КОНСТИТУТСИЯ НИШОНАИ МУҲИМИ ДАВЛАТДОРИСТ

Санаи 25.10.2024, дар толори КВД "Экспидитсияи копплекси геологии Қайроққум" бахшида ба 30- юмин солгарди қабули Конститутсияи Ҷумҳурии Тоҷикистон ва эълон гардидани соли 2024 "Соли маърифати ҳуқуқӣ" таҳти унвони "Конститутсия нишонаи муҳими давлатдорист" тибқи нақша МИҲД-и вилояти Суғд ва шаҳри Гулистон бо сокинони Ҷамоати шаҳраки Сирдарё вохурӣ ташкил ва  баргузор карда шуд.

Дар чорабинии мазкур вакили Маҷлиси намояндагони Маҷлиси Олии Ҷумҳурии Тоҷикистон Азиззода Ғайрат, муовини Раиси шаҳри Гулистон Шарифҷони Саидраҳмон ва Аҳлиддин Абдураҳмонов мудири бахши кор бо ҷавонон ва варзиши шаҳри Гулистон иштирок ва суханронӣ намуданд.

Таъкид карда шуд, ки қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст.

Конференсияи илмӣ-адабӣ: "Конститутсия - бахтномаи миллат"

Санаи 25.10.2024 дар толори бахши фарҳанги Ҷамоати шаҳраки Адрасмон тибқи  нақшаи МИҲД-и шаҳри Гулистон ва нақшаи бахши кор бо ҷавонон ва варзиши шаҳр конфернсияи илмӣ-адабӣ ташкил ва  баргузор карда шуд.

Дар чорабинии мазкур, вакили Маҷлиси намояндагони Маҷлиси Олии Ҷумҳурии Тоҷикистон Азиззода Ғайрат, муовини Раиси шаҳри Гулистон Шарифҷони Саидраҳмон, Аҳлиддин Абдураҳмонов мудири бахши кор бо ҷавонон ва варзиши шаҳр ва Баротзода Сарҳад раиси ҷамоати мазкур иштирок ва суханронӣ намуданд.

Таъкид карда шуд, ки қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст.

Ғолибияти оилаи Абдураҳмоноваҳо аз шаҳри Гулистон дар даври вилоятии озмуни ҷумҳуриявии "Хушдомани беҳтарин" ва "Фарзанд - боғи падару модар"

Санаи 25.10.2024  дар кохи "Суғдиён" дар шаҳри Хуҷанд даври вилоятии озмуни ҷумҳуриявии "Хушдомани беҳтарин" ва "Фарзанд - боғи падару модар" баргузор гардид.

Дар озмуни мазкур аз шаҳри Гулистон оилаи Абдураҳмоноваҳо иштирок намуда, соҳиби мақоми сеюм гардиданд.

Абдураҳмонова Саидниссо соҳиби 4 - келину, 1 - домод ,16 - набера мебошанд. Ҳамаи келинҳояшон коркунони соҳаи маориф мебошанд, ба кӯдакон талиму тарбия медиҳанд . Абдураҳмонова Саидниссо дар шаҳри Гулистон аз оилаҳои намунавӣ эътироф гардидааст. Дар ин озмун бо сари баланд бо ҳамроҳи келини дуюуминаш Абдураҳмонова Шаҳноза, ки омӯзгор мебошад иштирок намуда сазовори ҷойи сеюм ва диплом гардид.

Шиносоӣ бо рафти корҳои созандагиву бунёдкорӣ дар Ҷамоати шаҳраки Адрасмон

Санаи 24.10.2024 Раиси шаҳри Гулистон Раъно Ҳошимзода ҷиҳати шиносоӣ бо рафти корҳои созандагиву бунёдкорӣ ба Ҷамоати шаҳраки Адрасмон  ташриф овард. Дар Ҷамоати шаҳраки Адрасмон бахшида ба 35-солагии Истиқлоли давлатии Ҷумҳурии Тоҷикистон 31 адад иншооти ҷашнӣ ба нақша гирифта шуда, то ҳол 25 адади он мавриди баҳрабардорӣ қарор дода шудааст. Иншооти мазкур бо дастгирии мақомоти иҷроияи ҳокимияти давлатии шаҳр ва соҳибкорону саховатмандони шаҳраки Адрасмон бунёд ва таъмиру азнавсозӣ гардидаанд.

Раиси шаҳр Раъно Ҳошимзода зимни сафар ба шаҳрак аз рафти корҳои соҳилмустаҳкамкунӣ ба дарозии 1800 метр, кашидани хати нави интиқоли неруи барқ, хати оби нӯшокӣ ва ҳамчунин оғози корҳои сохтмонии майдончаи варзишӣ ва сохтмони толори варзишӣ дар маркази шаҳраки Адрасмон,  толори варзишӣ дар деҳаи Зарчашма ва майдончаи варзишии замонавӣ дар деҳаи Гулдараи шаҳраки Адрасмон шинос гардид. Иттилоъ дода шуд, ки корҳои сохтмонӣ дар иншооти мазкур оғоз гардида, масъулин ният доранд, ки дар муҳлати муқарраргардида иншоотро сохта мавриди баҳрабардорӣ қарор диҳанд. Раиси шаҳр ба масъулин ҷиҳати бо тарҳи замонавӣ бунёд намудани майдончаҳо ва толорҳои варзишӣ  дастур дод. Бунёди толор ва майдончаҳои варзишӣ аз ҷониби соҳибкорони маҳаллӣ амалӣ гардида истодааст.