Сафари кории Президенти Ҷумҳурии Тоҷикистон Эмомалӣ Раҳмон дар вилояти Суғд оғоз гардид

9 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади мулоқот бо сокинон, иштирок дар тантанаҳои ҷашни Наврӯз, шиносоӣ бо вазъи иҷтимоию иқтисодӣ, ҷараёни корҳои кишоварзии баҳорӣ, нақшаю тадбирҳои бунёдкорию созандагӣ ва ифтитоҳи иншооти соҳаҳои гуногун ба истиқболи ҷашни бузурги миллии 35-солагии Истиқлолияти давлатии Ҷумҳурии Тоҷикистон ба вилояти Суғд ташриф оварданд.

Дар фурудгоҳи байналмилалии Хуҷанд Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро раиси вилояти Суғд Раҷаббой Аҳмадзода ва дигар масъулони расмӣ истиқбол гирифтанд.

МУЛОҚОТ БО СОКИНОН ВОБАСТА БА СОЛИ 2024 ЭЪЛОН ГАРДИДАНИ “СОЛИ МАЪРИФАТИ ҲУҚУҚӢ”

Дар толори муассисаи таҳсилоти миёнаи умумии рақами 8-и шаҳраки Сирдарё бо сокинон доир ба эълон гардидани соли 2024 “Соли маърифати ҳуқкуқӣ", фаҳмонидани моҳияти Қонунҳои Ҷумҳурии Тоҷикистон “Дар бораи тарбияи ватандӯстии шаҳрвандон”, Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, вохӯрӣ баргузор гардид.

Дар вохӯрии мазкур муовини Раиси шаҳр Шарифҷони Саидраҳмон, мудири бахши кор бо дин, танзими анъана ва ҷашну маросими шаҳр Тоҷиддинов Аҳлиддин, раиси КИ ҲХДТ дар шаҳр Ҷамолиён Муслимахон ва намояндаи ШВКД Ҷумҳурии Тоҷикистон дар шаҳр иштирок ва суханронӣ намуданд.

Зикр карда шуд, ки санаи 28-уми декабри соли 2023 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон Паёми навбатӣ ироа гардид. Дар Паёми  навбатӣ роҳи минбаъдаи рушди мамлакат, барномаи фаъолияти Ҳукумати кишвар, мақомоти иҷроияи марказӣ ва маҳаллии ҳокимияти иҷроия ба таври возеҳу равшан баён гардид.

Баргузории ҳамоиши илмӣ-маърифатӣ: Таваҷҷуҳ ба баланд бардоштани тарбияи ватандӯстӣ, маърифати ҳуқуқӣ, худшиносиву худогоҳии миллӣ ва зиракии сиёсии ҷавонон – василаи пешрафт ва пешгирии ҳамагуна омилҳои номатлуб дар ҷомеа!

Имрӯз, 08.04.2024 дар толори Кохи фарҳангии “Истиқлол”-и маркази шаҳр тибқи нақшаи кории бахши кор бо ҷавонон ва варзиши шаҳр таҳти унвони “Таваҷҷуҳ ба баланд бардоштани тарбияи ватандӯстӣ, маърифати ҳуқуқӣ, худшиносиву худогоҳии миллӣ ва зиракии сиёсии ҷавонон – василаи пешрафт ва пешгирии ҳамагуна омилҳои номатлуб дар ҷомеа!”  бо иштироки ҷавонони муассисаи ғайридавлатии коллеҷи тиббии шаҳр ва муассисаҳои таҳсилоти миёнаи умумии маркази шаҳр ҳамоиши илмӣ баргузор карда шуд.

Ҳамоиш бо садо додани Суруди миллӣ оғоз гардид.

Дар кори ҳамоиш Аҳлиддин Абдураҳмонов мудири бахши кор бо ҷавонон ва варзиши шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокимияти давлатии шаҳр Исмоил Саидов омӯзгори муассисаи таҳсилоти миёнаи умумии №14-и маркази шаҳр,  Комилҷон Аслонон муовини директори муассисаи ғайридавлатии коллеҷи тиббии шаҳр ва Ҳасанбой Раҷабзода муовини директор оид ба корҳои тарбиявии МТМУ №14-и маркази шаҳр иштирок намуданд.

БАРГУЗОРИИ МУЛОҚОТИ РАИСИ ШАҲР РАЪНО ҲОШИМЗОДА БО ДОНИШҶӮЁНИ ГУЛИСТОНИИ МУАССИСАҲОИ ТАҲСИЛОТИ ОЛӢ ВА МИЁНАИ КАСБИИ МАРКАЗИ ВИЛОЯТИ СУҒД

Санаи 05 апрели соли 2024 вохӯрии Раиси шаҳри Гулистон Раъно Ҳошимзода бо донишҷӯёни шуъбаҳои рӯзонаи муассисаҳои таҳсилоти олӣ ва миёнаи касбии маркази вилоят дар МД “Қасри ҷавонон ба номи Лоиқ Шералӣ” баргузор карда шуд. Намояндаи Мақомоти иҷроияи ҳокимияти давлатии вилояти Суғд, мудири шуъбаи рушди иҷтимоӣ ва робит або ҷомеаи дастгоҳи Раиси вилоят Тоҷибой Султлнзода вохӯриро ҳусни оғоз бахшид.

Раиси шаҳр Раъно Ҳошимзода дар назди донишҷӯён суханронӣ намуда, зикр дошт, ки дар партави сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷумҳурии Тоҷикистон ҷиҳати дастгирии сиёсати давлатии ҷавонон - қишри созандаи ҷомеа таваҷҷуҳи хоса зоҳир гардида, дар ин самт як қатр корҳои назаррас ба сомон расонида шуда, барои ташаккули ҳамаҷонибаи онҳо ҳамаи шароити заруриро фароҳам оварда шудааст. Ҷавонон, неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастанд.