Раиси шаҳр Раъно Ҳошимзода аҳли қаламро ба муносибати Рӯзи матбуоти тоҷик муборакбод намуд

Имрӯз, 11.03.2024 Раиси шаҳри Гулистон Раъно Ҳошимзода аҳли қаламкашони шаҳрро ба ҳузур пазируфта, онҳоро ба ифтихори Рӯзи матбуоти тоҷикмуборакбод намуд.

Таъкид карда шуд, ки дар воқеъ матбуот аслиҳаи тавонои тарғибу ташвиқот, воситаи оммавию ҷиддии таъсиррасонӣ ва тарбияи маънавию ахлоқии омма ба ҳисоб меравад. Дар раванди муносибатҳои сиёсии ҷомеа, иттилоърасонӣ ба мардум ва сарҷамъиву иттиҳод воситаҳои ахбори омма яке аз институтҳои сиёсии ҷомеаи муосир ба шумор рафта, нақши барҷаста дорад.

Тавассути сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои истиқлолияти давлатӣ рушди устувори ҷомеа васоити ахбори оммаро ба яке аз воситаҳои муҳими таҷассумгари ҳаёт табдил додааст.

Мақомоти иҷроияи ҳокимияти давлатии шаҳри Гулистон низ ба рушди бонизоми матбуот, дастгириву ҳавасмандгардонии аҳли қалам кӯшишҳои судмандро ба роҳ монда, аз неруи қалониву зеҳнии кормандони соҳа васеъ истифода менамояд.

Мулоқот доир ба эълон гардидани соли 2024 - “Соли маърифати ҳуқуқӣ”

Санаи 11.03.2024 тибқи нақшаи кории мақомоти иҷроияи ҳокимияти давлатии шаҳр дар Мактаби санъати маркази шаҳр бо сокинони маҳаллаи рақами 1 вобаста ба эълон гардидани соли 2024 ҳамчун “Соли маърифати ҳуқуқӣ”, пешгирии шомилшавии ҷавонон ба ҳизбу ҳаракатҳои ифротгаро, роҳ надодан ба таълимоти ғайрирасмии динӣ ва тақвият бахшидани ҳисси худшиносию худогоҳӣ ва ватандӯстӣ дар ҷомеа вохӯрӣ баргузор гардид.

Дар вохӯрии мазкур ҳайати гурӯҳи тарғиботии шаҳр муовини Раиси шаҳр Шарифҷони Саидраҳмон, мудири бахши кор бо ҷавонон ва варзиш Аҳлиддин Абдураҳмонов ва мудири шуъбаи Агентии меҳнат ва шӯғли аҳолӣ дар шаҳр Бахтовар Ҷӯразода иштирок ва суханронӣ намуданд.

Таъкид карда шуд, ки ҳаёт ба сар бурдан дар раванди босуръати ҷаҳонишавӣ ва ҳаводиси ҷаҳони муосир аз шахс масъулияти бузургро талаб менамояд, зеро рушди бемайлони илму технология метавонад инсонҳоро бо ҳам наздиктар намуда, дар миёни онҳо афкори гуногунро ба вуҷуд орад, ки на ҳамаи унсурҳои он барои ҷомеаи мо манфиатовар аст.

Номаи табрикотии Раиси шаҳри Гулистон Раъно Ҳошимзода ба муносибати Рӯзи матбуоти тоҷик

Муҳтарам собиқадорон ва намояндагони васоити ахбори омма,

Ҳамшаҳриёни азиз!

Басо рамзист, ки ҳамасола дар остонаи фарорасии фасли зебои сол, баҳори нозанин ва муждагонӣ аз Наврӯзи ҷаҳонафрӯз дар Тоҷикистони соҳибистиқлол 11-уми март ҳамчун Рӯзи матбуоти тоҷик бо шукуҳу шаҳомати хоса таҷлил мегардад. Соли равон матбуоти тоҷик, ки аз нашри аввалин рӯзномаи тоҷикӣ-«Бухорои шариф» сарчашма мегирад 112 сол пур мешавад.

Дар воқеъ матбуот аслиҳаи тавонои тарғибу ташвиқот, воситаи оммавию ҷиддии таъсиррасонӣ ва тарбияи маънавию ахлоқии омма ба ҳисоб меравад. Дар раванди муносибатҳои сиёсии ҷомеа, иттилоърасонӣ ба мардум ва сарҷамъиву иттиҳод воситаҳои  ахбори омма яке аз институтҳои сиёсии ҷомеаи муосир ба шумор рафта, нақши барҷаста дорад. Тавассути сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои истиқлолияти давлатӣ рушди устувори ҷомеа васоити ахбори оммаро ба яке аз воситаҳои  муҳими таҷассумгари ҳаёт  табдил додааст.

МОДАР ФАРИШТАТАР ЗИ ҲАМА ФАРИШТАҲОСТ!

Санаи 06.03.2024 дар толори бахши ҳифзи муҳити зисти шаҳр ба муносибати Рӯзи Модар бо иштироки бонувони собиқадор ва фаъолзанон миззи мудаввар баргузор гардид.

Дар чорабинии мазкур муовини Раиси шаҳр Шарифҷони Саидраҳмон, раиси КИ ҲХДТ дар шаҳр Муслимахон Ҷамолиён, мутахассиси пешбари бахши кор бо занон ва оилаи шаҳр Мадина Каримова, сармутахассиси ҳифзи ҳуқуқи кӯдаки мақомоти иҷроияи ҳокимияти давлатии шаҳр Матлуба Сатторова ва собиқадори хизмати давлатӣ Сановбар Нуриллоева иштирок ва суханронӣ намуданд.

Зикр карда шуд, ки дар сиёсати иҷтимоии давлату Ҳукумати Ҷумҳурии Тоҷикистон ба масъалаи баланд бардоштани мақоми занон дар ҳаёти ҷомеа диққати ҷиддӣ дода мешавад. Ҳукумати Ҷумҳурии Тоҷикистон маҷмӯи тадбирҳои мушаххасро бо мақсади баланд бардоштани мақоми занон дар ҷомеа, таъмини риояи ҳуқуқҳои конститутсионии онҳо, густариши фаъолияти ҷамъиятию меҳнатӣ, ҳалли масъалаҳои демографӣ, ташаккули тарзи ҳаёти солим, баланд бардоштани сатҳи маърифатнокӣ, пешбарии онҳо ба мансабҳои роҳбарикунанда амалӣ гардонида истодааст. Ҳуқуқҳои занон қисми таркибии ҳуқуқҳои умумии инсон мебошанд. Фароҳам овардани шароит барои иштироки ҳамаҷониба ва баробарии занон дар соҳаҳои сиёсӣ, иқтисодӣ, иҷтимоӣ ва фарҳангии ҷомеа самти афзалиятноки сиёсати давлатии Ҷумҳурии Тоҷикистон ба ҳисоб меравад.