ТАҚВИЯТИ КОРҲОИ ОБОДОНӢ

Имрӯз, 01.11.2023 тибқи нақшаи кории мақомоти иҷроияи ҳокимияти давлатии шаҳр ҷиҳати ба роҳ мондани корҳои ободонӣ ва тозаву озода нигоҳ доштани шаҳр ҷиҳати қабули меҳмонон Раиси шаҳр Раъно Ҳошимзода аз шоҳроҳи асосӣ ва дохили шаҳр дидан намуд.

Раиси шаҳри Гулистон Раъно Ҳошимзода аз даромадгоҳи ғарбии шаҳр то охири роҳи асосӣ аз шафати роҳи асосӣ ва иншоотҳо дидан карда, ҷиҳати тақвияти корҳои ободонӣ ва тозаву озода нигоҳ доштани шаҳр ба масъулин дастуру супоришҳо дод.

Тибқи нақша барои тозаву озода нигоҳ доштани шаҳр ва шафати роҳи протоколӣ шахсони масъул вобаста гардидаанд ва ҷиҳати ба роҳ мондани корҳои ободонӣ ва тозаву озода нигоҳ доштани макони вобастагардида корбарӣ намуда истодаанд.

Даври шаҳрии озмуни вилоятии "Тирамоҳи заррин" баргузор гардид

Санаи 26-уми октябри соли 2023 дар Муассисаи давлатии "Маркази таҳсилоти иловагӣ"-и шаҳри Гулистон  бо мақсади омӯзиши табиати диёр, бунёдкорӣ ва сохтани ҷаҳони маънавии хонандагон, бахшида ба Иди "Меҳргон" даври шаҳрии озмуни вилоятии "Тирамоҳи заррин" пуршукӯҳу хотирмон дар фазои кушоду пуртаровати тирамоҳӣ доир гардид.

Озмун аз рӯи 3 бахш: "Ташкили намоишгоҳ аз маводи табиӣ", "Ҳимояи рисолаву реферат" ва "Расми беҳтарин" гузаронида шуд. Дар озмуни мазкур хонандагони муассисаҳои таълимии шаҳр фаъолона иштирок намуданд.

ВОХӮРӢ ДОИР БА ТАРБИЯИ ВАТАНДӮСТИИ ШАҲРВАНДОН, ПЕШГИРИИ ПАДИДАҲОИ НОМАТЛУБ ДАР ҶОМЕА ВА ДАЪВАТИ ҶАВОНОН БА САФИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

Санаи 26.10.2023 дар толори ҷамоати  шаҳраки Консой доир ба тарбияи ватандӯстии шаҳрвандон, пешгирии падидаҳои номатлуб дар ҷоме ва даъвати ҷавонон ба Сафи Қувваҳои Мусаллаҳи Ҷумҳурии Тоҷикистон вохӯрӣ баргузор карда шуд.

Дар вохӯрии мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, ва Сатторова Матлуба и.в. бахши занони мақомоти иҷроияи ҳокимияти давлатии шаҳр иштирок ва суханронӣ намуданд.

Зикр карда шуд, ки вазъи мураккаби геополитикии ҷаҳони муосир ва паҳншавии зуҳуроти номатлубу даҳшатовари терроризм ва экстремизм, ки барои ҷомеаи башарӣ, сулҳу субот, амнияти давлат ва рушди устувори давлатҳо таҳдиди бевосита менамояд, на танҳо Ҷумҳурии Тоҷикистон, балки сайёраро ба ташвиш овардааст.