Номаи табрикотии Раиси шаҳри Гулистон Раъно Ҳошимзода бахшида ба Рӯзи кормандони мақомоти Прокуратура

Муҳтарам кормандони мақомоти Прокуратураи шаҳр!

Бо камоли эҳтиром Шуморо бо ҷашни касбиатон - Рӯзи кормандони мақомоти Прокуратура муборакбод гуфта, ба Шумо тансиҳатӣ, хотирҷамъӣ, рӯзгори осуда ва дар иҷрои  рисолати пуршарафатон барору комёбӣ таманно менамоям.

Мақомоти прокуратура яке аз ниҳодҳои муҳимми давлатдорӣ мебошад, ки фаъолияти он ба ҳифзи арзишҳои ҷомеаи демократӣ, қонуният, тартиботи ҷамъиятӣ, ҳуқуқу озодиҳои инсон ва шаҳрванд, манфиатҳои давлат ва ҷомеа, ошкору пешгирӣ намудани ҳуқуқвайронкуниҳо ва мубориза бо ҷинояткорӣ равона гардидааст.

Аз ин рӯ, таъмини қонунияту адолат, амният, сулҳу субот ва ризоият дар ҷомеа аз фаъолияти самараноки мақомоти прокуратура вобаста мебошад.

Мулоқот бо сокинони Ҷамоати шаҳраки Консой доир ба эълон гардидани соли 2024 - “Соли маърифати ҳуқуқӣ” ва пешгирии ҳамагуна падидаҳои номатлуб дар ҷомеа

Санаи 13.03.2024 тибқи нақшаи кории мақомоти иҷроияи ҳокимияти давлатии шаҳр дар Ҷамоати шаҳраки Консой бо сокинони маҳалла вобаста ба эълон гардидани соли 2024 ҳамчун “Соли маърифати ҳуқуқӣ”, пешгирии шомилшавии ҷавонону шаҳрвандон ба ҳизбу ҳаракатҳои ифротгаро, роҳ надодан ба таълимоти ғайрирасмии динӣ ва тақвият бахшидани ҳисси худшиносию худогоҳӣ ва ватандӯстӣ дар ҷомеа вохӯрӣ баргузор гардид.

Дар вохӯрии мазкур ҳайати гурӯҳи тарғиботии шаҳр муовини Раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, корманди шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд Сафаров Раҷабалӣ,  корманди комиссари ҳарбии шаҳр Кассиров Парвиз, раиси КИ ҲХДТ дар шаҳри Гулистон Муслимахон Ҷамолиён, мудири бахши дин, танзимӣ анъана ва ҷалну маросимҳо Тоҷиддинов Аҳлиддин ва мудири бахши Агентии меҳнат ва шуғли аҳолӣ Ҷуразода Бахтовар иштирок ва суханронӣ намуданд.

ҶАЛАСАИ КОРИИ НАЗДИ РАИСИ ШАҲР ДОИР ГАРДИД

Санаи 12.03.2024 дар толори хурди мақомоти иҷроияи ҳокимияти давлатии шаҳр ҷаласаи кории Раиси шаҳр баргузор гардид.

Дар ҷаласаи корӣ муовинон ва роҳбари дастгоҳи Раиси шаҳр, мудирони шуъбаву бахшҳо, роҳбарони мақомотҳои ҳифзи ҳуқуқ, раисони ҷамоати шаҳракҳо, вакилони Маҷлиси вакилони халқи шаҳр ва роҳбарони корхонаву муассисаҳо иштирок намуданд.

Дар ҷаласаи корӣ Раиси шаҳр Раъно Ҳошимзода нуктаҳо ва дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 9-уми март дар Кохи "Ваҳдат"-и шаҳри Душанбе бо масъулини мақомоти марказӣ ва маҳаллии ҳокимияти давлатӣ, намояндагони фаъоли аҳли ҷомеа, олимон ва ходимони дин дар арафаи моҳи шарифи Рамазон мулоқот намуда буданд ба самъи иштирокдорон расонид.

Таъкид гардид, ки дар вохӯрӣ доир ба равандҳое, ки дар ҷаҳони муосир идома доранд, аз ҷумла бархӯрди фарҳангу тамаддунҳо, тафриқаву низоъҳои диниву мазҳабӣ, густариши бесобиқаи терроризму экстремизми динӣ, «сиёсати дугона» нисбат ба гурӯҳҳои ифротгарои динӣ ва монанди инҳо, ки василаи истифодаи қувваҳои гуногуни манфиатхоҳ гардидаанд, инчунин, таъсири онҳо ба ҷомеа ва давлат Пешвои муаззами миллат муҳтарам Эмомалӣ Раҳмон ибрози андеша намуданд.

Вохӯрии муфид бо хонандагон доир ба эълон гардидани соли 2024 - “Соли маърифати ҳуқуқӣ” ва пешгирии ҳамагуна падидаҳои номатлуб

12.03.2024 тибқи нақшаи кории мақомоти иҷроияи ҳокимияти давлатии шаҳр дар толори кохи фарҳангии "Истиқлол" бо ҷавонони муассисаи таҳсилоти миёнаи умумии №14-и маркази шаҳр бо хонандагони синфҳои 7-11 вобаста ба эълон гардидани соли 2024 ҳамчун “Соли маърифати ҳуқуқӣ”, пешгирии шомилшавии ҷавонон ба ҳизбу ҳаракатҳои ифротгаро, роҳ надодан ба таълимоти ғайрирасмии динӣ ва тақвият бахшидани ҳисси худшиносию худогоҳӣ ва ватандӯстӣ дар ҷомеа вохӯрӣ баргузор гардид.

Дар вохӯрии мазкур ҳайати гурӯҳи тарғиботии шаҳр муовини Раиси шаҳр Оқилзода Ғайрат, мудири бахши кор бо ҷавонон ва варзиш Абдураҳмонов Аҳлиддин, мудири шуъбаи маориф Каримӣ Дилрабо, сардори шуъбачаи кор бо ноболиғон ва ҷавонони ШВКД-и дар шаҳр Содиқзода Рухшона, намояндаи муассисаи кумаки аввалияи тиббию санитарии шаҳр ва сармутахассиси ҳифзи ҳуқуқи кӯдак Сатторова Матлуба иштирок ва суханронӣ намуданд.

Таъкид карда шуд, ки ҳаёт ба сар бурдан дар раванди босуръати ҷаҳонишавӣ ва ҳаводиси ҷаҳони муосир аз шахс масъулияти бузургро талаб менамояд, зеро рушди бемайлони илму технология метавонад инсонҳоро бо ҳам наздиктар намуда, дар миёни онҳо афкори гуногунро ба вуҷуд орад, ки на ҳамаи унсурҳои он барои ҷомеаи мо манфиатовар аст.