Идоракунии хавфу офатҳои табии дар сатҳи ҷомеа

Дар асоси нақшаи чорабиниҳои Кумитаи ҳолатҳои фавқулода ва мудофиаи граждании Ҷумҳурии Тоҷикистон омӯзиши дурӯза дар Ҷамоати шаҳраки Адрасмон санаи 29.11.2022 дар МТМУ №4 деҳаи Гулдара ва дар Ҷамоати шаҳраки Консой санаи 01.12.2022 бо аҳолии дар ҷойҳои осебпазир истиқоматкунанда вобаста ба паст намудани хавфи офатҳои табиӣ ва омода намудани аҳолӣ барои пешгирӣ, эътино вобаста ба ҳолатҳои фавқулода ва ҳамзамон иҷрои банди 4-и нақшаи чорабиниҳои қарори Раиси шаҳр аз 07.01.2022, №7 доир ба фаҳмонидани Қонунҳои Ҷумҳурии Тоҷикистон “Дар бораи мудофиаи гражданӣ”, “Дар бораи ҳифзи аҳолӣ ва ҳудуд аз ҳолатҳои фавқулодаи дорои хусусиятҳои табиӣ ва техногенӣ баргузор карда шуд.

Ҳамчунин, бо сокинон суҳбати озод баргузор карда шуда, доир ба саволҳои сокинон посухҳои мушаххас дода шуд.

16 РӮЗИ АЛАЙҲИ ХУШУНАТ

Санаи 29.11.2022 бахшида ба 16 рӯзи алайҳи хушунат нисбат ба занону духтарон дар ҷамоати шаҳраки Алрасмон семинар-машварат бо иштироки  сокинон ташкил ва гузаронида шуд.

Дар семинар мутахассиси пешбари бахши кор бо занони МИҲД-и шаҳр Мадина Каримова ва сармутахассиси ҳифзи ҳуқуқи кӯдак Матлуба Сатторова иштирок ва суханронӣ намуданд.

Қайд карда шуд, ки бо қарори СММ ҳамасола аз санаи 25-уми ноябр то санаи 10-уми декабр 16-рӯзи алайҳи хушунат нисбат ба занону духтарон таҷлил карда мешавад. 16 рӯзи мубориза алайҳи зӯроварии асоси гендерӣ маъракаи солонаи байналмилалӣ мебошад, ки 25-уми ноябр Рӯзи байналмилалии барҳам додани хушунат нисбат ба занон оғоз ёфта, то 10 декабр Рӯзи ҳуқуқи инсон идома меёбад.

Имрӯз маҷлиси Ҳукумати Ҷумҳурии Тоҷикистон баргузор шуд

29 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар маҷлиси Ҳукумати мамлакат нахуст ҳисоботи муовини якуми Вазири саноат ва технологияҳои нави Ҷумҳурии Тоҷикистон оид ба ҷараёни иҷрои қарори Ҳукумати Ҷумҳурии Тоҷикистон «Дар бораи Барномаи рушди саноати сабук дар Ҷумҳурии Тоҷикистон барои давраи то соли 2022» шунида шуд. Таъкид гардид, ки барномаи мазкур дар доираи ҳадафи чоруми стратегӣ – саноатикунонии босуръати мамлакат амалӣ шуда, барои таъмини рушди иқтисодиёти мамлакат аз ҳисоби рушди саноати сабук муҳим мебошад.

Барномаи рушди саноати сабук дар Ҷумҳурии Тоҷикистон барои давраи то соли 2022 дар асоси муқаррароти Қонуни Ҷумҳурии Тоҷикистон «Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон», «Стратегияи рушди саноат дар Ҷумҳурии Тоҷикистон барои давраи то соли 2030», «Барномаи миёнамуҳлати рушди Ҷумҳурии Тоҷикистон барои солҳои 2016-2020» ва Қарори Ҳукумати Ҷумҳурии Тоҷикистон аз 23 январи соли 2018, №34 «Дар бораи натиҷаҳои рушди иҷтимоию иқтисодии Ҷумҳурии Тоҷикистон дар соли 2017 ва вазифаҳо барои соли 2018» таҳия карда шудааст.

Таҷлили Рӯзи Парчами давлатии Ҷумҳурии Тоҷикистон дар шаҳри Гулистон

Имрӯз, 24.11.2022 дар майдони Парчами давлатии Ҷумҳурии Тоҷикистон дар шаҳр ба муносибати 30-юмин солгарди Рӯзи қабули Парчами давлатии Ҷумҳурии Тоҷикистон чорабинии идона баргузор карда шуд.

Чорабинии идона бо садо додани Суруди миллии Ҷумҳурии Тоҷикистон оғоз гардид.

Раиси шаҳри Гулистон Раъно Ҳошимзода иштирокчиёнро ба муносибати Рӯзи Парчами давлатии Ҷумҳурии Тоҷикистон муборакбод гуфт.

Зикр карда шуд, ки Парчами миллӣ нахустин нишони муқаддаси ҳар миллат, рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад.