БА ПОКИЗАКОРОН ДАР ОСТОНАИ ТАҶЛИЛИ СОЛИ НАВ КУМАКИ ЯКДАФЪАИНА РАСОНИДА ШУД

Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд Раҷаббой Аҳмадзода аз ҷониби мақомоти иҷроияи ҳокимияти давлатии шаҳр дар остонаи таҷлили Соли нави мелодии 2023 ба кормандони корхонаи воҳиди давлатии “Хоҷагии манзилию коммуналӣ”-и шаҳр кумаки якдафъина иборат аз маводи маводи ғизоӣ тақдим карда шуд.

Раиси шаҳр Раъно Ҳошимзода кормандони корхонаи воҳиди давлатии “Хоҷагии манзилию коммуналӣ”-и шаҳрро бо фарорасии Соли нави мелодӣ муборакбод намуда, ба покизакорон, ки дар тозаву озода нигоҳ доштан ва сарсабз намудани шаҳр саҳми арзанда доранд изҳори сипос намуд.

Ба масъулини корхонаи воҳиди давлатии "Хоҷагии манзилию коммуналӣ"-и шаҳр ҷиҳати минбаъд низ тозаву озода нигоҳ доштани шаҳр таъкид карда шуд.

Аёдати барқароркунандагони сохти конститутсионӣ

Имрӯз, 29.12.2022 Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд Раҷаббой Аҳмадзода бо дастгирии шахсони саховатманд ба муносибати Соли нави мелодии 2023 якқатор барқароркунадагони сохти конститутсионӣ  Маҳмадсаид Каримов, Дилшод Бояков, Қудратулло Убайдов, Сайвалӣ Валиев, Баҳрулло Убайдов аёдат карда шуданд.

Муовини Раиси шаҳр Ғайрат Оқилзода аснои суҳбат зикр намуд, ки хизматҳои шоёни ашхоси ватандӯст ҳеҷ гоҳ фаромӯш нахоҳад шуд ва давлату ҳукумат доир ба ин қишри ҷомеа ҳамеша таваҷҷуҳи хоса зоҳир менамоянд.

Иштирокчиёни барқароркунандагони сохти конститутсионӣ аз дастгириву ғамхориҳои Ҳукумати кишвар изҳори сипос намуданд.

БОЗДИД АЗ РАФТИ КОРҲОИ СОХТМОНИИ КОРХОНАҲОИ НАВИ САНОАТӢ

Имрӯз, 28.12.2022 Раиси шаҳри Гулистон Раъно Ҳошимзода дар минтақаи саноатии шаҳр аз рафти корҳои сохтмонии корхонаи мурғпарварии “Мурғи аълосифат”-и ҶДММ “Ганҷи Сомон” ва корхонаи масолеҳи сохтмонии ҶДММ “Тилгат” боздид намуд.

Корхонаҳои нави саноатии мазкур, дар асоси нақшаи чорабиниҳои тасдиқгардидаи мақомоти иҷроияи ҳокимияти давлатии шаҳр доир ба таҷлили бошукӯҳи ҷашни 35-солагии Истиқлоли давлатии кишвар бунёд гардида истодаанд.

Зимни боздид Раиси шаҳр Раъно Ҳошимзода ҷиҳати босифат ва дар муҳлати муайянгардида бунёд намудани корхонаҳои мазкур ба масъулин дастур дод.

Аёдати афсари Қушунҳои сарҳадии КДАМ Ҷумҳурии Тоҷикистон, ки дар муноқишаҳои охири марзӣ ҷароҳат бардошта буд

Имрӯз, 28.12.2022 тибқи дастуру супоришҳои Пешвои муаззами миллат муҳтарам Эмомалӣ Раҳмон Раиси шаҳри Гулистон Раъно Ҳошимзода бо ҳамроҳии сардори шуъбаи дар шаҳри Гулистон будаи Раёсати Кумитаи давлатии амнияти миллии Ҷумҳурии Тоҷикистон дар вилояти Суғд Лутфулло Иззатов ба муносибати Рӯзи кормандони мақомоти амнияти миллӣ афсари Қушунҳои сарҳадии Кумитаи давлатии амнияти миллии Ҷумҳурии Тоҷикистон Тошев Шерафканро ки дар муноқишаҳои охири марзӣ бо Ҷумҳурии Қирғизистон соли ҷорӣ дар шаҳри Исфара ҷароҳат бардошта буд аёдат намуданд.

Зимни суҳбат Раиси шаҳр Раъно Ҳошимзода таъкид намуд, ки давлату ҳукумат хизматҳои шоёни шахсони ватандӯстро ҳеҷ гоҳ фаромӯш намекунад ва корнамоиҳои онҳоро ҳамеша қадр менамояд.