Мулоқот бо ширкатҳои федератсияи Россия дар ҳошияи ярмаркаи "Савдо Суғд" - 2024

Дар мақомоти иҷроияи ҳокимияти давлатии шаҳр мулоқоти Раиси шаҳри Гулистон Раъно Ҳошимзода бо роҳбарони ташкилотҳои бонуфуз аз Федератсияи Россия,  Глушенко Максим Игоревич директори МСК ГРУПП

Мусаев Беслани Гурамович ва Роман Казашенко намояндаи ташкилоти NETVISION баргузор гардид.

Дар вохӯрӣ ҷонибҳо доир ба насби видеокамераҳои мушоҳидавӣ ва роҳандозии лоиҳаи шаҳри бехатар дар шаҳри Гулистон мубодилаи афкор намуданд.

ҚАДРДОНИИ ҒОЛИБОНИ ОЗМУНИ “БЕҲТАРИН ХИЗМАТЧИИ ДАВЛАТӢ” АЗ ҲИСОБИ ЗАНОН

Ҷиҳати иҷрои барқияи Мақомоти иҷроияи ҳокимияти давлатии вилояти Суғд аз 28 майи соли 2024, №282-5/5тф оид ба иҷрои қарори Ҳукумати Ҷумҳурии Тоҷикистон аз 27 апрели соли 2022, №204 “Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030” даври шаҳрии озмуни ҷумҳуриявии “Беҳтарин хизматчии давлатӣ” аз ҳисоби занон тибқи Низомнома ташкил ва баргузор гардида буд.

Дар даври шаҳрии озмуни ҷумҳуриявии “Беҳтарин хизматчии давлатӣ” аз ҳисоби занон 12 нафар тибқи Низомнома аз рӯйи се зинаи синнусоли хизмати давлатӣ миёни ҳам рақобат намуда, дар натиҷаи баҳогузории ҳайати ҳакамони озмун ғолибон муайян гардида ба даври вилоятӣ роҳ ёфтанд.

Тозаву озода намудани муҳити зист - мароми мост!

Имрӯз, 15.06.2024 дар маркази шаҳр, ҷамоати шаҳракҳо аз ҷониби кормандони Корхонаи воҳиди давлатии хоҷагии манзилию коммуналии шаҳр ва кормандони ташкилоту муассисаҳо корҳои ободонӣ аз қабили тоза намудани гирду атрофи корхонаву муассисаҳо, шафати роҳҳо, оромгоҳ ва гирду атрофи онҳо аз алафҳои хушк ба муносибати иди Қурбон ба роҳ монда шуд.

Дар арафи иди Қурбон баргузор намудани корҳои ободонӣ дар мавзеъҳои ҷамъиятӣ,  оромгоҳҳо амрест хайр.

Масъулин, ҷиҳати тозаву озода нигоҳ доштани муҳити зист мунтазам тадбирҳои зарурӣ меандешанд.

АЁДАТИ ШАХСОНИ НИЁЗМАНД ВА ДОРОИ ИМКОНИЯТИ МАҲДУД

Раиси шаҳри Гулистон Раъно Ҳошимзода ба муносибати иди саиди Қурбон кӯдакони ятим ва шахсони дорои имконияти маҳдуди ҷисмонӣ доштаро аёдат намуд. Ба кӯдакони ятим ва шахсони дорои имконияти маҳдуд кумаки моддӣ дар намуди маводи ғизоии ниёзи аввал расонида шуд.

Лозим ба зикр аст, ки иди саиди Қурбон аз ҷумлаи арзишҳои муқаддаси суннатии мардуми мусулмони мо буда, одамонро ба корҳои хайру саховат ва амалҳои нек ҳидоят менамояд. Ҷавҳари асосии Иди Қурбонро талқини арзишҳои инсонӣ, поси хотири гузаштагон, аёдати пайвандону хешу таборон ва хайру эҳсон ба ятимону маъюбон, дармондагону ниёзмандон ташкил медиҳанд.

Мақомоти иҷроияи ҳокимияти давлатии шаҳр дар ҳамаи иду айём шазсони ниёзманд, собиқадорони меҳнат ва шахсони куҳансолу барҷоймондаро аёдат менамояд.