣ Раҳмон дар оғоз ба роҳбарияти кишварҳои ИДМ барои ҳамкорӣ ва саҳми муносиб дар таҳкими амнияту суботи давлатҳои ҳамдигар изҳори сипосу миннатдорӣ карданд.

Тавре таъкид карда шуд, ҷаласаи навбатии роҳбарони мақомоти амниятӣ ва хадамотҳои махсуси давлатҳои аъзои Иттиҳоди Давлатҳои Мустақил дар шароити ниҳоят мураккаби авзои сиёсию амниятии минтақавию байналмилалӣ баргузор мегардад ва рушду тавсеи бештари ҳамкориҳои давлатҳои аъзои иттиҳодро дар самти таъмини амнияту суботи минтақа тақозо менамояд.

Президенти Ҷумҳурии Тоҷикистон Эмомалӣ Раҳмон бо Вазири корҳои хориҷии Ҷумҳурии Мардумии Чин Ван И мулоқот намуданд

20 май дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Мардумии Чин Ван Иро ба ҳузур пазируфтанд.

Дар ҷараёни мулоқот маҷмуъи васеи ҳамкориҳои дуҷониба ва бисёрҷонибаи Тоҷикистон ва Чин дар чаҳорчуби барномаҳои шарикии стратегӣ ва дар доираи ташкилоту созмонҳои минтақавию байналмилалӣ баррасӣ карда шуд.

Президенти мамлакат муҳтарам Эмомалӣ Раҳмон меҳмони олимақомро ба Тоҷикистон хайрамақдам гуфта, таъкид доштанд, ки мо ба рушду густариш ва таъмиқи муносибатҳои дӯстӣ, ҳамкорӣ ва ҳамҷаворӣ бо кишвари Чин манфиатдор ҳастем.

ҶАВОНОН - НАСЛИ ПЕШРАВУ КОМЁБ

Дар толори калони Мақомоти иҷроияи ҳокимияти давлатии шаҳри Гулистон таҳти раёсати Раиси шаҳр Фирдавс Шарифзода ҷаласаи Шӯрои кор бо ҷавонони назди Раиси шаҳр бо иштироки аъзои Шӯро ва ҷавонони фаъол намояндагони корхонаву муассиса, ташкилоту идораҳо ва ҷамоати шаҳракҳо баргузор гардид.

Ҷаласаро бо сухани ифтитоҳи Раиси шаҳр Фирдавс Шарифзода кушод. Рӯзномаи ҷаласа тасдиқ гардида, мудири бахши кор бо ҷавонон ва варзиш Саидахон Аҳмадзода доир ба амалӣ намудани нақшаи чорабиниҳои мақомоти иҷроияи ҳокимияти давлатии шаҳр оид ба иҷрои дастуру супоришҳои Президенти Ҷумҳурии Тоҷикистон, Пешвои миллат, Раиси Шўрои миллии кор бо ҷавонони назди Президенти Ҷумҳурии Тоҷикистон, ки дар ҷаласаи якуми Шўрои миллии кор бо ҷавонон баёнгардида ва фаъолияти бахши кор бо ҷавонон ва варзиши шаҳр дар соли 2018 маърӯза намуд.

ВЕЛЕМАРАФОН ВА ДАВИ МИЛЛӢ

Бо мақсади амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти таҳкими тарзи ҳаёти солим, рушди оммавияти варзиш дар шаҳру шаҳракҳои Гулистон велемарафон ва дави миллӣ ба ифтихори Рӯзи ҷавонони Тоҷикистон баргузор гардид.

Дар ифтитоҳи велемарафон ва дави миллӣ Раиси шаҳри Гулистон Фирдавс Шарифзода суханронӣ намуда, ҳамагонро бо баргузории дави миллӣ ва иди Рӯзи ҷавонон шодбош намуд. Зикр гардид, ки Мақомоти иҷроияи  ҳокимияти давлатии шаҳри Гулистон дар партави сиёсати хирадмандонаи Пешвои муаззами миллат барои  инкишофи  варзиш дар шаҳру  шаҳракҳо диққати  ҷиддӣ дода,  баҳри дастгирии амалӣ ва  фароҳам овардани шароити  мусоиду мувофиқ  тамоми  чораҳову  тадбирҳоро  меандешад. Бунёд ва таъмири  иншооти варзишӣ аз қабили майдонҳои варзишӣ ва  фароғатӣ барои кӯдакону наврасон дар маҳаллаҳо, таъмири  капиталии толорҳои варзишии муассисаҳои таълимӣ, ҷиҳозонидани толорҳо бо  таҷҳизоти варзишӣ ва ҷудо намудани маблағҳои зарурӣ барои дастгирии молиявии  варзишгарони  гулистонӣ барои иштирок дар мусобиқаҳои гуногун гувоҳи  ғамхории рӯзафзуни соҳаи варзиш мебошанд.