Раиси шаҳр Раъно Ҳошимзода аз рафти фаъолияти истеҳсолии ҶДММ “Ширкати кӯҳӣ-саноатии Тоҷикистону Хитой” дидан намуд

Имрӯз, 14.05.2024 Раиси шаҳри Гулистон Раъно Ҳошимзода аз ҷараёи фаъоляти ҶДММ “Ширкати кӯҳӣ-саноатии Тоҷикистону Хитой” боздид намуд.

Дар аснои боздид Раиси шаҳр Раъно Ҳошимзода ба масъулин доир ба дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси вилояти Суғд Раҷаббой Аҳмадзода, ҷиҳати вусъат бахшидани истеҳсоли маҳсулоти саноатӣ ва истифода намудани пурраи имкониятҳо дар ҷараёни фаъолият  таъкид намуд.

Ба масъулин дастур дода шуд, ки ҷиҳати таъмини уҳдадориҳои истеҳсолӣ фаъолияти мунтазам намуда, бо мақсади таъмини нақшаи фаъолият дар давраҳои ҳисоботӣ тадбирҳои зарурӣ андешанд.

ТАҶЛИЛИ РӮЗИ ОИЛА ДАР ШАҲРАКИ Адрасмон

Дар толори қасри фарҳанги шаҳраки Адрасмони шаҳр чорабинии тантанавӣ бахшида ба Рӯзи оила  баргузор гардид.

Дар чорабинии мазкур мудири бахши кор бо занон ва оилаи МИҲД-и шаҳр Матлуба Сатторова, мудири бахши кор бо ҷавонон ва варзиши шаҳр Аҳлиддин Абдураҳмонов, мутахассиси татбиқи забон дар МИҲД-и шаҳр Фаридуншоҳ Абдуллоев, мутахассиси бахши кор бо ҷавонон ва варзиши шаҳр Замира Исматзода ва раиси Ҷамоати шаҳраки Адрасмон Сарҳад Баротзода иштирок намуданд.

Мудири бахши кор бо занон ва оилаи мақомоти иҷроияи ҳокимияти давлатии шаҳр Матлуба Сатторова номаи табрикотии Раиси шаҳри Гулистон Раъно Ҳошимзодаро ба самъи иштирокдорон расонид. Зикр карда шуд, ки оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки: "Масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила аз ҷумлаи проблемаҳое мебошанд, ки диққати доимии тамоми мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад".

БАРГУЗОРИИ ОЗМУНИ СТИПЕНДИЯИ РАИСИ ШАҲРИ ГУЛИСТОН

Дар доираи моҳвораи ҷавонон баҳри дастгирии хонандагону ҷавонони болаёқат ва ҳавасманд гардонидани онҳо қарори Раиси шаҳри Гулистон доир ба баргузории озмуни Стипендияи Раиси шаҳри Гулистон барои соли хониши 2023-2024 аз 23.04.2024, №118 ба тасвиб расидааст.

Бо ин мақсад санаи 11.05.2024, дар толори муассисаи таҳсилоти миёнаи умумии №1-и маркази шаҳр озмуни Стипендияи Раиси шаҳри Гулистон барои соли хониши 2023-2024 миёни хонандагони синфҳои  8, 9 ва 10 -и муассисаҳои таълимии шаҳр баргузор гардид. Озмунро мудири бахши кор бо ҷавонон ва варзиши шаҳр Аҳлиддин Абдураҳмонов ҳусни ифтитоҳ бахшид. Хонандагон аз фанҳои забони давлатӣ, забони англисӣ, забони русӣ, математика ва технологияи иттилоотӣ тест супорида, аз фанҳои забони давлатӣ ва забони русӣ низ диктант навиштанд. Пас аз баҳогузории ҳайати ҳакамони озмун ғолибон муайян гардиданд.

Аз теъдоди умумии довталабон 35 нафари онҳо соҳиби Стипендияи Раиси шаҳр гардиданд. Ғолибон дар доираи баргузории чорабиниҳои  моҳвораи ҷавонон бо шаҳодатномаи Стипендияи Раиси шаҳр ва маблағҳои пулии муқарраргардида сарфароз гардонида мешаванд.

ҲЕҶ КАС ВА ҲЕҶ ЧИЗ ФАРОМӮШ НАМЕШАВАД! Маросими ёдбуди шаҳидони Ҷанги Бузурги Ватании солҳои 1941-1945

Субҳи имрӯз, 09.05.2024 дар Муассисаи давлатии Боғи фарҳангӣ-фароғатии ба номи  “Темурмалик” дар пояи муҷассамаи “Ёдбуд” ба ифтихори 79-солагии Рӯзи Ғалаба дар Ҷанги Бузурги Ватании солҳои 1941-1945 маросими ёдбуд  бо иштироки Раиси шаҳри Гулистон Раъно Ҳошимзода ва намояндаи Мақомоти иҷроияи ҳокимияти давлатии вилояти Суғд, сардори Раёсати кор бо занон ва оилаи Мақомоти иҷроияи ҳокимияти давлатии вилояти Суғд Хуршеда Хоҷазода, собиқадорони ҷангу меҳнат, ҷанговарони байналмилал, муҳофизони сохти конститутсионӣ, чернобелчиён, сокинони маркази шаҳр, намояндагони ҷамоати шаҳракҳо ва корхонаву муассисаҳо баргузор карда шуд.

Раиси шаҳри Гулистон Раъно Ҳошимзода ва намояндаи Мақомоти иҷроияи ҳокимияти давлатии вилояти Суғд, сардори Раёсати кор бо занон ва оилаи Мақомоти иҷроияи ҳокимияти давлатии вилояти Суғд Хуршеда Хоҷазода дар пояи муҷассамаи “Ёдбуд” гулчанбар гузоштанд.

Сипас, намояндагони ҷамоати шаҳракҳо, корхонаву муассисаҳо ва дигар сохторҳои мақомоти иҷроияи ҳокимияти давлатии шаҳр низ дар дар пояи муҷассамаи “Ёдбуд” гулчанбар гузоштанд.