БАРГУЗОРИИ МУЛОҚОТИ РАИСИ ШАҲР РАЪНО ҲОШИМЗОДА БО ДОНИШҶӮЁНИ ГУЛИСТОНИИ МУАССИСАҲОИ ТАҲСИЛОТИ ОЛӢ ВА МИЁНАИ КАСБИИ МАРКАЗИ ВИЛОЯТИ СУҒД

Санаи 05 апрели соли 2024 вохӯрии Раиси шаҳри Гулистон Раъно Ҳошимзода бо донишҷӯёни шуъбаҳои рӯзонаи муассисаҳои таҳсилоти олӣ ва миёнаи касбии маркази вилоят дар МД “Қасри ҷавонон ба номи Лоиқ Шералӣ” баргузор карда шуд. Намояндаи Мақомоти иҷроияи ҳокимияти давлатии вилояти Суғд, мудири шуъбаи рушди иҷтимоӣ ва робит або ҷомеаи дастгоҳи Раиси вилоят Тоҷибой Султлнзода вохӯриро ҳусни оғоз бахшид.

Раиси шаҳр Раъно Ҳошимзода дар назди донишҷӯён суханронӣ намуда, зикр дошт, ки дар партави сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷумҳурии Тоҷикистон ҷиҳати дастгирии сиёсати давлатии ҷавонон - қишри созандаи ҷомеа таваҷҷуҳи хоса зоҳир гардида, дар ин самт як қатр корҳои назаррас ба сомон расонида шуда, барои ташаккули ҳамаҷонибаи онҳо ҳамаи шароити заруриро фароҳам оварда шудааст. Ҷавонон, неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастанд.

ТАВАҶҶУҲ БА МАЪРИФАТИ ҲУҚУҚӢ ВА ЗИРАКӢ СИЁСИИ ҶАВОНОН-ВАСИЛАИ ПЕШГИРИИ ҲАМАГУНА ПАДИДАҲОИ НОМАТЛУБ ДАР ҶОМЕА

Имрӯз, 04.04.2024 тибқи нақшаи кории бахши кор бо ҷавонон ва варзиши шаҳр дар толори КФНЛ дар Ҷамоати шаҳраки Чоруқдаррони шаҳри Гулистон доир ба эълон гардидани соли 2024 "Соли маърифати ҳуқуқӣ" вохурӣ баргузор карда шуд.

Дар вохӯрии мазкур мудири бахши кор бо ҷавонон ва варзиши шаҳр Аҳлиддин Абдураҳмонов, Расулзода Нигора-ҳуқуқшинос дараҷаи 3 мутахассиси шуъбаи ёрии ҳуқуқӣ робита бо ҷомеа ва воситаҳои ахбори оммаи Раёсати адлияи вилояти Суғд, Сатторова Матлуба и.в. мудири бахши кор бо занон ва оилаи шаҳр ва Наргиса Бердиева раиси Ҷамоати шаҳраки Чоруқдаррон иштирок ва суханрони намуданд.

Таъкид карда шуд, ки зери мафҳуми маърифати ҳуқуқӣ, ин доштани донишҳои ҳуқуқӣ ва фарҳангӣ ҳуқуқи фаҳмида мешавад. Аз давраи қадим халқӣ тоҷик дорои фарҳанг, урфу одат ва маърифати баланди ахлоқӣ ва ҳуқуқиро доро мебошанд. Дар Паёми навбатии худ ба Маҷлиси Олии кишвар Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон иброз доштанд, ки бахшида ба 30-солагии қабули Конститутсияи Ҷумҳурии Тоҷикистон соли 2024 соли маърифати ҳуқуқӣ эълон карда шавад. Пешвои миллат, маҳтарам Эмомалӣ Раҳмон дастур доданд, ки тамоми сохтори мақомоти давлатӣ, аз ҷумла мақомоти ҳифзи ҳуқуқ бояд ҳамаи захираю имкониятҳоро ҷиҳати таъмини тартибот ва волоияти қонун барои соли 2024, ки 30-солагии қабули Конститутсияи Ҷумҳурии Тоҷикистон таҷлил мегардад, сафарбар намоянд. “Зеро аввалин Конститутсияи Тоҷикистони соҳибистиқлол, ки заминаи эъмори давлати мустақили миллӣ ва пешравии тамоми ҷанбаҳои ҳаёти мардуми мамлакатро фароҳам овардааст, яке аз дастовардҳои муҳимтарини мо мебошад”.

АЁДАТИ ҶАВОНОНИ НИЁЗМАНД ДАР ҶАМОАТИ ШАҲРАКИ ЧОРУҚДАРРОНИ ШАҲРИ ГУЛИСТОН

Санаи 04.04.2024, дар Ҷамоати Чоруқдаррони шаҳри Гулистон  ҷиҳати иҷрои нақшаи чорабиниҳои “Барномаи ватандӯстӣ эҳсоси масъулияти шаҳрвандӣ ва таҳкими ҳувияти миллии  ҷавонони шаҳри Гулситон барои солҳои 2023-2027” 3 нафар ҷавонони ниёзманд бо маводҳои хӯрока аз қабили орд, равған, биринҷ, шакар, макарон, гречка, чой ва кулчақанд (пичени) аёдат карда шуданд.

Зимни суҳбат масъулин таъкид намуданд, ки ҷавонони ниёзманд ҳамеша зери таваҷҷуҳи Ҳукумати кишвар қарор дошта, барои ба ғамхорӣ фаро гирифтани онҳо мунтазам тадбирҳои муассир андешида мешавад.

АЁДАТИ ҶАВОНОНИ НИЁЗМАНД ДАР МАРКАЗИ ШАҲРИ ГУЛИСТОН

Санаи 03.04.2024, дар маркази шаҳри Гулистон  ҷиҳати иҷрои нақшаи чорабиниҳои “Барномаи ватандӯстӣ эҳсоси масъулияти шаҳрвандӣ ва таҳкими ҳувияти миллии  ҷавонони шаҳри Гулситон барои солҳои 2023-2027” 3 нафар ҷавонони ниёзманд бо маводҳои хӯрока аз қабили орд, равған, биринҷ, шакар, макарон, гречка, чой ва кулчақанд (пичени) аёдат карда шуданд.

Зимни суҳбат масъулин таъкид намуданд, ки ҷавонони ниёзманд ҳамеша зери таваҷҷуҳи Ҳукумати кишвар қарор дошта, барои ба ғамхорӣ фаро гирифтани онҳо мунтазам тадбирҳои муассир андешида мешавад.