БАРГУЗОРИИ ҶАЛАСАИ КОРӢ ДОИР БА ОМОДАГӢ БА МАВСИМИ ДАЪВАТИ БАҲОРӢ

Санаи 07.02.2025 дар толори хурди мақомоти иҷроияи ҳокимияти давлатии шаҳр ҷаласаи корӣ доир ба иҷрои Қарори Раиси вилояти Суғд таҳти №331 аз 06 декабри соли 2024 ва қарори Раиси шаҳри Гулистон аз 29 ноябри соли 2024, №311 «Дар бораи гузаронидани омўзиши пеш аз даъватӣ ва омода намудани шаҳрвандони солҳои таваллудашон 1998-2007 ба хизмати ҳарбӣ дар даъвати баҳории соли 2025» баргузор гардид.

Дар ҷаласаи корӣ муовинони раиси шаҳр, роҳбари дастгоҳ, мудирони шуъбаву бахшҳо, роҳбарони воҳидҳои сохтории мақомоти иҷроияи ҳокимияти давлатии шаҳр, раисони ҷамоати шаҳракҳо, маҳаллаҳо ва масъулини комиссариати ҳарбии шаҳр иштирок намуданд.

БИРАВ ФАРЗАНД, ХИЗМАТИ ВАТАН – МОДАР БИКУН! – вохӯрӣ бо сарбозони қисми ҳарбии 45025

Имрӯз, 06.02.2025 тибқи нақшаи баргузории суҳбату мулоқоти ҳайати таблиғотии “Модарони Ваҳдатсаро” таҳти унвони “Бирав фарзанд, хизмати Ватан – Модар бикун!” ва “Террорист Ватан, миллат ва дин надорад” бахшида ба Рӯзи Қувваҳои Мусаллаҳи Ҷумҳурии Тоҷикистон бо афсарону сарбозони қисми ҳарбии 45025-и Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд вохӯрии доир гардид.

Дар вохӯрии мазкур муовини Раиси шаҳри Гулистон Шарифҷони Саидраҳмон, муовини ректори МДТ “Донишгоҳи давлатии Хуҷанд ба номи академик Бобоҷон Ғафуров” Давлатзода Рухсора, Гулнози Тоҳириён шоир, узви Иттифоқи нависандагони Тоҷикистон ва Қосимова Каромат Маҳмудовна раиси Шӯрои собиқадорони ҷанг ва меҳнати шаҳри Гулистон, Матлуба Сатторова мудири бахши кор бо занон ва оилаи мақомоти иҷроияи ҳокимияти давлатии шаҳр ва ҳамчунин раиси КИ ҲХДТ дар шаҳр Ғайрат Оқилзода, комиссари ҳарбии шаҳр Хайрулло Сатторзода ва командири қисми ҳарбии 45025 Қурбозода Хусрав иштирок ва суханронӣ намуданд.

Шиносоӣ бо фаъолияти муассисаҳои соҳаи маориф дар шаҳраки Чоруқдаррон

Санаи 05.02.2025 иҷрокунандаи вазифаи Раиси шаҳри Гулистон Илҳом Пӯлотзода зимни сафари корӣ ба шаҳраки Чоруқдаррон аз фаъолияти муассисаҳои соҳаи моарифи шаҳрак дидан намуд.

Нахуст аз муассисаи таҳсилоти миёнаи умумии №2-и шаҳрак дидан карда шуд. иттилоъ дода шуд, ки дар муассисаи таълимии мазкур 971 нафар хонанда дар ду баст ба таълим фаро гирифта шудаанд ва ба онҳо 43 нафар омӯзгор дарс мегӯяд. Таълим дар муассиса бо забонҳои тоҷикӣ ва русӣ ба роҳ монда шудааст. Дар муассиса 10 кабинети фаннӣ бо лавозимоти зарурӣ муҷаҳҳаз гардонида шудаанд. Хонандагону омӯзгорони муассиса ҳамасола дар озмуну олимпиадаҳо фаълона иштирок менамоянд. Соли таҳсили 2023-2024 хонандагони муассиса дар олимпиадаҳои байналмилалӣ соҳиби 10 медал аз ҷумла 6 медали тилло, 3 нуқра ва 1 биринҷӣ гардиданд. Ҳамчунин, як нафар омӯзгори муассиса дар даври ниҳоии озмуни ҷумҳуриявии “Фурӯғи субҳи доноӣ китоб аст” фаъолона иштирок намуд. Ҳамчунин, хонандагони муассиса дар озмунҳои Стипендияи президентӣ ва Стипендияи Раиси шаҳр фаъолона иштирок намуда, ғолибият ба даст овардаанд.

БОЗДИД АЗ ҶАМОАТИ ШАҲРАКИ ЧОРУҚДАРРОН

Санаи 05.02.2025 иҷрокунандаи вазифаи Раиси шаҳри Гулистон Илҳом Пӯлотзода аз ҷамоати шаҳраки Чоруқдаррон дидан намуд.

Бо мақсади сарсабзу хуррам намудани шаҳрак бо иштироки Илҳом Пӯлотзода 200 бех дарахтони ҳамешасабзи ороишӣ дар шафати роҳи даромадгоҳи шаҳрак шинонида шуд. Барои идомаи ин тадбирҳо ва ҳар чӣ бештар шинонидани дарахтони ороишӣ ба масъулини шаҳрак супориш дода шуд.

Дар идома иҷрокунандаи вазифаи Раиси шаҳр Илҳом Пӯлотзода аз ҶСК “Комбинати фулузоти нодири Ленинобод” дидан намуд. Иттилоъ дода шуд, ки барои фаъолияти мунтазами корхона лоиҳаҳо барои сармоягузорӣ ба сармоягузорони хориҷӣ пешниҳод гардидааст ва дар ҳоли қабул гардидани лоиҳаҳо корхона ба фаъолияти истеҳсолӣ мепардозад.