БАРГУЗОРИИ ҶАЛАСАИ ШӮРОИ ҲАМОҲАНГСОЗИИ ФАЪОЛИЯТИ МАҚОМОТИ ҲИФЗИ ҲУҚУҚ

Санаи 25 декабри соли 2023 дар толори Мақомоти иҷроияи ҳокимияти давлатии шаҳри Гулистон ҷаласаи Шӯрои ҳамоҳангсозии фаъолияти мақомоти ҳифзи ҳуқуқи шаҳр баргузор гардид. Дар ҷаласаи Шӯро прокурори шаҳр, Раиси Шӯро Вазирзода Вазир Зокир ва ҳамаи аъзоёни Шӯро роҳбарони мақомоти ҳифзи ҳуқуқи шаҳр иштирок намуданд.

Ба кори ҷаласа муовини якуми Раиси шаҳр, роҳбари дастгоҳи Раиси шаҳр, сардори раёсат, шуъбаву бахшҳо ва роҳбарони воҳидҳои сохтории Мақомоти иҷроияи ҳокимияти давлатии шаҳр, раисони ҷамоатҳо, роҳбарони корхонаҳои саноатии шаҳр, соҳибкорон, сардорони шуъбачаҳои милитсияи ҷамоатҳо ва минтақаи осоишгоҳ ва нозирони минтақавии милитсия иштирок намуданд.

ИҶЛОСИЯИ ШОНЗДАҲУМИ МАҶЛИСИ ВАКИЛОНИ ХАЛҚИ ШАҲРИ ГУЛИСТОН, ДАЪВАТИ ШАШУМ

Мақомоти иҷроияи ҳокимияти давлатии шаҳри Гулистон тибқи ҷадвали гузаронидани иҷлосияҳои навбатии Маҷлиси вакилони халқи шаҳру ноҳияҳо тадбирҳо андешида, санаи 25 декабри соли 2023 иҷлосияи шонздаҳуми Маҷлиси вакилони халқи шаҳри Гулистон, даъвати шашумро доир намуд.

Дар кори иҷлосия, сардори Раёсати тандурустии вилояти Суғд Ҳабибулло Хайруллозода, Раиси шаҳри Гулистон Раъно Ҳошимзода, вакилони мардумӣ, муовинони раиси шаҳр, роҳбари дастгоҳи раиси шаҳр, мудирони шуъбаю бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, роҳбарони ташкилотҳои шаҳрӣ, раисони ҷамоати шаҳракҳо ва дигар шахсоне, ки ба рӯзномаи иҷлосия дахл доштанд ширкат намуданд.

БАРГУЗОРИИ ЯРМАРКА- ФУРӮШИ МАҲСУЛОТИ НИЁЗИ АВВАЛИЯ

Санаи 23.12.2023 дар шаҳри Гулистон бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати захираи маводи ғизоӣ ва нисбат ба бозор бо нархҳои дастрас пешниҳод намудани маҳсулоти ниёзи аввалия ярмарка-фурӯши маҳсулоти ниёзи аввалия ва кишоварзӣ баргузор гардид.

Ярмаркаи мазкур ҷиҳати таъмини сокинону меҳмонони шаҳр бо маҳсулоти хушсифати кишоварзию агросаноатӣ ба роҳ монда шуд.

Дар ярмарка маҳсулоти ниёзи аввалия бо нархҳои нисбатан ба бозор арзонтар пешниҳоди сокинон гардид.

ТАҶЛИЛИ РӮЗИ ЭНЕРГЕТИКҲО

Мувофиқи Қонуни Ҷумҳурии Тоҷикистон "Дар бораи рӯзҳои ид" ҳамасола санаи 22 декабр Рӯзи касби энергетикҳо таҷлил карда мешавад.

Бо мақсади арҷгузорӣ ба заҳматҳои як қатор фаъолони соҳа санаи 22 декабр дар толори шабакаҳои барқи шаҳри Гулистон ҷамъомад баргузор карда шуд. Дар кори ҷамъомад муовини якуми Раиси вилояти Суғд Хол Ҳайдар, раиси шаҳри Гулистон Раъно Ҳошимзода,  кормандони воҳидҳои сохторӣ ва дигар касбу кори гуногун иштирок доштанд.

Зикр карда шуд, ки дар даврони соҳибистиқлолии кишвари маҳбуб ба инкишоф ва рушди соҳаи энергетика аҳамияти махсус дода шуда, таъмини истиқлолияти энергетикӣ яке аз ҳадафҳои стратегӣ дар мамлакат эълон гардид. Дар доираи татбиқи ин ҳадаф саҳму талошҳои Пешвои муаззами миллат муҳтарам Эмомалӣ Раҳмон дар бунёд ва азнавсозии неругоҳҳои хурду бузург баёнгари он аст ки,  соҳаи энергетика яке аз соҳаҳои пурмаҳсули кишварамон ба ҳисоб меравад.