ИСТИҚБОЛИ ТАНТАНАВИИ 3 НАФАР САРБОЗОНИ ШУҶОИ ВАТАН, ДАР ҶАМОАТИ ШАҲРАКИ ЧОРУҚДАРРОНИ ШАҲРИ ГУЛИСТОН

Имрӯз, 04.11.2024 дар доираи аксияи ҷумҳуриявии “Сарбози ватанро истиқбол мегирем!" дар Ҷамоати шаҳраки Чоруқдаррони шаҳри Гулистон ҷавонмардони  асил Маматалиев Суҳроб, Қазакбаев Исмоил ва Эргашев Дилшод, ки қарзи шаҳрвандӣ, хизмат дар сафи Артиши миллиро ба анҷом расонида сарбаландона ба назди волидон баргаштанд, бо суруду шодмонӣ истиқбол гирифта шуд.

Дар фазои тантанавии истиқболи сарбози далери Ватан дар назди бинои Ҷамоат ба шодиву комронии волидон сурат гирифт.

Муовини раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, раиси ҷамоати Чоруқдаррон Наргиса Бердиева ва дигар масъулин сарбозонро барои иҷрои қарзи шаҳрвандӣ самимона таҳният гуфта, ба номбурдагон ва аъзои оилаи онҳо ифтихорнома ва туҳфаҳои хотиравӣ тақдим карда шуд.

САҲМГУЗОРӢ ДАР ҶАМЪОВАРИИ ТИЛЛОИ САФЕД

Санаи  02.11.2024 барои ёрӣ расонидан ба дастранҷи меҳнати кишоварзон кормандони соҳаҳои гуногуни хоҷагии халқи шаҳр  ҷиҳати  расонидани кумак барои саривақт ҷамъоравии ҳосили  хоҷагии деҳқонии “Абдураҳим Ҷумаев”-и ноҳияи Бобоҷон Ғафуров сафарбар карда шуданд.

Пахта яке аз муҳимтарин ва қадимтарин растании нахдору равғандиҳандаи техникӣ ба ҳисоб рафта ба қатори дастовард ва  боигариҳои Тоҷикистон ворид карда шудааст.

Кишоварзони пахтакори вилояти Суғд  тибқи дурнамо тасмим гирифтаанд, ки нисбат ба давраи соли гузашта  имсол низ натиҷаи дилхоҳ бадаст оваранд.

Табрикоти Раиси шаҳри Гулистон Раъно Ҳошимзода ба ифтихори 60-солагии Шоири халқии Тоҷикистон Фарзонаи Хуҷандӣ

Мақомоти иҷроияи ҳокимияти давлатии шаҳри Гулистон Шуморо самимона ба ифтихори 60-умин солгарди мавлуди муборакатон табрику таҳният намуда, бароятон тансиҳатӣ, бахту иқболи некӯ ва дар фаъолияти эҷодиатон комёбиҳои беназирро таманно менамояд.

Шоистаи ифтихор аст, ки Шумо ҳамчун шоири эъҷозгар ба масири адабиёти оламшумули тоҷик ворид гардида, дар як муддати кутоҳ дар миёни аҳли илму адаби кишвар ва форсизабонони олам мавқеи арзандаи худро касб намудед.

Ихлосмандони шеър ва аҳли илму фарҳанги тоҷик ҳанӯз аз нашри маҷмуаи нахустинатон «Тулӯи хандарез» (1987) ба ашъори Шумо дил бастаанд ва пайваста аз каломи сеҳрангези Шумо лаззати маънавӣ мебаранд.

Раиси шаҳр Раъно Ҳошимзода ғолиби даври ниҳоии озмуни ҷумҳуриявии "Илм-фурӯғи маърифат"-ро қадрдонӣ намуд

Санаи 01.11.2024 Раиси шаҳри Гулистон Раъно Ҳошимзода ғолиби даври ниҳоии озмуни ҷумҳуриявии "Илм - фурӯғи маърифат" Шамсия Рофиеава, хонандаи синфи 10-и муассисаи таҳсилоти миёнаи умумии №8-и шаҳраки Сирдарёро бо ҳамроҳии омӯзгор ва модараш қадрдонӣ намуд.

Лозим ба зикр аст, ки 30 октябри соли равон дар Театри давлатии академиии опера ва балети ба номи Садриддин Айнӣ маросими тантанавии ҷамъбасти озмуни ҷумҳуриявии «Илм-фурӯғи маърифат» баргузор гардид, ки дар он намояндагони Ҳукумати Ҷумҳурии Тоҷикистон, Дастгоҳи иҷроияи Президенти Ҷумҳурии Тоҷикистон, вазорату кумитаҳо, Академияи миллии илмҳо, муассисаҳои таълимӣ, иштирокчиёни озмун, волидайни хонандагони муассисаҳои таҳсилоти миёнаи умумӣ ва ВАО иштирок намуданд.

Дар оғоз раиси комиссияи озмуни ҷумҳуриявии «Илм-фурӯғи маърифат», муовини Сарвазири Ҷумҳурии Тоҷикистон Дилрабо Мансурӣ суханронӣ намуда таъкид кард, ки озмуни ҷумҳуриявии «Илм-фурӯғи маърифат» соли чорум аст таҳти сарпарастии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади боз ҳам бештар ба омӯзиши илмҳои табиатшиносӣ, дақиқ ва риёзӣ ҷалб кардани наврасону ҷавонон, олимону муҳақиқон ва устодону омӯзгорон баргузор гардида истодааст.