Бахши кор бо ҷавонон ва варзиши шаҳри Гулистон - “Беҳтарин сохтори соҳаи кор бо ҷавонон дар соли 2023”

Имрӯз, 06.02.2024 бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Кохи Суруши шаҳри Душанбе маросими ҷоизасупории  соҳаи кор бо ҷавонон дар соли 2023 аз рӯйи 10 номинатсия баргузор гардид.

Дар маросими ҷоизасупорӣ муовини Сарвазири Ҷумҳурии Тоҷикистон Дилрабо Мансурӣ ва Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулмуҳаммадзода иштирок намуда, ба ғолибон ҷоизаҳоро супориданд.

Мақсад аз баргузории чорабинии мазкур қадршиносии хизматҳои шоиста ва ҷавонмардии ҷавонон дар назди ҷомеа ва давлат, ҷасорату фидокорӣ дар вазъияти ҷангӣ, ҳолатҳли таҳдидкунанда ба амнияти миллату давлат ва адои қарзи ҳарбӣ, хизматию шаҳрвандӣ барои дастгирӣ, ҳавасмандгардонӣ, тарбияи ватандустӣ ва таҳкими ҳуввияти миллии ҷавонон мебошад.

Вохӯрӣ доир ба пешгирии падидаҳои номатлуб

Санаи 03.02.2024 дар муассисаи таҳсилоти миёнаи умумии рақами 3-и шаҳраки Консой ҷиҳати пешгирии падидаҳои номатлуби ҷомеа аз қабилӣ ҷиноятсодиркунӣ ва риоя Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон" бо хонандагони муассиса вохӯрӣ баргузор карда шуд.

Дар вохӯрии мазкур сармутахассиси ҳифзи ҳуқуқи кӯдаки мақомоти иҷроияи ҳокимияти давлатии шаҳр Матлуба Сатторова, и.в. мудири бахши кор бо дин, танзими анъана ва ҷашну маросим Аҳлиддин Тоҷиддинов ва раиси ҷамоати шаҳрак Амир Муҳаббатов иштирок ва суханронӣ намуданд.

Ҷаласаи Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр баргузор гардид

Санаи 05.02.2024 дар толори хурди мақомоти иҷроияи ҳокимияти давлатии шаҳр ҷаласаи Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр доир гардид.

Комиссия таҳти раёсати муовини якуми Раиси шаҳр Даврон Муҳаммадзода доир гардид. Дар кори ҷаласа аъзои Комиссияи ҷамъиятӣ ва дигар шахсони масъул иштирок намуданд. Тибқи рӯзномаи ҷаласа гузориши котиби Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр Баҳодур Аҳмадҷонов доир ба ҳолати иҷрои Нақшаи чорабиниҳои идоравии амалисозии “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” дар мақомоти иҷроияи ҳокимияти давлатии шаҳр шунида шуд.

ВОХӮРИИ МУФИД БО ҶАВОНОН ДОИР БА ОГОҲСОЗИИ ҶАВОНОН АЗ ПАДИДАҲОИ НОМАТЛУБ-ЭКСТРЕМИЗМ, ТЕРРОРИЗМ, КОРРУПСИЯ, ИНТИХОБИ КАСБ ВА ҲИФЗИ МАНФИАТҲОИ МИЛЛӢ

Санаи 03.02.2024 дар толори Кохи фарҳангии “Истиқлол”-и маркази шаҳр доир ба огоҳсозии ҷавонон аз падидаҳои номатлуб-экстремизм, терроризм, коррупсия, интихоби касб ва ҳифзи манфиатҳои миллӣ бо иштироки хатмкунандагони муассисаҳои таълимии шаҳр вохӯрӣ баргузор карда шуд.

Дар вохӯрии мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, намояндаи Маркази милли тестии назди Президенти Ҷумҳурии Тоҷикистон Шамсов Имомудин, устоди ДДҲБС Тоҷикистон дар шаҳри Хуҷанд Мирзоев Абдураҳмон ва сармутахассиси МДРИ назди шуъбаи маорифи шаҳр Пулотова Дилноза иштирок ва суханрони намуданд.

Зикр карда шуд, ки вазъи кунунии ҷаҳони муосир, раванди ташаккулёбии вазъият нишон медиҳад, ки густариши зуҳуроти терроризму экстремизм дар як қатор кишварҳо, ба амният ва суботу оромии минтақа ва ҷаҳон таҳдид эҷод менамояд. Яъне экстремизм ва терроризм ҳамчун вабои аср маънидод карда мешавад.