БАРГУЗОРИИ ҶАЛАСАИ КОРӢ БО ФАЪОЛОН

Санаи 07.06.2024 дар толори хурди мақомоти иҷроияи ҳокимияти давлатии шаҳр ҷаласаи корӣ бо фаъолони шаҳр баргузор гардид.

Дар ҷаласаи корӣ роҳбари гурӯҳи кории ҷумҳуриявӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва Раиси шаҳри Гулистон Раъно Ҳошимзода иштирок намуданд.

Ҳамчунин, дар ҷаласаи корӣ муовини якуми Раиси шаҳр, муовини Раиси шаҳр, роҳбари дастгоҳи Раиси шаҳр, роҳбарони воҳидҳои сохторӣ, мудирони шуъбаву бахшҳо, раисони ҷамоати шаҳракҳо ва роҳбарони корхонаву муассисаҳо иштирок доштанд.

Нахуст, роҳбари гурӯҳи корӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода аз натиҷаи фаъолият доир ба иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар Маҷлиси Ҳукумати Ҷумҳурии Тоҷикистон аз 31-уми майи соли 2024 баён доштанд суханронӣ намуд.

Ҷамъбасти мусобиқаи шаҳрии футбол байни кормандони ташкилоту муассисаҳо ва ҷамоати шаҳракҳо, барои дарёфти Ҷоми Раиси шаҳри Гулистон бахшида ба Рӯзи ҷавонони Тоҷикистон ва Рӯзи умумиҷаҳонии футбол

Санаи 07.06. 2024, дар варзишгоҳи маркази шаҳр даври ниҳоии мусобиқаи  шаҳрии футбол байни кормандони ташкилоту муассисаҳо ва ҷамоати шаҳракҳо барои дарёфти Ҷоми Раиси шаҳри Гулистон  бахшида ба Рӯзи ҷавонони Тоҷикистон ва Рӯзи умумиҷаҳонии футбол, баргузор гардид. Дар  даври  ниҳоии мусобиқаи мазкур кормандони шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд, соҳаи тандурустӣ, ҷамоати шаҳраки Адрасмон ва коллеҷи тиббӣ  байни ҳам рақобат намуданд.

Дар натиҷа шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд сазовори ҷойи якум, коллеҷи тиббӣ сазовори ҷойи дуюм ва дастаҳои ҷамоати шаҳраки Адрасмон ва соҳаи тандурӯстӣ сазовори ҷойи сеюм гардиданд.

Ғолибонро Раиси шаҳри Гулистон Раъно Ҳошимзода табрик намуда, ҷиҳати боз ҳам бештар ба роҳ мондани чунин мусобиқаҳо ва ҷалби сокинон ба варзиш таъкид намуд.

ШИНОСОӢ БО РАФТИ ФАЪОЛИЯТ, БУНЁД ВА ТАҶДИДУ АЗНАВСОЗИИ ИНШООТИ ҶАШНӢ

Санаи 07.06.2024 ҷиҳати иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар Маҷлиси Ҳукумати Ҷумҳурии Тоҷикистон аз 31-уми майи соли 2024 баён доштанд роҳбари гурӯҳи кории ҷумҳуриявӣ ба муносибати таҷлили Ҷашни 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва Раиси шаҳри Гулистон Раъно Ҳошимзода аз ҷараёни бунёд ва таъмиру азнавсозии як қатор иншооти ҷашнӣ ба истиқболи таҷлили 35-солагии Истиқлоли Ҷумҳурии Тоҷикистон дидан намуданд.

Нахуст аз ҷараёни бунёди осоишгоҳ аз ҷониби соҳибкор Турсуной Зокирова, маркази хизматрасонӣ, обутобгоҳ дар соҳили "Баҳри тоҷик", ҷараёни таҷдиди НБО "Қайроққум", фаъолияти коргоҳҳои дӯзандагӣ ва пойафзолбарории ҶДММ "Маҳина", коргоҳи дӯзандагии "Ясмина", сохтмони бинои истиқоматии ҳафтошёна, сохтмони коргоҳи истеҳсолӣ дар ҶДММ "Тиглат", ҶДММ "Маҳмуд и Ко", сохтмони маркази саломатии шаҳраки Сирдарё, майдончаи варзишӣ, маркази хизматрасонӣ ва таъмиру таҷдиди хонаи маданияти шаҳраки Консой, таъмиру таҷдиди беморхонаи шаҳрак ва дигар иншоот дар шаҳрак шинос шуданд.

ТАВАҶҶУҲ БА БАЛАНД БАРДОШТАНИ МАЪРИФАТИ ҲУҚУҚӢ

Санаи 06.06.2024 дар толори КИ ҲХДТ дар шаҳр тибқи нақшаи кории Суди конститутсионии Ҷумҳурии Тоҷикистон бахшида ба 30-солаги қабули Конститутсияи Ҷумҳурии Тоҷикистон ва эълон гардидани соли 2024 "Соли маърифати ҳуқуқӣ" бо сокинони шаҳр вохӯрӣ баргузор карда шуд.

Дар вохӯрии мазкур муовини якуми Раиси шаҳр Даврон Муҳаммадзода, судяи Суди конститутсионӣ Идрисзода Балаҷон, ёрдамчии Раиси Суди конститутсионӣ Равшанзода Ҷовид  ва раиси КИ ҲХДТ дар шаҳр Ҷамолиён Муслимахон иштирок ва суханронӣ намуданд.

Зикр карда шуд, ки дар Паёми навбатии худ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикитсон муҳтарам Эмомалӣ Раҳмон ба Маҷлиси Олии кишвар пешниҳод намуданд, ки ба ифтихори 30-солагии қабули Конститутсияи Ҷумҳурии Тоҷикистон соли 2024 «Соли маърифати ҳуқуқӣ» эълон карда шавад. Вобаста ба ин Фармони Президенти Ҷумҳурии Тоҷикистон аз 30-юми декабри соли 2023 таҳти №668 Дар бораи “Соли маърифати ҳуқуқӣ” эълон намудани соли 2024 ба тасвиб расид.