НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛ ВА ВАҲДАТИ МИЛЛӢ - ИДОМАИ КУРСИ ОМӮЗИШИИ ПАЙРАВОНИ ПЕШВОИ МИЛЛАТ

Имрӯз, 23.01.2025 дар толори хурди мақомоти иҷроияи ҳокимияти давлатии шаҳр ба шунавандагони курси омӯзишии пайравони Пешвои миллат дарси навбатӣ дар мавзуи “Нақши Пешвои миллат дар таҳкими Истиқлол ва Ваҳдати миллӣ” баргузор карда шуд.

Дар дарси мазкур мудири бахши кор бо ҷавонон ва варзиши шаҳр Аҳлиддин Абдураҳмонов ва мутахассиси татбиқи забон дар мақомоти иҷроияи ҳокимияти давлатии шаҳр Фаридуншоҳ Абдуллоев иштирок ва суханронӣ намуданд.

Зикр карда шуд, ки Ҷумҳурии Тоҷикистон бо ба даст овардани истиқлоли миллӣ, ки орзуву ормони ҳазорон фарзандони ҷонфидои он буд марҳилаи нави ташаккулро оғоз намуд. Вале мутаассифона ба гирдоби кашмакашҳои дохилӣ бо дастандаркории шахсону гурӯҳҳои манфиатхоҳи дохиливу берунӣ кашида шуд. Хушбахтона хиради азалии миллати тоҷик ба зулму торикӣ пирӯз гардид ва бо ба роҳбарии кишвар омадани фарзанди фарзонаи миллат муҳтарам Эмомалӣ Раҳмон ва талошу пайкорҳои фидокоронаашон халқи тоҷик сарҷамъ гардида, ба кашмакашҳои дохилӣ нуқта гузошта шуд.

Боздид аз фаъолият ва вазъи як қатор муассисаҳои соҳаи маорифу фарҳанг дар маркази шаҳр

Санаи 22.01.2025 иҷрокунандаи вазифаи Раиси шаҳр Илҳом Пӯлотзода аз муассисаи давлатии гимназияи №1, собиқ бинои маркази таҳсилоти иловагии шаҳр, бахши фарҳанги шаҳр ва китобхонаи системаи марказонидашуда дидан намуд.

Нахуст иҷрокунандаи вазифаи Раиси шаҳр Илҳом Пӯлотзода аз муассисаи давлатии гимназияи №1 дидан намуда, бо ҷараёни таҳсил шинос шуда бо омӯзгорону хонандагон ҳамсуҳбат шуд.

Иттилоъ дода шуд, ки дар муассиса 760 нафар хонанда таълим мегиранд ва ба онҳо 35 нафар омӯзгор дарс мегӯянд. Дар соли таҳсили 2023-2024 омӯзгорону хонандагони муассиса ба дастовардҳои назаррас ноил гардиданд. Як нафар хонандаи муассисаи дар даври ниҳоии олимпиадаи фаннии хонандагон соҳиби ҷойи дуюм ва медали нуқра гардид ва ҳамчунин як нафар омӯзгори муассиса дар даври ниҳоии озмуни ҷумҳуриявии “Фурӯғи субҳи доноӣ ккитоб аст” фаъолона иштирок намуд. Солҳои қаблӣ низ таълимгирандагони муассисаи дар озмунҳо ва олимпиадаҳои фаннӣ соҳиби ҷойҳои намоён мегардиданд.

Дар шаҳри Гулистон 10 ҳазор бех дарахт шинонида мешавад

20 январ дар шоҳроҳи Гулистон — ноҳияи Бобоҷон Ғафуров беш аз 500 бех ниҳолҳои ороишиву ҳамешасабз шинонда шуд.

Раиси вилояти Суғд Раҷаббой Аҳмадзода низ дар ҳашари ниҳолшинонӣ иштирок намуда, ба масъулин барои тозаву озода нигоҳ доштани кӯчаву хиёбонҳо, шафати роҳҳо ва сабзу хуррам намудани муҳити зист супоришҳо дод.

Ба иттилои масъулин бо истифода аз боду ҳавои мусоид имрӯзҳо дар ҳудуди ҷамоату шаҳракҳои шаҳри Гулистон шинонидани дарахтони ҳамешасабз идома дорад.

МАҶЛИСИ КУМИТАИ ИҶРОИЯИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ШАҲРИ ГУЛИСТОН БАРГУЗОР ГАРДИД

Таърихи 22 январи соли равон дар толори Кумитаи иҷроияи шаҳрӣ маҷлиси Кумитаи иҷроияи Ҳизби Халқии Демократии Тоҷикистон дар шаҳри Гулистон баргузор гардид.

Дар рафти кори маҷлис муовини раиси Кумитаи иҷроияи Ҳизби Халқии Демократии Тоҷикистон дар вилояти Замира Мансурӣ, муовини раиси шаҳри Гулистон Шарифҷони Саидраҳмон, Раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Оқилзода Ғайрат, аъзои раёсати Кумитаи иҷроияи шаҳрӣ, вакилони Маҷлисҳои вакилони халқи вилоят ва шаҳр, аъзои фаъоли Ҳизби Халқии Демократии Тоҷикистон ва раисони ташкилотҳои ибтидоии ҳизбӣ иштирок доштанд.

Маҷлис бо садо додани Суруди миллии Ҷумҳурии Тоҷикистон оғоз гардида, масъалаҳои зерин мавриди баррасӣ қарор дода шуд.