ҶАМЪБАСТӢ МУСОБИҚАИ ШАҲРӢ ОИД БА НАМУДИ ВОЛЕЙБОЛ БАЙНИ БОНУВОНИ ТАШКИЛОТУ МУАССИСАҲО ВА ҶАМОАТИ ШАҲРАКҲОИ ШАҲРИ ГУЛИСТОН

Дар шаҳри Гулистон оид иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст.

Дар ҳамин замина нақшаи чорабиниҳои МИҲД шаҳр, бо тасдиқи Раиси шаҳр ба тавсиб расидааст. Лозим ба ёдоварист, ки масъулин Бахши кор бо ҷавонон ва варзиш ва мураббиён дар ҳамкорӣ бо Бахши кор бо занон ва оила, дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаи 7.12.2024  дар  шаҳри Гулистон, бо ташаббуси Бахши кор бо ҷавонон ва варзиш, Бахши кор бо занон ва оила ва МДМВ шаҳр бахшида ба Рӯзи Парчами давлатӣ ва Рӯзи Президенти Ҷумҳурии Тоҷикистон мусобиқаи шаҳрии волейбол байни бонувони ташкилоту муассисаҳо ва ҷамоати шаҳракҳо баргузор ва ҷамъбаст гардид, ки дар натиҷа ҷойи аввал насиби бонувони Маркази саломатии шаҳр, ҷойи дуюм насиби бонувони МТМУ №14 ва МИҲД шаҳр ва ҷойи сеюм насиби бонувони беморхонаи марказии шаҳр гардид, ки ғолибон бо медал, диплом, сипоснома ва туҳфаҳои хотирави қадрдони гардиданд.

Паёми табрикотӣ аз Раиси шаҳри Гулистон ба муносибати Рўзи геологҳо

Боиси хурсандист, ки ин санаи муҳимро  кормандони соҳаи геология  бо натиҷаҳои назарраси меҳнатӣ истиқбол мегиранд, аз номи Мақомоти иҷроияи ҳокимияти давлатии шаҳри Гулистон кулли кормандон ва собиқадорони соҳаро бо фарорасии иди касбишон табрику таҳният менамоям.

Қобил ба тазаккур аст, ки дар замони муосир пешрафти соҳаҳои иқтисодиро бидуни рушди соҳаи геология тасаввур кардан ғайриимкон аст. Зеро дар истифодаи захираҳои мавҷуда сароғоз кашшофони қаъри замин нақши муассир доранд. Сарзамини мо бо сарватҳои табиӣ шӯҳрат дошт ва мардум онҳоро барои пешрафти кишвар ва беҳдошти зиндагӣ истифода мебурд.

Ҷамъомади тантанавӣ ба муносибати Рӯзи кормандони мақомоти молия

Санаи 07.12.2024 дар толори хурди мақомоти иҷроияи ҳокимияти давлатии шаҳр ба муносибати Рӯзи кормандони мақомоти молия ҷамъомади тантанавӣ баргузор шуд.

Раиси шаҳри Гулистон Раъно ҳошимзода кормандони Раёсати молияи шаҳрро ба муносибати таҷлили Рӯзи кормандони мақомоти молия муборакбод гуфт.

Зикр карда шуд, ки ҳамасола санаи 7-уми декабр Рӯзи кормандони мақомоти молия дар кишварамон таҷлил мегардад.

Бо ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат низоми идоракунии устувори молиявӣ ҷавобгӯ ба талаботи иқтисоди бозорӣ ташкил ва ташаккул ёфтааст.

КОНФЕРЕНСИЯ ТАҲТИ УНВОНИ "ҲИЗБИ ХАЛҚИИ ДЕМОКРАТИИ ТОҶИКИСТОН – ҲИЗБИ ЗОДАИ ДАВРОНИ ИСТИҚЛОЛ" БА МУНОСИБАТИ ҶАШНИ 30-СОЛАГИИ РӮЗИ ТАЪСИСЁБИИ ҲИЗБИ ХАЛҚИИ ДЕМОКРАТИИ ТОҶИКИСТОН

Кумитаи иҷроияи Ҳизби Халқии Демократии Тоҷикистон дар шаҳри Гулистон ба муносибати ҷашни 30- солагии Рӯзи таъсисёбии Ҳизби Халқии Демократии Тоҷикистон дар толори бахши ҳифзи муҳити зисти шаҳр дар доираи ҳафтаи Ҳизби Халқии Демократии Тоҷикистон конференсия таҳти унвони “Ҳизби Халқии Демократии Тоҷикистон - ҳизби зодаи даврони истиқлол” бо иштироки раисони ташкилоти ибтидоии ҲХДТ, фаъолон ва собиқадорони ҳизб, вакилони Маҷлиси вакилони халқи шаҳр баргузор намуд.

Конференсия бо садо додани Суруди миллии Ҷумҳурии Тоҷикистон оғоз гардид. Раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Ҷамолиён Муслимахон Ғайбуллозода зимни суханронӣ зикр намуд, ки Ҳизби Халқии Демократии Тоҷикистон аз ҷавонтарин ҳизбҳои сиёсии кишварамон буда, метавон онро зодаи истиқлол номид. Ҳизби Халқии Демократии Тоҷикистон дар даврони сарнавиштсоз ба фаъолият шурӯъ намуда, аз рӯзҳои аввали таъсисёбӣ барои устувориву пойдории сулҳ ва ободии Ватан кӯшиш ба харҷ дод. Ҳадафи асосиаш низ ваҳдату ягонагӣ, таъмини ояндаи неки кишвар аст. Имрӯз аъзои Ҳизби Халқии Демократии Тоҷикистонро ғояи умумӣ ва вазифаҳои бузурге, ки ҳалли онҳо танҳо ба манфиати ҷомеа аст, мутаҳҳид менамояд.