Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон менамояд

Воҳидҳои сохтории мақомоти иҷроияи ҳокимияти давлатии шаҳр:

1. Мудири бахши дин танзими анъана ва ҷашну маросими мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 2100,45 сомонӣ; (хусусияти дуҷониба)

2. Мудири бахши меъморӣ ва шаҳрсозии мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 2100,45 сомонӣ; (хусусияти дуҷониба)

3. Мутахассиси пешбари бахши дин танзими анъана ва ҷашну маросими мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 1554,40 сомонӣ;

4. Мутахассиси пешбари бахши кор бо занон ва оилаи мақомоти иҷроияи ҳокимияти давлатии шаҳр 1- ҷой маоши мансабӣ - 1554,40 сомонӣ;

ҶАМЪБАСТИ МУСОБИҚАИ ФУТБОЛ БАЙНИ ДЕҲА ВА МАҲАЛЛАҲОИ ШАҲРУ НОҲИЯҲОИ ВИЛОЯТИ СУҒД

Санаи 3 декабри соли 2024 дар варзишгоҳи "Спартак"- и шаҳри Хуҷанд даври ниҳоии мусобиқаи варзишӣ оид ба футбол байни деҳаҳо ва маҳаллаҳои аҳолинишини шаҳру ноҳияҳои вилояти Суғд , ки зери лоиҳаи "Барномаи махсуси  Президенти Федератсияи футболи Тоҷикистон дар бораи рушди футбол дар деҳоти Ҷумҳурии Тоҷикистон барои солҳои 2021-2024" равона гардидааст  доир гардид.

Бояд ёдовар шуд, ки дар мусобиқаи мазкур 8 даста аз шаҳру ноҳияҳои вилоят роҳхат ёфта бо ҳам сабқат намуданд ва беҳтаринҳо ба давраи ниҳоии мусобиқа роҳ ёфтанд.

Дар даври ниҳоии мусобиқаи мазкур дастаҳои "Гулшан"- и ноҳияи Ашт ва "Адрасмон"-и шаҳри Гулистон байни ҳам сабқат намуда, дастаи "Гулшан"- и ноҳияи Ашт бо ҳисоби 4:2 пирӯз омада ғолиби мусобиқа гардиданд, футболбозони "Шаршара"-и шаҳри Хуҷанд мақоми сеюмро аз худ намуданд.

Мулоқоти судманд доир ба эълон гардидани соли 2024 "Соли маърифати ҳуқуқӣ"

Санаи 27-уми ноябри соли ҷорӣ дар Ҷамоати шаҳраки Консой тибқи нақшаи кории Суди шаҳри Гулистон бо сокинони шаҳрак вохӯрӣ баргузор карда шуд.

Дар вохӯрии мазкур  Судяи суди шаҳри Гулистон Раҷабзода Сорбон, корманди суди шаҳри Гулистон Бобозода Муҳаммад ва котиби маҷлиси суди шаҳри Гулистон Комилзода Шоҳрух иштирок ва суханронӣ намуданд.

Зикр карда шуд, ки дар Паёми навбатии худ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикитсон муҳтарам Эмомалӣ Раҳмон ба Маҷлиси Олии кишвар пешниҳод намуданд, ки ба ифтихори 30-солагии қабули Конститутсияи Ҷумҳурии Тоҷикистон соли 2024 «Соли маърифати ҳуқуқӣ» эълон карда шавад. Вобаста ба ин Фармони Президенти Ҷумҳурии Тоҷикистон аз 30-юми декабри соли 2023, №668 Дар бораи “Соли маърифати ҳуқуқӣ” эълон намудани соли 2024 ба тасвиб расид.

ҚАДРДОНИИ АФСАРОН ВА ҶАМЪБАСТӢ МУСОБИҚАИ ВАРЗИШИИ ФУТБОЛ БАЙНИ САРБОЗОН, ДАР ҚИСМИ ҲАРБИИ 45025 КҲФ МГ НАЗДИ ҲУКУМАТИ ҶУМҲУРИИ ТОҶИКИСТОН ДАР ВИЛОЯТИ СУҒД БАХШИДА БА РӮЗӢ ПАРЧАМИ ДАВЛАТИИ ҶУМҲУРИИ ТОҶИКИСТОН

Дар шаҳри Гулистон оид иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст. Дар ҳамин замина нақшаи чорабиниҳои муштараки  бахши кор бо ҷавонон ва варзиши шаҳри Гулистон бо қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд ба тавсиб расидааст.

Лозим ба ёдоварист, ки масъулин Бахши кор бо ҷавонон ва варзиш ва мураббиён дар ҳамкорӣ бо дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаҳои 24.11.2024 ва 25.11.2024, дар  доираи "Барномаи ватандӯстӣ, эҳсоси масъулияти шаҳрвандӣ ва таҳкими ҳувияти миллии ҷавонони Тоҷикистон дар шаҳри Гулистон барои солҳои 2023-2027", дар қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти суғд  бахшида ба Рӯзи Парчами давлатии  Ҷумҳурии Тоҷикистон мусобиқаи  футбол байни сарбозон баргузор ва ҷамъбаст гардид.