Аз ФАЪОЛИЯТИ СОҲАИ ФАРҲАНГИ ШАҲР НАТИҶАГИРӢ КАРДА ШУД

Дар бахши фарҳанги шаҳр санаи 27.01.2026 бо мақсади натиҷагирии фаъолияти соҳаи фарҳанги ҷаласаи ҷамъбастии соҳа дар соли 2025 ва вазифагузориҳо барои фаъолияти минбаъда баргузор гардид.

Дар кори ҷаласа муовини Раиси шаҳр Муслимахон Ҷамолиён ва мудири бахши фарҳанги шаҳр Дилноза Каримова иштирок намуданд.

Нахуст мудири бахши фарҳанги шаҳр доир ба фаъолияти соҳа дар соли 2025 гузориш дод. Зикр карда шуд, ки дар шаҳр 29 муассисаи фарҳангӣ ба мардум хизмат мерасонад.

Аҳлиддин Абдураҳмонов мудири бахши кор бо ҷавонон ва варзиши МИҲД-и шаҳр бо медали "Барои шуҷоат ва ҷавонмардӣ" сарфароз ва Барандаи гранти ҳукуматӣ дар дар самти кор бо ҷавонон дар соли 2025 гардид

Имрӯз, 27.01.2026 бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон маросими ҷоизасупории соҳаи кор бо ҷавонон дар соли 2025 баргузор гардид.

Дар маросими ҷоизасупорӣ муовини Сарвазири Ҷумҳурии Тоҷикистон Дилрабо Мансурӣ ва Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода иштирок намуда, ба ғолибон ҷоизаҳоро супориданд.

Мақсад аз баргузории чорабинии мазкур қадршиносии хизматҳои шоиста ва ҷавонмардии ҷавонон дар назди ҷомеа ва давлат, ҷасорату фидокорӣ дар вазъияти ҷангӣ, ҳолатҳли таҳдидкунанда ба амнияти миллату давлат ва адои қарзи ҳарбӣ, хизматию шаҳрвандӣ барои дастгирӣ, ҳавасмандгардонӣ, тарбияи ватандустӣ ва таҳкими ҳуввияти миллии ҷавонон мебошад.

МАКТАБ БА МАКТАБ: ДАЪВАТИ АҲОЛӢ БА ОБОДОНИВУ СОЗАНДАГӢ ВА ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ!

Имрӯз 27.01.2026 баҳри тақвияти корҳои мунтазами таблиғотӣ дар самти рушди иҷтимоӣ ва робита бо ҷомеа, тибқи нақшаи муштараки чорабинҳои Мақомоти иҷроияи ҳокимияти давлатии шаҳри Гулистон бо усули "мактаб ба мактаб" бо иштироки муовини Раиси шаҳр Муслимахон Ҷамолиён, мудири бахши занон ва оилаи МИҲД-и шаҳр Матлуба Сатторова, нозири калони кор бо ноболиғон ва ҷавонони ШВКД Ҷумҳурии Тоҷикистон дар шаҳри Гулистон Сулаймон Партобов, мудири шуъбаи маорифи шаҳр Дилрабо Каримӣ, директори МТМУ №3 Монад Раҳматуллоева бо ҷалби волидайни хонандагони МТМУ №3-и шаҳраки Консой мулоқоти судманд анҷом дода шуд.

Зимни баргузории мулоқот вобаста ба пешгирии шомилшавии ҷавонон, бахусус муҳоҷирон ва ҷавонони дар хориҷ таҳсилдошта ба гуруҳҳои ғайриқонунӣ, ба дарки мардум расонидани моҳияти терроризму экстремизм, бахусус хусусияти динидошта, ба аҳолӣ фаҳмонидани амалҳое, ки ҷиноятҳои махсусан вазнин ҳисоб мешаванд, огоҳонидани мардум, алалхусус ҷавонон аз макру найранг ва роҳҳои ҷалби ҷавонон ба ҳизбу ҳаракатҳои иртиҷоӣ ва террористиву экстремистӣ, истифодаи дурусти телефон ва шабакаҳои ичтимоӣ ва зери назорати волидон қарор додани истифодабарандагони ҷавон, эҳсоси масъулият доштан дар раванди ҳифзи амнияти кишвар, пешгирӣ аз таълимоти нодуруст ва ғайрирасмии динию мазҳабӣ ва дигар масъалаҳои мубрам маърӯзаҳо ироа карда шуд.

ҶАЛАСАИ КОРИИ НАЗДИ РАИСИ ШАҲРИ ГУЛИСТОН БАРГУЗОР ГАРДИД

Имрӯз, 27 январи соли 2026 дар толори хурди Мақомоти иҷроияи ҳокимияти давлатии шаҳри Гулистон ҷаласаи кории назди Раиси шаҳри Гулистон доир ба расонидани муҳтавои дастуру супоришҳои Пешвои муаззами миллат муҳтарам Эмомалӣ Раҳмон, ки дар Маҷлиси васеи Ҳукумати Ҷумҳурии Тоҷикистон санаи 23 январи соли 2026 баён доштанд баргузор гардид.

Дар ҷаласаи корӣ муовинони Раиси шаҳр, роҳбарони воҳидҳои сохторӣ, мудирони шуъбаву бахшҳо, раисони ҷамоати шаҳракҳо ва дигар шахсони масъул иштирок намуданд.

Раиси шаҳри Гулистон Илҳом Пӯлотзода кори ҷаласаро оғоз намуда, таъкид намуд, ки дар ҷараёни маҷлиси васеъ Сарвари давлат муҳтарам Эмомалӣ Раҳмон ба раисони вилоятҳо ва шаҳру ноҳияҳои мамлакат ҷиҳати густариш бахшидани раванди омодагӣ ба ҷашни 35-солагии истиқлоли давлатӣ, иҷрои вазифаҳои дар Паёми Президенти Ҷумҳурии Тоҷикистон гузошташуда, барномаву нақшаҳои қабулнамудаи Ҳукумати мамлакат, ҳалли саривақтии арзу шикоятҳои мардум, дастгирии соҳибкорӣ, тақвияти ҳамкорӣ бо бахши хусусӣ, таъмини рушди устувори иқтисодиву иҷтимоӣ, афзун намудани ҳаҷми истеҳсоли маҳсулоти саноативу кишоварзӣ, бештар намудани ҳаҷми содироти онҳо, тақвияти фаъолияти муассисаҳои маориф, тандурустӣ ва фарҳанг дастуру супоришҳои мушаххас доданд.