БАРГУЗОРИИ ХОНИШИ СИЁСӢ ДОИР БА ПЕШГИРИИ ОМИЛҲОИ НОМАТЛУБ, ҶАЛБИ ҶАВОНОН БА ХИЗМАТИ ҲАРБӢ ВА РИОЯВУ АМАЛӢ НАМУДАНИ ҚОНУНУ СТРАТЕГИЯҲОИ АМАЛКУНАНДА ДАР БАЙНИ ҶАВОНОН

Тибқи нақшаи муштараки Мақомоти иҷроияи ҳокимияти давлатии шаҳри Гулистон оид ба баргузории мулоқоту суҳбатҳо дар партави эълон гардидани соли 2024 “Соли маърифати ҳуқуқӣ”, солгарди Истиқлолияти давлатии Ҷумҳурии Тоҷикисто ҷиҳати баланд бардоштани маърифати ҳуқуқии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими  ҷашну маросим дар Ҷумҳурии Тоҷикистон», «Дар бораи масъулият дар таълиму тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», риояи тартиботи ҷамъиятӣ, ҷалби ҷавонон ба хизмати ҳарбӣ ва тозаву озода нигоҳ доштани маҳаллаҳо санаи 25 сентябри соли 2024 дар МТМУ №2 Ҷамоати шаҳраки Чоруқдаррони шаҳри Гулистон бо ҷалби ҷавонон хониши сиёсӣ доир гардид.

Дар мулоқот муовини Раиси шаҳри Гулистон Оқилзода Ғайрат,  мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, мутахассиси татбиқи забон дар МИҲД шаҳр Фаридуншоҳ Абдуллоев, сармутахассиси шуъбаи маориф Ҳайдаров Алишер ва раиси шаҳраки Чоруқдаррон Наргиса Бердиева  иштирок ва суханронӣ намуданд.

Раиси шаҳр Раъно Ҳошимзода аз рафти фаъолияти истеҳсолии ҶДММ “Ширкати кӯҳӣ-саноатии Тоҷикистону Хитой” дидан намуд

Имрӯз, 24.09.2024 Раиси шаҳри Гулистон Раъно Ҳошимзода аз ҷараёни фаъоляти ҶДММ “Ширкати кӯҳӣ-саноатии Тоҷикистону Хитой” дидан намуд.

Зимни шиносоӣ Раиси шаҳр Раъно Ҳошимзода ба масъулин доир ба дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси вилояти Суғд Раҷаббой Аҳмадзода, ҷиҳати вусъат бахшидани истеҳсоли маҳсулоти саноатӣ ва истифода намудани пурраи имкониятҳо дар ҷараёни фаъолият  таъкид намуд.

Ба масъулин дастур дода шуд, ки ҷиҳати таъмини уҳдадориҳои истеҳсолӣ фаъолияти мунтазам намуда, бо мақсади таъмини нақшаи фаъолият дар давраҳои ҳисоботӣ тадбирҳои зарурӣ андешанд.

Соҳибқирони шоирон устоди Рӯдакист!

Санаи 23.09.2024 ба ифтихори 1166-солагии Сардафтари адабиёти классикии тоҷику форс Абуабдуллоҳ Рӯдакӣ дар назди нипайкараи Рӯдакӣ воқеъ дар назди бинои бахши фарҳанги шаҳр маҳфили илмӣ адабӣ баргузор карда шуд.

Дар маҳфили илмӣ-адабӣ намояндагони Мақомоти иҷроияи ҳокимияти давлатии шаҳр, КИ ҲХДТ дар шаҳр, кормандони бахши фарҳанги шаҳр ва хонандагону омӯзгорони муассисаҳои таълимӣ ва коллеҷи тиббии шаҳр иштирок намуданд.

Нахуст, директори китобхонаи системаи марказонидашудаи шаҳр Биомина Мирзоева ҳамагонро ба маҳфили илмӣ-адабӣ хушомадед гуфт.

Аҳлиддин Абдураҳмонов мудири бахши кор бо ҷавонон ва варзиши шаҳр табрикоти Раиси шаҳри Гулистон Раъно Ҳошимзодаро ба ифтихори Рӯзи Рӯдакӣ манзури иштирокчиён намуда, зимнан доир ба зиндагинома, ҷойгоҳи адабии шоир ва мазмуну муҳтавои ашъори шоир суханронӣ намуд.

Ёрӣ расонидан барои саривақт ҷамъоварии пахта

Пахта яке аз муҳимтарин ва қадимтарин растании нахдору равғандиҳандаи техникӣ ба ҳисоб рафта ба қатори дастовард ва  боигариҳои Тоҷикистон ворид карда шудааст.

Кишоварзони пахтакори вилояти Суғд  тибқи дурнамо тасмим гирифтаанд, ки нисбат ба давраи соли гузашта  имсол низ натиҷаи дилхоҳ бадаст оваранд.

Гуфта мешавад, ки ҳамарӯза  қариб 55 ҳазор пахтачину ҳашарчиён ба майдони пахтазор  баромада, барои ғунучини саривақтӣ ба пахтакорон кӯмак мерасонанд.

Имрӯз 21.09.2024 барои ёрӣ расонидан ба дастранҷи меҳнати кишоварзон, кормандони Мақомоти иҷроияи ҳокимияти давлатии шаҳри Гулистон якҷо бо кормандони корхонаву ташкилотҳо, муассисаҳо ва ҷамоати шаҳракҳо ҷиҳати расонидани кумак барои саривақт ҷамъоварии ҳосили  хоҷагии деҳқонии “Абдураҳим Ҷумаев”-и ноҳияи Бобоҷон Ғафуров сафарбар карда шуданд.