КАРИМӢ ДИЛРАБО ҒОЛИБИ ОЗМУНИ ҶУМҲУРИЯВИИ “БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН”

14-уми ноябри соли ҷорӣ дар толори маҷлисгоҳи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо иштироки муовини Сарвазири Ҷумҳурии Тоҷикистон Дилрабо Мансурӣ маросими тантанавии ҷамъбасти озмуни ҷумҳуриявии “Беҳтарин хизматчии давлатӣ аз ҳисоби занон” баргузор гардид.

Дар даври ниҳоии озмуни ҷумҳуриявии “Беҳтарин хизматчии давлатӣ аз ҳисоби занон” мудири шуъбаи маорифи шаҳри Гулистон Дилрабо Каримӣ сазовори мақоми аввал гардид.

Озмуни ҷумҳуриявии “Беҳтарин хизматчии давлатӣ аз ҳисоби занон” бо мақсади иҷрои дастуру супоришҳои Пешвои миллат муҳтарам Эмомалӣ Раҳмон оид ба фаъолгардонии нақши занон дар ҷомеа, таъмини иштироки занон дар идоракунии давлатӣ ва амалигардонии “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030”, ки бо қарори Ҳукумати Ҷумҳурии Тоҷикистон тасдиқ гардидааст, дар байни занону духтароне, ки дар соҳаи хизмати давлатӣ фаъолият менамоянд, баргузор мегардад.

Баргузории конфренсияи илмӣ-амалӣ дар мавзуҳои Нақши Пешвои миллат дар татбиқи сиёсати давлатии ҷавонон ва варзиш ва Нақши Иҷлосияи 16-уми Шӯрои Олӣ дар рушди минбаъдаи давлатдории миллӣ

Имрўз 13.11.2024,  дар толори ҶМТК "Апреловка" дар Ҷамоати шаҳраки Консойи шаҳри Гулистон  доир ба сазовор таҷлил намудани ҷашни бузурги миллӣ 32-солагии баргузории Иҷлосияи 16-уми Шӯрои Олӣ ва Рӯзӣ Президенти  Ҷумҳурии Тоҷикистон ва дар асоси нақшаи кории МИҲД шаҳр ва бахши кор бо ҷавон ва варзиши шаҳри Гулистон дар мавзуҳои  “Нақши Пешвои миллат дар татбиқи сиёсати давлатии ҷавонон ва варзиш”  ва “Нақши Иҷлосияи 16-уми Шӯрои Олӣ дар рушди минбаъдаи давлатдории миллӣ” конференсия баргузор гардид.

Дар конфренсияи мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва Муҳаббатов Амир раиси Ҷамоати шаҳраки Консой иштирок ва суханронӣ намуданд.

Зикр карда шуд, ки Иҷлосияи XVI Шӯрои Олии Ҷумҳурии Тоҷикистон барои таҳкими ҳокимияти давлатӣ, ташаккули истиқлолияти миллӣ таъйин намудани самти ҷараёни инкишофи ҷомеа дар солҳои баъдӣ ва пайгирӣ намудан аз принсипҳои талаботи бунёди ҷомеаи демократӣ, дунявӣ ва ҳуқуқбунёду ягона асос ва заминаи воқеӣ ба вуҷуд овард.

ҶАМЪБАСТӢ МУСОБИҚАИ ШАҲРӢ ОИД БА НАМУДИ ФУТБОЛ БАЙНИ НАВРАСОНУ ҶАВОНОН, ДАР ҶАМОАТИ ШАҲРАКИ СИРДАРЁИ ШАҲРИ ГУЛИСТОН БАХШИДА БА РӮЗӢ ПРЕЗИДЕНТИ ҶУМҲУРИИ ТОҶИКИСТОН

Дар шаҳри Гулистон оид иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст. Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулин Бахши кор бо ҷавонон ва варзиш ва мураббиён дар ҳамкорӣ бо дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаҳои 10.11.2024 ва 12.11.2024 дар Ҷамоати шаҳраки Сирдарёи шаҳри Гулистон, бахшида ба Рӯзӣ Президенти Ҷумҳурии Тоҷикистон мусобиқаи шаҳрии футбол байни ҷавонон баргузор ва ҷамъбаст гардид.

Иҷлосияи XVI Шӯрои Олӣ – анҷумани саодати халқ!

Санаи 12.11.2024 дар толори маркази саломатии маркази шаҳр тибқи нақшаи бахши кор бо ҷавонон ва варзиши шаҳр доир ба мавзуи муҳими таърихиву сиёсӣ, доир ба солгарди Иҷлосияи 16-уми Шӯрои Олии Ҷумҳурии Тоҷикистон бо иштироки кормандони маркази саломатии маркази шаҳр вохӯрӣ баргузор карда шуд.

Дар вохӯрии мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов иштирок ва суханронӣ намуд.

Таъкид гардид, ки Иҷлосияи XVI Шӯрои Олии  Ҷумҳурии Тоҷикистон барои таҳкими ҳокимияти давлатӣ, ташаккули истиқлолияти миллӣ таъйин намудани самти  ҷараёни инкишофи  ҷомеа дар солҳои баъдӣ ва пайгирӣ намудан аз принсипҳои талаботи бунёди  ҷомеаи демократӣ, дунявӣ ва ҳуқуқбунёду ягона асос ва заминаи воқеӣ ба вуҷуд овард.